EFESIOS 5:21 - Chatino Tataltepec

²¹ Taquiya' tso'o ma̱ ji'i̱ clyo'o ma̱ xqui'ya ycui' Ndyosi.

EFESIOS 5:21 ပူးပေါင်းရင်းမြစ်များ

1 CORINTIOS 16:16

Nti' na' cha' taquiya' ma̱ ji'i̱ ngu' bi'; la cui' jua'a̱ taquiya' ma̱ ji'i̱ lcaa ngu' nu cua'ni cña stu'ba ti lo'o ngu' bi', lo'o jua'a̱ ji'i̱ lcaa ñati̱ nu tso'o tsa cua'ni cña ñi'ya̱ nu ndyu'ni ngu' bi'.

2 CORINTIOS 5:11

Xqui'ya cha' ndube tsa ti' ya cha' ña'a̱ ycui' Ndyosi ji'i̱ ya, bi' cha' nchcui' tsa ya cha' ji'i̱ Jesús lo'o xa' ñati̱. Tso'o tsa nslo ycui' Ndyosi ji'i̱ ya, ñi'ya̱ ndu'ni sa scaa ya. Lo'o jua'a̱ cu'ma̱, nti' ya cha' liñi tsa ndyuloo ma̱ ji'i̱ ya,

2 CORINTIOS 7:1

Cu'ma̱ ngu' tya'a na, nu ntsu'u tsa tyiquee na' ña'a̱ na' ji'i̱ ma̱, jua'a̱ laca cha' nu cua nda ycui' Ndyosi lo'o na, cha' nu caca ji'na nde loo la. Bi' cha' lacua, ntsu'u cha' cua'ni tye na ji'i̱ lcaa cha' cuxi nu nti' cua'ni ñu'u̱ ji'i̱ cresiya ji'na, ji'i̱ tyucui ña'a̱ na. Lo'o jua'a̱ lye tsa cua'ni na cña cha' caca na ñati̱ ji'i̱ ycui' Ni; na laca nu cua'ni na nde chalyuu, cua'ni na ji'i̱ ñi'ya̱ nti' si cua ndu̱ ycui' Ndyosi ña'a̱ Ni ji'na.

GÁLATAS 5:13

Cua ngusubi ycui' Ndyosi ji'i̱ ma̱ cha' caca tyi'i̱ tso'o ti ma̱ chalyuu. Tsa bi' ti cha', tii ti ti' ma̱ tyi'i̱ ma̱ chalyuu; ná clyana ma̱ cha' cuxi nu cua'ni ma̱ laja lo'o ndi'i̱ tso'o ti ma̱, cha' si'i na ndi'i̱ tso'o ti na cha' culiji na na nu ntsu'u ji'na jua'a̱ ti. Ntsu'u cha' xtyucua na ji'i̱ tya'a ñati̱ na xqui'ya cha' ntsu'u tsa tyiquee na ña'a̱ na ji'i̱ ngu', bi' cha' ndi'i̱ tso'o ti na.

EFESIOS 5:22

Cu'ma̱ ngu' cuna'a̱ ni, taquiya' ma̱ cha' nu nchcui' clyo'o ma̱ ñi'ya̱ lo'o ndaquiya' na cha' nu nchcui' ycui' nu Xu'na na.

EFESIOS 5:24

Cu'ma̱ ngu' cuna'a̱ tya'a ngusñi na cha' ji'i̱ Cristo, nga'a̱ cha' cua'ni chi̱ ma̱ loo clyo'o ma̱; tucuá ma̱ lcaa cña nu culo clyo'o ma̱ ji'i̱ ma̱, ñi'ya̱ nu ndyaca lo'o lcaa ngu' tya'a ma̱ nu tsa tlyu ti ndyu'ni tlyu ma̱ ji'i̱ Cristo, ntucuá ma̱ cña ji'i̱ Cristo.

FILIPENSES 2:3

Cua'ni ma̱ cha' ná quiña'a̱ cha' tyu'u tyiquee ma̱ lo'o cua'ni ma̱ sca cña; si'i xcui' cha' ji'i̱ ycui' ca ma̱ culacua ti' ma̱, ni si'i na cua'ni tyucuaa ti' ma̱ lo'o tya'a ma̱. Tso'o la si culacua ti' ma̱ cha' tso'o la laca nu xa' la ngu' tya'a ma̱, pana ná tso'o ycui' ca ma̱;

1 TIMOTEO 2:11

Nga'a̱ cha' tyi'i̱ ti̱ ti ngu' cuna'a̱ lo'o culu'u ngu' cha' ji'i̱ ycui' Ndyosi laja lo'o ndyu'u ti'i̱ ngu', cha' lo'o ngu' cuna'a̱ bi' ca tsa'a̱ lo'o ngu', cha' lo'o ngu' cuna'a̱ taquiya' ji'i̱ cha' bi'.

1 TIMOTEO 3:4

Ntsu'u cha' culo tso'o yu bi' cña ji'i̱ ngu' tya'a ndi'i̱ ti yu, cha' jua'a̱ taquiya' sñi' yu cña nu nclyo yu ji'i̱ ngu', cha' cua'ni chi̱ sñi' yu loo yu.

HEBREOS 13:17

Taquiya' ma̱ ji'i̱ ñati̱ nu laca cña cuentya ji'i̱ ña'a̱ taju ngu' tya'a ma̱; cua'ni ma̱ lcaa cña nu ndijña ngu' bi' ji'i̱ ma̱ cha' cua'ni ma̱. Tlyu tsa cña nu ntsu'u ji'i̱ ngu' bi', cha' xcui' ndube ti' ngu' ñi'ya̱ nu ndyu'ni sa scaa ma̱; nga'a̱ cha' xacui̱ ngu' cha' ji'i̱ ycui' Ndyosi si chañi cha' ña'a̱ ti tya tso'o ndyu'ni ma̱, xqui'ya cha' ngusñi ma̱ cha' ji'i̱ Ni. Pana tso'o la nti' ngu' bi', si ña'a̱ ti tso'o ntsu'u tyiquee ma̱ cua'ni ma̱ ñi'ya̱ nu nacui̱ ngu' ji'i̱ ma̱ cha' cua'ni ma̱. Si ná cua'ni ma̱ jua'a̱, caca xñi'i̱ ti' ngu' bi' li', cha' nga'aa caca xtyucua ngu' ji'i̱ ma̱ li'.

1 PEDRO 2:13

Xqui'ya Jesucristo nu Xu'na na tucuá ma̱ cha' ji'i̱ lcaa ngu' nu laca loo, masi rey nu laca loo tsiya' ti ji'i̱ nasiyu̱ re,

1 PEDRO 2:17

Tso'o si tucuá ma̱ cha' nu nchcui' lcaa ñati̱. Lo'o jua'a̱ cua'ni ma̱ cha' tso'o ti caca tyiquee ma̱ ña'a̱ ma̱ ji'i̱ lcaa ñati̱ ji'i̱ Cristo, cha' tya'a ma̱ laca ngu' bi'. Ndu'ni cha' cutsi̱i̱ ma̱ xi ji'i̱ ycui' Ndyosi, lo'o jua'a̱ ndu'ni cha' cua'ni chi̱ ma̱ loo rey nu laca loo tsiya' ti chalyuu.

1 PEDRO 5:5

Lo'o jua'a̱ cu'ma̱ ngu' cuañi' ni, ta na' sca cui̱i̱ lo'o ma̱. Taquiya' ma̱ ji'i̱ cha' nu nchcui' ngu' cusu' nu laca loo ji'i̱ ma̱. Lo'o jua'a̱ ntsu'u cha' xtyucua ma̱ ji'i̱ tya'a ñati̱ ma̱, cha' ná tso'o cua'ni tyucuaa ti' ma̱ ji'i̱ ngu' bi'. Ndi'ya̱ nscua cha' lo quityi ji'i̱ ycui' Ndyosi: Xu̱u̱ tya'a ycui' Ndyosi lo'o ñati̱ nu ndu'ni tyucuaa ti' ji'i̱ tya'a ñati̱, pana xtyucua tsa Ni ji'i̱ ñati̱ nu xti ti cha' ntsu'u tyiquee ngu' cuentya ji'i̱ ycui' ca ngu'.