EFESIOS 5:19 - Chatino Tataltepec

¹⁹ Cula tu'ba ma̱ lcaa lo ji̱i̱ ji'i̱ ycui' Ndyosi nu lo'o tyu'u ti'i̱ ma̱ lo'o tya'a ma̱ cha' cua'ni tlyu ma̱ ji'i̱ Ni, masi ji̱i̱ salmo nu nscua lo quityi tya sa'ni, masi cua ña'a̱ ca ji̱i̱ nu nchcui' cha' ji'i̱ ycui' Ndyosi nu ca'ya hique ma̱; tyucui tyiquee ma̱ cua'ni tlyu ma̱ ji'i̱ ycui' Ndyosi lo'o ji̱i̱ bi'.

EFESIOS 5:19 ပူးပေါင်းရင်းမြစ်များ

SAN MATEO 15:8

Ndu'ni tlyu ngu' re jna' cha' tu'ba ti ngu', nacui̱ ycui' Ni. Si'i tyucui tyiquee ngu' ndu'ni tlyu ngu' 'na.

SAN MATEO 26:30

Lo'o ndyula tu'ba ngu' sca ji̱i̱ ji'i̱ ycui' Ndyosi, li' ndu'u ngu' ndyaa ngu' nde ca'ya Olivos.

LOS HECHOS 16:25

Nu lo'o ngua cla'be talya nga'a̱ Pablo lo'o Silas ne' chcua̱ bi'; nchcui' ngu' lo'o ycui' Ndyosi, ndyula tu'ba ngu' ji̱i̱ ji'i̱ ycui' Ni. Lo'o jua'a̱ ndyuna lcaa preso tya'a ntsu'u ngu' ne' chcua̱.

1 CORINTIOS 14:15

Ndi'ya̱ cua'ni na lo'o cua'ni tlyu na ji'i̱ Ni lacua: Taca chcui' na lo'o Ni cha' ji'na ti, sca cha' nu ntsu'u ne' cresiya ji'na, pana nga'a̱ cha' caca cuayá' ti' na ni cha' nda na slo ngu' tya'a na; la cui' jua'a̱ nu lo'o cula tu'ba na ji̱i̱ ji'i̱ ycui' Ndyosi, cula tu'ba na cha' ji'na ti tu'ni, pana lo'o ndu'ni cha' caca cuayá' ti' na ñi'ya̱ ndyu'u cha' nu nchcui' ji̱i̱ bi'.

1 CORINTIOS 14:26

Cu'ma̱ tya'a ngusñi na cha' ji'i̱ Jesús, ndi'ya̱ cua'ni ma̱ nu lo'o tyu'u ti'i̱ ma̱ lo'o tya'a ma̱: Tyatu̱ tsaca ma̱ cha' cacha' ni ji̱i̱ caca nu cula tu'ba ma̱ cuentya ji'i̱ ycui' Ndyosi; cuati tyatu̱ chaca nu culu'u cha' ji'i̱ ycui' Ni ji'i̱ tya'a ma̱; lo'o li' chcui' tsaca ngu' sca cha' nu nti' Ni ta Ni lo'o ma̱; lo'o jua'a̱ taca ta ma̱ xi cha' lo'o cha'cña ji'i̱ xa' ñati̱, si lo'o nchca ji'i̱ ma̱ xtyacui ma̱ cha' bi', cha' caca cuayá' ti' lcaa ñati̱ nu nga'a̱ ca ndacua. Lcaa ña'a̱ nu cua'ni ma̱ ntsu'u cha' tyatí̱ la ti' tyiquee lcaa ñati̱ tya'a ndyu'u ti'i̱ ma̱.

COLOSENSES 3:16

Nga'a̱ cha' tyanu tyucui cha' ji'i̱ Cristo ca ne' cresiya ji'i̱ ma̱. Tso'o tsa ndyu'u cha' bi', bi' cha' tso'o ti culu'u ma̱ cha' bi' ji'i̱ tya'a ma̱ ña'a̱ cuayá' nu cuna tso'o lcaa ngu'. La cui' jua'a̱ cula tu'ba ma̱ lcaa lo ji̱i̱ nu ntsu'u ji'i̱ ycui' Ndyosi, masi ji̱i̱ salmo nu nscua lo quityi nu ngua sa'ni, masi cua ña'a̱ ca ji̱i̱ nu ca'ya hique ma̱ nu nchcui' cha' ji'i̱ ycui' Ndyosi; cula tu'ba ma̱ ji̱i̱ cha' cuna ycui' Ndyosi, xqui'ya cha' tso'o tsa ntsu'u tyiquee ma̱ ña'a̱ ma̱ ji'i̱ ycui' Ni.

SANTIAGO 5:13

Nu lo'o lye tsa nchcube' scaa ma̱, xqui'ya cha' ngusñi ma̱ cha' ji'i̱ Jesús, tso'o si chcui' ma̱ lo'o ycui' Ndyosi la cui' hora bi'. Lo'o jua'a̱ si ntsu'u scaa ma̱ nu chaa tsa ti' ma̱, tso'o tsa si cula tu'ba ma̱ sca ji̱i̱ ji'i̱ ycui' Ndyosi li'.

APOCALIPSIS 5:9

Li' ndyula tu'ba ngu' bi' sca ji̱i̱ cha' cua'ni chi̱ ngu' loo nu ñi'ya̱ ña'a̱ xlya' bi'. Bilya cuna na' ji̱i̱ nu ndyula tu'ba ngu' bi': Cua nda ycui' Ni chacuayá' jinu'u̱ cha' xñi nu'u̱ quityi nchcu̱' bi', nacui̱ ngu', cha' suu nu'u̱ nguiña' nu nga'a̱ tu'ba quityi bi'. Na cua ndyujuii ñati̱ jinu'u̱ tsaca quiya'; pana lo'o ngujuii nu'u̱ ni, li' ngua'ni nu'u̱ cña cuentya ji'i̱ ya cha' caca ya ñati̱ ji'i̱ ycui' Ndyosi. Ñati̱ nu cua ndyu'u cua ña'a̱ ca quichi̱ tyi ngu', ñati̱ nu nchcui' cua ña'a̱ ca lo cha'cña nu nchcui' ñati̱ chalyuu, ñati̱ nu ndyu'u tyucui ña'a̱ chalyuu mala su ndi'i̱ ñati̱, bi' ñati̱ nu ngusubi nu'u̱ ji'i̱.