’¡Tya'na cu'ma̱ ngu' mstru cha' jo'ó, lo'o jua'a̱ cu'ma̱ ngu' fariseo, cha' tucua cha' ntsu'u tyiquee ma̱! Tso'o tsa ndyaati̱ loo ma̱, ndyaati̱ chu̱' cuaña' ma̱, ñi'ya̱ nti' ndyaati̱ sca tasa, ndyaati̱ sca ca'ña; pana nde ne' cresiya ji'i̱ ma̱ xcui' cha' cuxi ntsu'u, cha' nti' ma̱ xlyaá ma̱ na nu ntsu'u ji'i̱ xa' ñati̱, cha' lya' ti' ma̱ ji'i̱ ñati̱.
EFESIOS 5:18 - Chatino Tataltepec18 Ná ca cu'bi ma̱; ndu'ni ñu'u̱ tsa nu xña'a̱ ji'i̱ ñati̱ cha' chcuna' chalyuu ji'i̱ ngu', xqui'ya cha' cu'bi ngu'. Xa' ña'a̱ cua'ni ma̱, cha' xtyucua Xtyi'i ycui' Ndyosi ji'i̱ ma̱ lo'o cua ña'a̱ ca cña nu cua'ni ma̱ chalyuu. အခန်းကိုကြည့်ပါ။ |
EFESIOS 5:18
33 ပူးပေါင်းရင်းမြစ်များ
Pana sca msu nu ná ndube ti' ji'i̱ cña nu ngulo xu'na yu ji'i̱ yu, hora ti ca'ya sca cha' cuxi hique yu: “Tiya' tsa ca̱a̱ xu'na na'”, culacua ti' yu. Li' xana yu bi' cua'ni xña'a̱ yu; cua'ni tyaala yu ji'i̱ tya'a msu yu, masi cuna'a̱, masi qui'yu ngu'. Tso'o tsa cacu yu scuaa, tsa cu' ti co'o yu lcui, tsa cu' ti tya'a̱ yu cu'bi yu.
’Cui'ya ma̱ cuentya, cua'a ma̱ ji'i̱ ycui' ca ma̱ cha' tii ti ti' ma̱ tyi'i̱ ma̱ lo'o tyalaa tsa̱ bi'; si culiji yu'u ti ma̱ chalyuu ji'i̱ ma̱ jua'a̱ ti lo'o ndya'a̱ tsa ma̱ calle, lo'o cu'bi ti ma̱, la cui' jua'a̱ si ntsu'u tyu̱u̱ tya'a cha' nu ndube tsa ti' ma̱ ji'i̱, ná caca tyi'i̱ ma̱ tii ti ti' ma̱ li'. Ñi'ya̱ ndyacu̱' sca lco'o,
―Xa' ñati̱ ni ―nacui̱―, xcui' vino nu tso'o la laca nu nda ngu' ndyi'yu ñati̱ lo'o nxana ti ta'a; ña'a̱ cuayá' nu nguaala' ti' ngu' cha' ndyo'o tsa ngu' vino bi', ca li' nda ngu' vino cuxi la cha' co'o ngu' nu ndi'i̱ ta'a ―nacui̱ nu laca loo ji'i̱ ta'a ji'i̱ cutsii―. Pana nu'u̱ ni, masi cua tye ti ta'a, hasta li' nda nu'u̱ vino nu tso'o la cha' co'o na. Tso'o tsa bi'.
Clyana na ñi'ya̱ caca tyi'i̱ tso'o ti na lo'o ñati̱, ñi'ya̱ si laca na ñati̱ nu xcui' ndya'a̱ ndacua̱ ti su caca ña'a̱ ñati̱ ji'na. Li' ná tso'o laca si culiji na chalyuu ji'na jua'a̱ ti lo'o ndya'a̱ na cha' cu'bi na, masi xa' la juersa ji'na culiji na lo'o xcui' ndi'i̱ ti na ta'a. Ná tso'o bi'. Lo'o jua'a̱ ná ntsu'u cha' cua'ni suba' na lo'o xa' ñati̱, ná ntsu'u cha' clyana na xa' la cha' cuxi nu cua'ni na lo'o ñati̱; ni nga'aa clyana na cha' cusu̱u̱ lo'o ngu', nga'aa cua'ni liye' ti' na ji'i̱ ngu'.
Pana ná tso'o cha' tyu'u cha' ji'i̱ ma̱ lo'o ñati̱ nu ndu'ni jua'a̱, masi ndu'ni ngu' bi' lo'o ma̱ cha' tya'a ñati̱ ji'i̱ Jesucristo laca ngu' bi'; bi' laca cha' nu ngua ti' na' chcui̱' lo'o ma̱. Ná caca stu'ba cha' ji'i̱ ma̱ lo'o ngu' si suba' ndu'ni ngu', si ndacui ti' ngu', si ndu'ni tlyu ngu' ji'i̱ lcui̱ jo'ó ti, si cuxi tsa nchcui' ngu' lo'o ñati̱, si cu'bi ngu', si cuaana ngu'; ná caca xñi ma̱ cha' ji'i̱ ngu' nu ndu'ni jua'a̱. Masi nacui̱ ñati̱ bi' cha' stu'ba ti ntsu'u cha' ji'i̱ ngu' lo'o Jesús, ná caca tyu'u cha' ji'i̱ ma̱ lo'o ngu'. La cui' ti cha', ni ná tso'o chca'a̱ ma̱ cacu ma̱ tyaja lo'o ñati̱ nu ndu'ni jua'a̱.
Xcui' tso'o ti nga'a̱ cha' cua'ni ngu' cusu' bi', cha' ná taca sta ñati̱ qui'ya ji'i̱ ngu'. Caja clyo'o ngu' bi' lo'o sca ti nu cuna'a̱, ni ná tso'o tyu'u cha' ji'i̱ ngu' bi' lo'o xa' nu cuna'a̱. Ntsu'u cha' xñi sñi' ngu' cusu' bi' cha' ji'i̱ Jesucristo, lo'o jua'a̱ ná cua'ni suba' sñi' ngu' lo'o xa' ñati̱; ntsu'u cha' taquiya' sñi' ngu' ji'i̱ cha' nu nchcui' ngu' cusu'.
ကြော်ငြာတွေ