EFESIOS 5:14 - Chatino Tataltepec

¹⁴ Bi' cha' ndi'ya̱ nchcui' quityi cusu': Quee ti' cu'ma̱, cha' ñi'ya̱ laca si na laja' ma̱, si na ngujuii ma̱, jua'a̱ laca ma̱ xqui'ya qui'ya nu ntsu'u ji'i̱ ma̱. Nga'aa tyu'u cha' ji'i̱ ma̱ lo'o cha' cuxi, cha' li' taca ta Cristo xee nu tyu'ú ne' cresiya ji'i̱ ma̱. Jua'a̱ nscua lo quityi.

EFESIOS 5:14 ပူးပေါင်းရင်းမြစ်များ

SAN LUCAS 1:78

Ntsu'u tsa tyiquee ycui' Ndyosi ña'a̱ Ni ji'na; tya'na tsa ti' Ni ji'na, bi' cha' cua ta ti ycui' Ni ji'i̱ Cristo cha' ca̱a̱ nde su ndi'i̱ na. Bi' laca sca xee tlyu nu tyu'ú ne' cresiya ji'na, ñi'ya̱ nti' xee ndubi nu ntyiji'i̱ su ndi'i̱ na lo'o lijya̱ ca ti cuichaa.

SAN LUCAS 15:24

cha' ngua ti' na cha' cua ngujuii sñi' na' re, lo'o juani xa' ndyu'u tucua yu; cua nguna' yu ngua ti' na', lo'o xa' ndyalaa yu.” Hora ti nguxana ngua'ni ngu' sca ta'a li'.

SAN JUAN 8:12

Chaca quiya' nda Jesús cha' lo'o ngu' ne' laa bi'. ―Na' laca̱ nu nda̱ xee cha' tyu'ú ne' cresiya ji'i̱ ñati̱ ―nacui̱ yu―. Tyanu xee lubii jna' ne' cresiya ji'i̱ ñati̱ nu xñi cha' jna', lo'o jua'a̱ ná nga'a̱ cha' tye chalyuu ji'i̱ ngu' bi' li'; nga'aa ntsu'u cha' tya'a̱ yu'u ngu' bi', ñi'ya̱ nu ndu'ni ngu' nu ná ntsu'u xee jna' ne' cresiya ji'i̱ tsiya' ti.

SAN JUAN 9:5

Lo'o tya tyi'i̱ na' chalyuu, tya ta na' xee nu tyu'ú ne' cresiya ji'i̱ ñati̱.

LOS HECHOS 13:47

Jua'a̱ cña ngulo ycui' nu Xu'na na ji'i̱ ya nu nchcui' quityi cusu' bi' ndi'ya̱: Ñi'ya̱ nti' sca xee ndubi nu nclyu'u xee tyijyu', jua'a̱ nga'a̱ cha' ta ma̱ cha' jna' lo'o ngu' xa' tsu', nacui̱ ycui' Ndyosi, cha' ca cuayá' ti' lcaa ñati̱ chalyuu tilaca laca nu cua'ni lyaá ji'i̱ ngu'.

ROMANOS 6:13

Ni sca ti tsu' ya' ma̱, ni sca ti tsu' quiya' ma̱, ná ta ma̱ ji'i̱ cha' jña nu xña'a̱, cha' ná caca ma̱ msu ji'i̱ nu bi', cha' ná cua'ni ma̱ cha' cuxi lo'o. Xa' ña'a̱ culacua ti' ma̱ juani; ta ma̱ tyucui ña'a̱ ma̱ cha' caca ma̱ cuentya ji'i̱ ycui' Ndyosi, ñi'ya̱ laca si ngujuii ma̱ tsaca quiya', lo'o li' xa' ndyu'ú ma̱ chaca quiya'. Bi' cha' juani nga'a̱ cha' ta ma̱ tyucui ña'a̱ ma̱ cha' cua'ni ma̱ cña ji'i̱ ycui' Ndyosi, laja lo'o ndu'ni ma̱ cha' tso'o ca su ndi'i̱ ma̱.

1 CORINTIOS 15:34

Nga'a̱ cha' xtyanu ma̱ ji'i̱ cha' cuxi nu ndyu'ni ma̱, xana culacua tso'o ti' ma̱ li'; tso'o ti cua'ni ma̱ lo'o tya'a ma̱. Nti' na' cha' ntsu'u xi cu'ma̱ nu bilya ca cuayá' tso'o ti' ma̱ cha' ji'i̱ ycui' Ndyosi, bi' cha' nchcui' na' lo'o ma̱ jua'a̱ cha' caca tyuju'u ti' ma̱.

2 CORINTIOS 4:6

La cui' ycui' Ndyosi laca nu nda xee lubii ji'i̱ Ni cha' tyanu ne' cresiya ji'na; bi' cha' caca cuayá' ti' na lcaa cha' tlyu nu tso'o tsa nu ntsu'u ji'i̱ ycui' Ndyosi, la cui' ti cha' nu nchca tii na cha' ndyu'ni Ni cña ne' cresiya ji'na nu lo'o xñi na cha' ji'i̱ Cristo. Ycui' Ni ngulo Ni cña cha' tyucua xee ca su ngua chalyuu talya nu ngua tya sa'ni la.

EFESIOS 2:1

Cua nda ycui' Ndyosi chalyuu ji'i̱ ma̱ chaca quiya' xqui'ya cha' cua ndyu'ú Cristo chaca quiya'. Nu ngua tsubi' la, ñi'ya̱ laca si na cua ndye chalyuu ji'i̱ ma̱, jua'a̱ ngua ma̱ xqui'ya qui'ya nu ntsu'u ji'i̱ ma̱ lo'o ycui' Ndyosi, cha' ná ndaquiya' ma̱ tsiya' ti ji'i̱ cha' nu nchcui' ycui' Ndyosi.

EFESIOS 2:5

bi' cha' nda ycui' Ndyosi chalyuu ji'na chaca quiya', xqui'ya cha' cua ndyu'ú Cristo chaca quiya'. Cua ndye chalyuu ji'na ngua ti' na nquicha', xqui'ya cha' ná ndaquiya' na ji'i̱ cha' nu nchcui' ycui' Ndyosi; pana xqui'ya cha' xcui' tya'na tsa ti' Ni ña'a̱ Ni ji'na, bi' cha' cua ngulaá na ji'i̱ nu cuxi, cha' cua ngüityi̱ Ni qui'ya nu ntsu'u ji'na.

COLOSENSES 3:1

Pana cu'ma̱ ni, cua ngujui chaca chalyuu cucui ji'i̱ ma̱ xqui'ya cha' cua ngua stu'ba cha' ji'i̱ ma̱ lo'o Cristo; bi' cha' lacua, xcui' na tyu'u tyiquee ma̱ ji'i̱ cua ña'a̱ ca cha' tso'o nu ndyu'u ji'i̱ Cristo lijya̱, cha' ntucua Cristo nde la'a tsu' cui̱ su tlyu su ntucua ycui' Ndyosi.

1 TESALONICENSES 5:6

Bi' cha' tii ti ti' na tyi'i̱ na chalyuu; si'i ñi'ya̱ nti' si xcui' na laja' ti na tyi'i̱ na chalyuu, masi jua'a̱ ndu'ni xa' la ñati̱ nu ná ndaquiya' ji'i̱ Jesucristo tsiya' ti. Lo'o jua'a̱ ña'a̱si̱i̱ na ji'i̱ ycui' ca na cha' ná caca cu'bi na.

2 TIMOTEO 1:10

Cua nchca cuayá' ti' na cha' bi' juani, xqui'ya cha' cua ya̱a̱ Jesucristo chalyuu, cha' bi' laca nu ngua'ni lyaá ji'na; ntiji̱loo Jesús tsiya' ti ji'i̱ nu xña'a̱ nu lo'o ndyu'ú yu chaca quiya' lo'o cua ngujuii yu, bi' cha' ná nga'a̱ cha' tye chalyuu ji'i̱ lcaa na nu xñi na cha' ji'i̱ Ni, cha' ngua'ni lyaá Jesús ji'na.

2 TIMOTEO 2:26

cha' li' taca culo Ni ji'i̱ ngu' ya' nu xña'a̱. Na cua ngusñi nu xña'a̱ ji'i̱ ñati̱ nu ñasi̱' bi' tya tsubi' la cha' cua'ni ngu' cña cuxi cuentya ji'i̱.