EFESIOS 5:1 - Chatino Tataltepec

¹ Ntsu'u tsa tyiquee ycui' Ndyosi ña'a̱ Ni ji'i̱ ma̱, xqui'ya cha' laca ma̱ sñi' ycui' Ni; bi' cha' cua'ni ma̱ cha' caca ma̱ ñi'ya̱ nu laca ycui' Ndyosi tsiya' ti.

EFESIOS 5:1 ပူးပေါင်းရင်းမြစ်များ

SAN MATEO 5:45

Li' taca tyuloo ñati̱ ji'i̱ ma̱ cha' laca ma̱ sñi' ycui' Ndyosi nu ntucua nde cua̱. Ndu'ni Ni cha' stu'ba ti tyucua cuichaa, masi ca su ndi'i̱ ñati̱ cuxi, masi ca su ndi'i̱ ñati̱ tso'o; ndu'ni Ni cha' stu'ba ti ca'ya tyo, masi ca su ndi'i̱ ñati̱ tso'o, masi ca su ndi'i̱ ñati̱ cuxi. Bi' cha' tso'o la si stu'ba ti cua'ni ma̱ lo'o lcaa ñati̱.

SAN MATEO 5:48

Ycui' Ndyosi Sti na nu ntucua nde cua̱ ni, xcui' cha' tso'o, xcui' cha' liñi, xcui' cha' lubii ndu'ni Ni; ñi'ya̱ ndu'ni ycui' Ni, jua'a̱ nga'a̱ cha' cua'ni ma̱ xcui' cha' tso'o lo'o lcaa ñati̱, si chañi cha' sñi' ycui' Ni laca ma̱.

SAN JUAN 1:12

Pana ndi'i̱ xi ñati̱ nu cua ngusñi cha' ji'i̱ yu, jlya ti' ngu' bi' ji'i̱ yu li'; ji'i̱ ñati̱ bi' nda Ni chacuayá' cha' caca ngu' bi' sñi' ycui' Ndyosi.

EFESIOS 4:32

Xa' ña'a̱ cua'ni ma̱ juani. Xcui' tso'o ti cua'ni ma̱ lo'o tya'a ñati̱ ma̱, tyu'u tsa cha' clyu ti' ji'i̱ ma̱ lo'o tya'a ma̱; cua'ni clyu ti' ma̱ ji'i̱ qui'ya nu ntsu'u ji'i̱ ngu', cha' jua'a̱ cua ngua'ni clyu ti' ycui' Ndyosi ji'na xqui'ya Cristo.

FILIPENSES 2:15

cha' ná caca ñacui̱ ngu' cha' ntsu'u qui'ya ji'i̱ ma̱ li', lo'o jua'a̱ ná caja su lyiji cua'ni ma̱ sca cha' li'. Tso'o la si caca cuayá' ti' ngu' cha' chañi cha' laca ma̱ sñi' ycui' Ndyosi tyucui tyiquee ma̱, masi xcui' ndi'i̱ ti ma̱ chalyuu laja ñati̱ cuxi, laja ñati̱ nu chi̱i̱ nti' ngu' ña'a̱ ji'i̱ tya'a ngu'. Xqui'ya cu'ma̱ nga'a̱ cha' cañi cha' ji'i̱ Jesús lcaa su ndi'i̱ ñati̱ bi'; ñi'ya̱ nu ntyiji'i̱ xee cuii nde talya, jua'a̱ caca ma̱ xee nde chalyuu,

COLOSENSES 3:12

Ñati̱ ji'i̱ ycui' Ndyosi laca cu'ma̱ lacua; na cua ngusubi Ni ji'i̱ ma̱, xqui'ya cha' ntsu'u tsa tyiquee Ni ña'a̱ Ni ji'i̱ ma̱. Bi' cha' ntsu'u cha' cua'ni tya'na ti' ma̱ ji'i̱ xa' ñati̱; tso'o ti cua'ni ma̱ lo'o ngu', ni ná cua'ni tyucuaa ti' ma̱ lo'o ngu', masi tiya' ti chcui' ma̱ lo'o ngu', jua'a̱ talo tsa tyiquee ma̱ ji'i̱ ngu'.

1 JUAN 4:11

Cu'ma̱ ngu' tya'a na nu tyaca'a tsa ma̱ 'na, nga'a̱ cha' tso'o ti tyu'u tyiquee na ña'a̱ na ji'i̱ tya'a ñati̱ na, cha' jua'a̱ ntsu'u tsa tyiquee ycui' Ndyosi ña'a̱ Ni ji'na.