EFESIOS 4:7 - Chatino Tataltepec

⁷ Pana cua nda Ni sca cña cha' cua'ni scaa na cuentya ji'i̱ Ni; tsa ña'a̱ juersa nu nda Cristo ji'i̱ scaa na, jua'a̱ taca cua'ni na cña bi'.

EFESIOS 4:7 ပူးပေါင်းရင်းမြစ်များ

SAN MATEO 25:15

’Nda nu cusu' ca'yu mil cñi plata ji'i̱ msu nu ya̱a̱ tya clyo, lo'o jua'a̱ nda yu tucua mil ji'i̱ chaca msu, lo'o jua'a̱ nda yu sca mil ji'i̱ chaca msu, cha' jlo ti' xu'na ngu' ñi'ya̱ caca ji'i̱ scaa msu bi' cua'ni cña lo'o cñi bi'. Li' ndu'u xu'na ngu', ndyaa tyijyu'.

SAN JUAN 3:34

Nda Ni ji'i̱ nu Jesucristo bi' ya̱a̱ chalyuu, lo'o jua'a̱ xcui' cha' ji'i̱ ycui' Ndyosi nda yu lo'o na xqui'ya Xtyi'i ycui' Ndyosi. Lo'o ycui' Ndyosi ni, ná ntsu'u cha' tye cha' ta Ni Xtyi'i ycui' Ni ji'na.

ROMANOS 12:3

Tlyu tsa cha' tso'o nu ngua'ni ycui' Ndyosi lo'o na', nu lo'o nda Ni cña jna'; bi' cha' nchcui' tsa na' lo'o ma̱ juani, cha' nga'aa cua'ni tyucuaa ti' ma̱ lo'o xa' ñati̱. Nga'a̱ cha' culacua ti' ma̱ cha' lcaa cña nu cua nchca ji'i̱ ma̱ juani, Cristo ngua'ni cha' caca ji'i̱ ma̱, nu lo'o ngusñi ma̱ cha' ji'i̱ Ni.

2 CORINTIOS 6:1

Ngu' tya'a ndyu'ni na cña ji'i̱ ycui' Ndyosi laca ma̱; bi' cha' nchcui' tsa ya lo'o cu'ma̱, cha' ná culiji ma̱ cha' tso'o jua'a̱ ti, cha' tso'o nu cua nda Ni cha' tyanu ne' cresiya ji'i̱ ma̱. Na cua ngusñi ma̱ cha' bi' tsaca quiya', bi' cha' ña'a̱ ti taquiya' ma̱ ji'i̱ cha' bi' juani.

EFESIOS 3:2

Cua ngua cuayá' ti' ma̱ cha' ycui' Ndyosi laca nu nda cña bi' 'na, cha' xtyucua na' ji'i̱ ma̱, xqui'ya cha' ntsu'u tsa tyiquee Ni ña'a̱ Ni ji'na.

EFESIOS 3:8

Ná tso'o la na' tsiya' ti que cua ña'a̱ ca ñati̱ nu ngusñi cha' ji'i̱ ycui' Ndyosi, tso'o la ngu' bi' que na'; pana nda Ni chacuayá' cha' tsa'a̱ slo ñati̱ nu ndi'i̱ xa' tsu'. Tso'o tsa cña nda Ni 'na, cha' cacha' na' cha' tso'o bi' ji'i̱ ngu', masi tya lyiji tsa cha' tye ca cuayá' ti' ycui' na' lcaa cha' tso'o nu ndu'ni Cristo lo'o ñati̱.

HEBREOS 2:4

Lo'o jua'a̱ ngua'ni ycui' Ndyosi cña cha' ca cuayá' ti' na cha' chañi tsa laca cha' nu nchcui' ngu', ngua'ni Ni quiña'a̱ tsa cha' tlyu slo na cha' ña'a̱ na ji'i̱. Tyu̱u̱ tsa cha' nu ná nchca cua'ni ñati̱ chalyuu ngua'ni Ni, cha' cube tsa ti' na ji'i̱ ycui' Ni lo'o ña'a̱ na cha' tlyu bi'. Lo'o li' cua nda Ni Xtyi'i ycui' Ni cha' tyanu ne' cresiya ji'i̱ ñati̱ chalyuu, tsa ña'a̱ nu ntsu'u tyiquee ycui' Ni nda Ni ji'i̱ ngu'; bi' cha' nchca ji'na cua'ni na tyu̱u̱ lo cña cuentya ji'i̱ ycui' Ndyosi, nu ná nchca ji'i̱ ñati̱ cua'ni ycui' ca ngu'.

1 PEDRO 4:10

Nda xlya'be ti ycui' Ndyosi ñi'ya̱ taca cua'ni scaa ma̱ sca cña tso'o, lcaa ma̱ nu ngusñi ma̱ cha' ji'i̱ Jesús. Ñi'ya̱ lo'o nxtyucua ycui' Ndyosi ji'na cha' caca tya'na ti' na ji'i̱ tya'a ñati̱ na, la cui' jua'a̱ nga'a̱ cha' xtyucua na ji'i̱ ngu' lo'o cua'ni na cña nu nda Ni cha' cua'ni sa scaa na.