EFESIOS 4:30 - Chatino Tataltepec30 Ná cua'ni ma̱ cha' ca xñi'i̱ ti' Xtyi'i ycui' Ndyosi; nu Xtyi'i ycui' Ndyosi ni, ñi'ya̱ laca si cua ngusta Ni cuayá' nu ji'i̱ ycui' ca Ni hichu̱' na, cha' laca na ñati̱ ji'i̱ Ni, jua'a̱ laca bi'. Tyanu bi' lo'o na ña'a̱ cuayá' nu tye chalyuu ji'na, ña'a̱ cuayá' nu tyalaa tsa̱ nu cua'ni lyaá Ni ji'na. အခန်းကိုကြည့်ပါ။ |
EFESIOS 4:30
23 ပူးပေါင်းရင်းမြစ်များ
Tya nchcui' la Esteban lo'o ngu' cusu' li': ―Ná ntaja'a̱ ma̱ taquiya' ma̱ cha' nu nchcui' ycui' Ndyosi lo'o ma̱. Tacalya tsa hique ma̱, cha' ná nduna ma̱ cha' ji'i̱ ycui' Ndyosi tsiya' ti; jua'a̱ lcaa tsa̱ chi̱i̱ nti' ma̱ lo'o nclyacua ti' ma̱ cha' ji'i̱ Xtyi'i ycui' Ndyosi. La cui' ñi'ya̱ ngua'ni jyo'o cusu' ji'na cha' cuxi sa'ni, la cui' jua'a̱ ndyu'ni ma̱ juani.
La cui' Xtyi'i ycui' Ndyosi laca bi', la cui' laca nu ngulo ji'i̱ jyo'o Jesús ca su ntsiya nguatsi', ndyu'ú yu chaca quiya' li'. Lo'o jua'a̱ cua nda ycui' Ndyosi Xtyi'i ycui' Ni cha' tyanu ne' cresiya ji'i̱ ma̱, cha' nu lo'o cajaa ma̱, li' cua'ni Ni cha' tyu'ú ma̱ chaca quiya' xqui'ya Xtyi'i ycui' Ni.
La cui' jua'a̱ lo'o lcaa tya'a na nu ntsu'u Xtyi'i ycui' Ndyosi ji'na, nxi'ya na ndi'i̱ na cha' ntsu'u tsa cha' ti'í ji'na juani. Na cua nda Ni Xtyi'i ycui' Ni ji'na lo'o ndi'i̱ na nde chalyuu, sca cha' tso'o nu nda Ni ji'na yala la laca. Laja li' ntajatya tsa na ji'i̱ tsa̱ tlyu bi', cha' cua'ni lyaá lyiji Ni ji'na, cha' xcutsa'a̱ Ni ji'i̱ tyucui ña'a̱ na li'. Lo'o li' ta Ni su tyi'i̱ na slo Ni, cha' cua laca na sñi' ycui' Ni.
Ndi'ya̱ laca cha': cua nacui̱ ycui' Ndyosi cha' caca stu'ba cha' ji'na lo'o Jesucristo, lo'o jua'a̱ cua nda Ni ji'i̱ Jesucristo ji'na. Masi ná nchca ji'na, pana nu Jesucristo ni, lcaa cha' nchca ji'i̱ ycui'. Xqui'ya nu Jesús bi' nchca tso'o cresiya ji'na ñati̱ cuxi na cuentya ji'i̱ ycui' Ndyosi; xqui'ya Jesús taca caca na ñati̱ ji'i̱ ycui' Ndyosi, cha' Jesús laca nu ngua'ni lyaá ji'na ji'i̱ nu cuxi.
Lo'o cua ngua nguxcutsa'a̱ Ni ji'i̱ tyucui ña'a̱ na cha' nga'aa quiñu'u̱ na tsiya' ti li', nga'aa caca na ñi'ya̱ nu ngua na tyempo nu nteje tacui; xcutsa'a̱ Ni lcaa cha' ji'na. Li' tyu'u scua sca cha' nu nscua lo quityi cusu' nu nchcui' ndi'ya̱: “Cua ngua'ni tye Ni cha' ndyijii ñati̱ chalyuu, cua ntiji̱loo ycui' Ndyosi ji'i̱ lcaa tya'a ngusu̱u̱ Ni;
Lo'o juani ni, tlyu la cha' ti'í tyacua ji'i̱ tya'a ñati̱ na nu chi̱i̱ tsa nti' ña'a̱ ngu' ji'i̱ Jesús, nu sca ti Sñi' ycui' Ndyosi bi', ngu' nu lye tsa chcui' lo ji'i̱ cña nu ngua'ni nu Jesús bi'; sca ti xqui'ya cha' ngujuii yu lo crusi, bi' cha' cua ndyaca lubii cresiya ji'na. Lo'o jua'a̱ si chcui' suba' na ji'i̱ Xtyi'i ycui' Ndyosi, li' lye la cha' nchcube' tyacua ji'na, cha' xcui' tso'o tsa ndu'ni Ni lo'o na xqui'ya Xtyi'i ycui' Ni.
ကြော်ငြာတွေ