EFESIOS 4:24 - Chatino Tataltepec24 nga'a̱ cha' xñi tso'o ma̱ cha' ji'i̱ ycui' Ndyosi cha' xa' ña'a̱ cua'ni ma̱ su ndi'i̱ ma̱ chalyuu, cha' taca cua'ni ma̱ ñi'ya̱ nu nti' ycui' Ndyosi cha' cua'ni ma̱. Bi' cha' xcui' cha' tso'o cua'ni ma̱ chalyuu, xcui' cha' lubii cua'ni ma̱, si chañi cha' laca ma̱ ñati̱ ji'i̱ ycui' Ndyosi. အခန်းကိုကြည့်ပါ။ |
EFESIOS 4:24
30 ပူးပေါင်းရင်းမြစ်များ
Nga'aa ta ma̱ tyempo cha' tatsaa ngu' ji'i̱ ma̱ cha' cua'ni ma̱ cha' cuxi; xa' ña'a̱ tyi'i̱ ma̱ chalyuu juani, cha' cua nchcutsa'a̱ Ni lcaa cha' nu ntsu'u ne' cresiya ji'i̱ ma̱. Bi' cha' caca cuayá' ti' ma̱ cua ña'a̱ ca cña nu nti' ycui' Ndyosi cha' cua'ni ma̱: ña'a̱ cña laca nu tso'o la cha' cua'ni ma̱, ña'a̱ cña nu ndiya la ti' ycui' Ndyosi ji'i̱, ña'a̱ cña nu tyu'u tso'o la ji'i̱ ma̱ su cua ndye cha' bi'; lcaa cha' bi' caca cuayá' ti' ma̱ li'.
Ñi'ya̱ laca chalyuu talya, jua'a̱ laca lo'o ndi'i̱ na chalyuu, xqui'ya cha' cuxi nu ntsu'u ji'na. Pana juani cua tye ti talya bi', cua tya̱a̱ ti Cristo cha' culotsu' Ni cha' cuxi bi'. Li' caca chalyuu ji'na ñi'ya̱ si cua nguxee tso'o, cha' lubii tsa xee caca li'. Bi' cha' nga'a̱ cha' xtyanu na ji'i̱ cha' cuxi nu ndu'ni ngu', cha' cuxi tsa tyiquee ngu' nu ndya'a̱ chalyuu talya bi'. Cua'ni cho'o na tyucui ña'a̱ na, cha' nguula tsa cua'ni na cña cuentya ji'i̱ Cristo nde chalyuu, ñi'ya̱ si laca na sendaru ji'i̱ Cristo.
Lo'o ntyucuatya ngu' ji'na, ndyaa na ne' hitya li', ñi'ya̱ laca si cua ndyaa na nguatsi' na stu'ba ti lo'o Cristo ne' cuaá. Ca bi' ntsiya jyo'o na, cha' taca tyu'ú na chaca quiya', ñi'ya̱ lo'o ngutu'u na nde lo hitya, cha' jua'a̱ tlyu tsa cha' nu ngua'ni ycui' Ndyosi Sti yu nu lo'o ndyu'ú Cristo chaca quiya'. Lo'o jua'a̱ caja sca chalyuu cucui ji'na xqui'ya Cristo.
Jua'a̱ laca cha' ji'na, lcaa na lo'o tya'a na nu ntsu'u cha' ji'na lo'o Jesús, tyaca̱' tyijyu' cha' cua nda nu Xu'na na xee nu tyu'u loo na. Pana ná nga'a̱ cha' tyacu̱' sca late' loo na, cha' la cui' cha' tlyu bi' laca nu ña'a̱ ti tya lye la ndyu'ni cña lo'o na cha' cha'a̱ tyucui ña'a̱ na, cha' caca na ñi'ya̱ laca ycui' Ndyosi nu Xu'na na tsiya' ti. Ca slo ycui' nu Xu'na na nu laca Xtyi'i bi', ca bi' ndyu'u nu cha' tlyu bi'.
La cui' cha' cusu' nu jlya tsa ti' nu ngu' judío tya'a na' ji'i̱, bi' laca nu nñilo'o ji'i̱ ya cha' ná ca ti̱ cha', cha' ntsu'u tsa su ndatsaa cha' bi' ji'i̱ ya. Pana cua ngua'ni tye Jesús ji'i̱ cha' cusu' bi', nu lo'o ngujuii yu lo crusi; bi' cha' tyucuaa lo ñati̱ na, cua ndyaca na chaca tya ñati̱ juani, xqui'ya cha' cua ngua stu'ba cha' ji'na lo'o ycui' Ndyosi. Lo'o jua'a̱ ndu'ni Ni cha' caja ñi'ya̱ caca tyi'i̱ ti̱ ti na lo'o Ni, jua'a̱ lo'o tya'a ñati̱ na.
Ñi'ya̱ laca sca cubi' cuañi' nu ngula ca ti, jua'a̱ laca cu'ma̱ cuentya ji'i̱ ycui' Ndyosi, cha' tsubi' ti ngusñi ma̱ cha' ji'i̱ ycui' Ni. Lu'ba ti ntyi' cubi' cuañi' cha' ntyute' tsa; si ná cati' lu'ba ti, ná caluu cubi' tsiya' ti. Lo'o jua'a̱ cu'ma̱ ni, tso'o la si cua'ni cña ti' ma̱ cha' ca tsa'a̱ la ma̱ cha' ji'i̱ ycui' Ndyosi, cha' ñi'ya̱ nti' styi', jua'a̱ laca cha' ji'i̱ ycui' Ndyosi cuentya ji'i̱ ma̱. Cua'ni bi' cha' caca nguula la ti' tyiquee ma̱ cuentya ji'i̱ ycui' Ndyosi, cha' taca clyaá ma̱ ji'i̱ cha' cuxi.
Tlyu tsa ycui' Ndyosi, lo'o jua'a̱ nchca ji'i̱ Ni cua'ni Ni lcaa lo cña; jua'a̱ nchca cuayá' ti' na cha' xcui' cha' liñi laca nu nchcui' ycui' Ndyosi. Lo'o jua'a̱ ndu̱ ti' na cha' caja cha' tlyu bi' ji'na nu cua nchcui' Ni lo'o na cha' tyacua ji'na. Cua ngua'ni lyaá Ni ji'na ji'i̱ nu cuxi nu ntsu'u ji'na, cha' nga'aa caca cua'ni cha' cuxi bi' ngana ji'na; lcaa cha' cuxi nu ndiya tsa ti' na ji'i̱, bi' laca nu ndu'ni ñu'u̱ ji'na nde chalyuu. Pana juani ndu'ni Ni cha' tyaja'a̱ tyiquee na cua'ni na lcaa cha' tso'o, ñi'ya̱ nu nti' ycui' Ndyosi cha' cua'ni na.
ကြော်ငြာတွေ