EFESIOS 4:21 - Chatino Tataltepec

²¹ Chañi cha' cua ndyuna ma̱ cha' ji'i̱ Cristo, cua ngua tsa'a̱ tso'o ma̱ cha' liñi ji'i̱ Jesús nu ngulu'u ngu' ji'i̱ ma̱;

EFESIOS 4:21 ပူးပေါင်းရင်းမြစ်များ

SAN MATEO 17:5

Pana laja lo'o nchcui' Pedro, li' ndu'u tucua sca coo nu ngati̱ tsa ña'a̱, nu ndubi tsa ña'a̱, ngüixi̱i̱ chu̱' ngu', tyucui ña'a̱ su ndu̱ ngu'. Li' nguañi xtyi'i sca ñati̱. Hora ti ngua cuayá' ti' ngu' bi', cha' nchcui' ycui' Ndyosi lo'o ngu' laja coo bi': ―La cui' yu re laca Sñi' na', tyaca'a tsa yu 'na ―nacui̱ Ni―. Tso'o tsa ntsu'u tyiquee na' ña'a̱ na' ji'i̱ yu. Cua'a̱ tso'o jyaca̱ ma̱ ji'i̱ lcaa cha' nu chcui' Sñi' na' re lo'o ma̱.

SAN LUCAS 10:16

―Ñati̱ nu cua'a̱ jyaca̱ ji'i̱ cha' nu ta cu'ma̱ lo'o, ñi'ya̱ si ndaca'a̱ jyaca̱ ngu' bi' ji'i̱ cha' nu ta na' lo'o ngu' laca; lo'o ñati̱ nu xlyú cha' hichu̱' cu'ma̱, ñi'ya̱ si nxlyú ngu' bi' cha' hichu̱' na' laca. Lo'o jua'a̱ ñati̱ nu xlyú cha' hichu̱' na' ni, na nxlyú ngu' cha' bi' hichu̱' ycui' Ndyosi nu nda jna' lijya̱a̱; jua'a̱ laca cha' ―nacui̱ Jesús ji'i̱ ngu'. Ndu'u ngu' ndyaa ngu' li'.

SAN JUAN 1:17

Cua sa'ni nda jyo'o Moisés cha' lo'o ñati̱, lcaa ña'a̱ cña nu ntsu'u cha' cua'ni ñati̱ cuentya ji'i̱ ycui' Ndyosi. Pana nu lo'o ya̱a̱ Jesucristo ni, xa' ña'a̱ ngua'ni Ni; nda tsa Ni cha' xlya'be ji'na, ngulu'u Ni cha' liñi ji'na li'.

SAN JUAN 10:27

Ñi'ya̱ ndu'ni xlya', jua'a̱ nduna ñati̱ 'na jna' lo'o nchcui' na' lo'o ngu'. Cua nslo na' ji'i̱ ngu', cua ndya'a̱ ngu' lo'o na'.

SAN JUAN 14:17

Ná caca tyanu Xtyi'i ycui' Ndyosi ne' cresiya ji'i̱ ñati̱ cuxi, cha' ná nchca ña'a̱ ngu' bi' ji'i̱ Ni, ná nslo ngu' tilaca laca ycui' Ni. Nu cu'ma̱, nslo ma̱ ji'i̱ Ni xqui'ya cha' ndi'i̱ nu bi' lo'o ma̱, lo'o jua'a̱ cua tyanu ti Ni ne' cresiya ji'i̱ ma̱ ―nacui̱ Jesús ji'i̱ ngu'―.

SAN JUAN 14:6

―Na' laca̱ nu nclyu'u̱ tyucui̱i̱ ―nacui̱ Jesús li'―, na' nclyu'u̱ lcaa cha' nu liñi ca; na' nda̱ chalyuu tso'o ji'i̱ ngu', chalyuu nu ná nga'a̱ cha' tye. Ná taca ji'i̱ ngu' tyalaa ngu' ca slo ycui' Ndyosi si ná lo'o na' ―nacui̱ Jesús―.

ROMANOS 10:14

Pana ná caca chcui' ngu' lo'o ycui' Ndyosi chacuayá' ji'i̱ Jesús si bilya xñi ngu' cha' ji'i̱ yu; jua'a̱ ná caca xñi ngu' cha' ji'i̱ Jesús si bilya cuna ngu' cha' bi'; ni ná caca cuna ngu' cha' bi' si bilya caja ñati̱ nu ta cha' bi' lo'o ngu'.

2 CORINTIOS 1:20

sca ti nu Cristo bi' nu ndu'ni cha' chañi cha' tyu'u tucua lcaa cha' nu nda ycui' Ndyosi lo'o na; bi' cha' xqui'ya Jesucristo taca chcui' na: “Amén, jua'a̱ caca cha' lacua”. Jua'a̱ ñacui̱ na laja lo'o ndu'ni tlyu na ji'i̱ ycui' Ndyosi.

2 CORINTIOS 11:10

Tso'o la nti' na' cha' ndyaca jna' jua'a̱. Bi' cha' juani macala su tya'a̱ na' tyucui loyuu su cuentya Grecia, nga'aa nti' na' cha' ta ngu' caya' 'na; cua jlo ti' ma̱ cha' chañi tsa cha' nu nchcui' na' re, xqui'ya cha' laca na' ñati̱ ji'i̱ Cristo.

EFESIOS 1:13

Lo'o li' la cui' jua'a̱ ndyaca lo'o cu'ma̱. Clyo ndyuna ma̱ cha' liñi bi' ji'i̱ Cristo; tso'o tsa ngua ti' ma̱ lo'o ndacha' ngu' cha' bi' ji'i̱ ma̱, cha' cua ngua'ni lyaá Ni ji'i̱ ma̱ ya' nu cuxi. Ngusñi ma̱ cha' ji'i̱ Cristo li', lo'o li' nda Ni Xtyi'i ycui' Ni cha' tyanu ne' cresiya ji'i̱ ma̱, ñi'ya̱ si na cua ngusta Ni cuayá' nu ji'i̱ ycui' ca Ni hichu̱' ma̱ cha' laca ma̱ ñati̱ ji'i̱ Ni; la cui' cña nu nacui̱ Ni cha' cua'ni Ni, cua laca ngua'ni Ni li'.

EFESIOS 2:17

Cua ñaa Cristo ni, nda yu sca cui̱i̱ nu tso'o tsa lo'o ngu' tya'a na, cha' ti̱ ti tyi'i̱ na lo'o ycui' Ndyosi, jua'a̱ lo'o tya'a ñati̱ na; cua nchcui' Cristo lo'o cu'ma̱ ngu' nu ndi'i̱ tyijyu', lo'o jua'a̱ cua nchcui' yu lo'o ngu' judío tya'a na' nu ndi'i̱ cacua ti.

COLOSENSES 1:5

Tya clyo lo'o ndyuna ma̱ cha' tso'o bi', cha' nu nchcui' ji'i̱ ycui' Ndyosi nu chañi ca, li' ngua cuayá' ti' ma̱ cha' tya ntsu'u chaca cha' nu cua tlyu la nu nga'a̱ cha' tyacua ji'na tyempo nde loo la lo'o tyalaa na ca su ntucua ycui' Ndyosi. Ca bi' ntsu'u co'o cha' bi' cuentya ji'i̱ ma̱; bi' laca cha' nu tyacua ji'i̱ ma̱ ca tiya' la xqui'ya cha' ngusñi ma̱ cha' ji'i̱ Cristo, lo'o jua'a̱ tso'o tsa ntsu'u tyiquee ma̱ ña'a̱ ma̱ ji'i̱ xa' la tya'a ñati̱ ma̱.

COLOSENSES 1:6

Cua lijya̱ ngañi la cha' tso'o ji'i̱ Jesús bi' tyucui ña'a̱ chalyuu, lo'o jua'a̱ lijya̱ ndyaca tso'o la cresiya ji'i̱ ñati̱ macala su nduna ngu' cha' bi'. La cui' jua'a̱ ndyaca tya lo'o ndyuna ma̱ cha' bi' tya clyo; tya li' cua ndyuna ma̱ cha' ndu'ni tsa ycui' Ndyosi cha' xlya'be lo'o ñati̱, li' ngua cuayá' ti' ma̱ cha' chañi tsa laca cha' bi'.

COLOSENSES 2:7

Jua'a̱ xñi tso'o ma̱ cha' ji'i̱ Jesús, cha' ca cuayá' ti' ma̱ lcaa cha' nu laca su̱u̱ cha' bi'; cha' nu Jesús ni, bi' laca su̱u̱ lcaa cha' nu cua ngusñi na, la cui' ti cha' nu cua ngulu'u ngu' ji'i̱ ma̱ tya tsubi' la. Lo'o jua'a̱ lcaa tsa̱ tya ma̱ xlya'be ji'i̱ nu Cristo bi' li'.

1 JUAN 5:20

Cua jlo ti' na cha' cua ya̱a̱ nu sca ti Sñi' ycui' Ndyosi nde lo yuu chalyuu, lo'o jua'a̱ cua nda bi' chacuayá' cha' caca tyu'u cha' ji'na lo'o ycui' Ndyosi. Chañi cha' stu'ba ntsu'u tyiquee na lo'o ycui' Ndyosi juani, xqui'ya cha' stu'ba ntsu'u tyiquee na lo'o Jesucristo nu laca Sñi' ycui' ca Ni. Chañi cha' ycui' Ndyosi tsiya' ti laca nu Jesús bi', lo'o jua'a̱ chañi cha' ná nga'a̱ cha' tye chalyuu cucui nu ta Ni ji'na.