masi ngu' cuaana caca ngu', masi tyacui ti' ngu' ji'i̱ sca na nu ntsu'u ji'i̱ xa' ñati̱, masi caca lya' ti' ngu' ji'i̱ xa' ñati̱, masi tucua cha' tyu'u tyiquee ngu', masi suba' tsa cua'ni ngu', masi caca liye' ti' ngu', masi cuentyu tsa caca ngu', masi caca tyixi tsa tu'ba ngu', masi ná cube ti' ngu' tsiya' ti.
EFESIOS 4:19 - Chatino Tataltepec19 Nga'aa nchca ca tyuju'u ti' ngu' bi', bi' cha' quiña'a̱ la cha' cuxi ndyu'ni ngu', ña'a̱ cuayá' nda ngu' chacuayá' ji'i̱ cua ña'a̱ ca cha' cuxi cha' caca bi' loo ji'i̱ ngu'. Ná tucui caca cua'a ji'i̱ ngu' bi' lo'o ndu'ni ngu' cua ña'a̱ ca cha' suba' lo'o tya'a ngu'. အခန်းကိုကြည့်ပါ။ |
EFESIOS 4:19
13 ပူးပေါင်းရင်းမြစ်များ
Chacuayá' ji'i̱ ycui' nu Xu'na na chcui' na' xi lo'o cu'ma̱ juani: Nti' tsa na' culo na' cña ji'i̱ cu'ma̱ cha' nga'aa cua'ni ma̱ ñi'ya̱ nu ndu'ni ngu' nu ná nslo ji'i̱ ycui' Ndyosi tsiya' ti; cua ña'a̱ ca cha' cuxi nu nda'ya hique ngu', xcui' jua'a̱ ndu'ni ngu' bi' chalyuu. Sca cha' tonto tsa ndu'ni ngu' bi',
Cua'ni tye ma̱ lcaa cha' cuxi nu ndiya tsa ti' ma̱ ji'i̱ lacua: nga'aa cua'ni cuxi ma̱ lo'o clyo'o xa' ñati̱, nga'aa cua'ni ma̱ cha' suba' lo'o tya'a ñati̱ ma̱, nga'aa tyacui' ti' ma̱ ña'a̱ ma̱ ji'i̱ tya'a ñati̱ ma̱, cua'ni tye ma̱ ji'i̱ lcaa lo cha' cuxi nu ndijña tsa ti' tyiquee ma̱ cha' cua'ni ma̱ ji'i̱, nga'aa tyacui ti' ma̱ ji'i̱ scaa cha' tso'o nu ntsu'u chalyuu. Sca na nu ndacui ti' na ji'i̱ ni, stu'ba ti cuxi laca cha' bi' ñi'ya̱ nti' si cua'ni tlyu na ji'i̱ sca lcui̱ jo'ó ti;
Tyempo nu nteje tacui, cua ngua'ni ma̱ lcaa cha' cuxi ñi'ya̱ nu ndiya ti' ñati̱ nu ná ntsu'u cha' ji'i̱ lo'o ycui' Ndyosi tsiya' ti. Cuayá' tsa lo cua ti cha' cuxi: bi' cha' nga'aa cua'ni suba' ma̱ lo'o tya'a ñati̱ ma̱ juani, nga'aa cua'ni ma̱ lcaa lo cha' cuxi nu ndiya ti' ma̱ cua sa'ni la; nga'aa caca cu'bi ma̱, nga'aa tyeje tacui ma̱ cuayá' cacu ma̱, co'o ma̱, ñi'ya̱ nu ndyu'ni ngu' nu ná ndube ti' lo'o ndya'a̱ ngu' bi' ta'a; nga'aa cua'ni tlyu ma̱ ji'i̱ lcui̱ jo'ó, cha' suba' tsa cha' bi' cuentya ji'i̱ ycui' Ndyosi.
Lo'o ña'a̱ na ji'i̱ ñati̱ nu cua nguxtyanu cha' ji'i̱ Cristo, li' caca cuayá' ti' na cha' liñi tsa ndyu'u cha' nu nchcui' ngu' ndi'ya̱: “Sca xne' nu ndyacui̱ na nu ndyacu ni', hora ti tsaa ni' cacu ni' na nu ndyacui̱ ni' chaca quiya'. Lo'o jua'a̱ sca cube' tana ni, lo'o cua ndyaata ni' chcu, hora ti xtyu̱u̱ ni' ca su ntsu'u nana' cha' xtyii ni' chaca quiya'.”
Tya'na tsa nu ngu' cuiñi bi'. Cua ngusñi ngu' tyucui̱i̱ cuxi nu ngulu'u jyo'o Caín ji'i̱ ñati̱; cua ndu'utsu' ngu' ji'i̱ tyucui̱i̱ tso'o cha' caja cñi ji'i̱ ngu' ñi'ya̱ ngua'ni jyo'o Balaam, nu lo'o ngusñi yu caya' cuentya ji'i̱ cña cuxi nu cua cua'ni ti yu nu ngua sa'ni. Ntsu'u cha' cajaa nu ngu' cuiñi bi' tsiya' ti, ñi'ya̱ cua ngujuii jyo'o Coré nu lo'o lye tsa ngusu̱u̱ tya'a yu lo'o ycui' nu Xu'na na.
Tya sa'ni ngulu'u ngu' quichi̱ bi' ji'i̱ lcaa ñati̱ chalyuu cha' cua'ni ngu' cha' suba', cha' cua'ni tlyu ngu' ji'i̱ xa' jo'ó; lye ndatsaa ngu' bi' ji'i̱ ñati̱, cha' lo'o ngu' cua'ni ngu' cha' cuxi lo'o tya'a ñati̱. Suba' tsa ngua'ni lcaa nu laca loo chalyuu lo'o nguta'a̱ ngu' nde quichi̱ bi'. Ná tye chca cha' cuxi nu ngua'ni ngu' ca quichi̱ bi', bi' cha' ngua ji'i̱ ngu' culiya' ngua'ni tsa ngu' ngana.
ကြော်ငြာတွေ