EFESIOS 4:15 - Chatino Tataltepec

¹⁵ Pana xa' ña'a̱ cua'ni na. Chcui' na lo'o ngu' ji'i̱ lcaa cha' liñi nu ntsu'u ji'i̱ ycui' Ndyosi; culu'u na ji'i̱ ngu' cha' ntsu'u tsa tyiquee na ña'a̱ na ji'i̱ lcaa tya'a ñati̱ na, cha' nga'a̱ cha' xñi tso'o na lcaa cha' ji'i̱ Cristo cha' caca stu'ba cha' ji'na lo'o ycui' Ni. Nu Cristo bi' ni, la cui' bi' laca loo ji'i̱ lcaa tya'a na nu tsa tlyu ti ngusñi na cha' ji'i̱ Ni;

EFESIOS 4:15 ပူးပေါင်းရင်းမြစ်များ

SAN JUAN 1:47

Lo'o na'a̱ Jesús cha' lijya̱ Natanael slo, li' nacui̱: ―Nde cua lijya̱ sca ngu' Israel nu chañi cha' ndyu'ni tlyu ji'i̱ ycui' Ndyosi. Ná ntsu'u cha' cuiñi ji'i̱ yu jua tsiya' ti.

ROMANOS 12:9

Cua'ni ma̱ cha' tso'o tsa caca tyiquee ma̱ ña'a̱ ma̱ ji'i̱ xa' la ñati̱, cha' si'i sca cha' nu nda ti ma̱ laca bi', nu lo'o chcui' tso'o ma̱ lo'o ngu', masi lo'o cua'ni ma̱ cha' tso'o lo'o ngu'. Nga'aa taquiya' ma̱ ji'i̱ cha' cuxi, tyucui tyiquee ma̱ clyana ma̱ ji'i̱ cha' tso'o.

1 CORINTIOS 11:3

Ndi'ya̱ nti' na' cha' caca cuayá' ti' ma̱: Ycui' Ndyosi laca loo ji'i̱ Cristo, lo'o jua'a̱ Cristo laca loo ji'i̱ lcaa ñati̱; la cui' jua'a̱ nu qui'yu laca loo ji'i̱ nu cuna'a̱.

2 CORINTIOS 4:2

Cua nguxtyanu ya ji'i̱ lcaa cha' cuxi nu ndyu'ni ngu' cuaana ti, lcaa cha' nu ntyuju'u tsa ti' ngu' cua'ni ngu' ji'i̱. Si'i na nñilo'o ya ji'i̱ ngu', la cui' jua'a̱ ná nchcutsa'a̱ ya cha' ji'i̱ ycui' Ndyosi lo'o xi xa' la cha', nu lo'o nchcui' ya cha' bi' lo'o ngu'; tso'o ti nclyu'u ya tyucui cha' ji'i̱ Jesús ji'i̱ ngu'. Lo'o jua'a̱ chañi tsa laca cha' bi', cha' jua'a̱ caca cuayá' ti' lcaa ñati̱ cha' tyucui tyiquee ya ndu'ni ya cña ji'i̱ ycui' Ndyosi; jua'a̱ nti' ycui' Ni ña'a̱ Ni ji'i̱ ya.

2 CORINTIOS 8:8

Si'i na nclyo na' cña ji'i̱ ma̱ re; nu lo'o ña'a̱ ma̱ ji'i̱ xa' la ngu' tya'a na, cha' nti' tsa ngu' xtyucua ngu' ji'i̱ tya'a ñati̱ ji'i̱ Cristo, li' taca cua'ni cuayá' ma̱ ji'i̱ ycui' ca ma̱ si chañi ca cha' ntsu'u tyiquee ma̱ ña'a̱ ma̱ ji'i̱ la cui' ngu' tya'a ma̱.

EFESIOS 1:22

Cua nda Ni lcaa na tsiya' ti ji'i̱ Cristo cha' culo yu cña ji'i̱. Lo'o li' xqui'ya cha' laca yu Xu'na lcaa ca chalyuu, bi' cha' ngusta Ni ji'i̱ Cristo cha' caca yu loo ji'i̱ lcaa taju ñati̱ nu ngusñi cha' ji'i̱ Cristo cua ña'a̱ ca quichi̱ su ndi'i̱ ngu'.

EFESIOS 1:4

Lo'o tya lyiji tya' chalyuu, tya li' cua ngusubi ycui' Ndyosi ji'na cha' caca na ñati̱ ji'i̱ ycui' Ni, nu lo'o caca stu'ba cha' ji'na lo'o Cristo. Ngua ti' Ni cha' tyu'utsu' na ji'i̱ lcaa lo cha' cuxi, cha' jua'a̱ nga'aa nti' cha' sta Ni qui'ya ji'na tsiya' ti.

EFESIOS 4:25

Juani nga'aa chcui' ma̱ cha' cuiñi lo'o tya'a ñati̱ ma̱ lacua; xcui' cha' liñi chcui' scaa ma̱ lo'o tya'a ma̱, cha' sca ti ñati̱ laca na, sca ti cha' ntsu'u ji'na lo'o tya'a na.

EFESIOS 5:23

Loo laca sca nu qui'yu ji'i̱ clyo'o yu. La cui' jua'a̱ Cristo laca loo ji'i̱ lcaa ñati̱ nu tsa tlyu ti ndyu'ni tlyu ji'i̱ ycui' Ni; Cristo laca nu ndaca'a ji'i̱ lcaa ñati̱ ji'i̱ yu, cha' ná cua'ni ñu'u̱ nu cuxi ji'i̱ ngu' lo'o tya'a ngu'.

1 PEDRO 1:22

Xqui'ya cha' nxtyucua Xtyi'i ycui' Ndyosi ji'i̱ ma̱, na cua ndaquiya' ma̱ ji'i̱ cha' liñi nu nda ycui' Ndyosi lo'o na, bi' cha' ngua lubii cresiya ji'i̱ ma̱; juani taca caca tso'o tyiquee ma̱ ña'a̱ ma̱ ji'i̱ tya'a ñati̱ ma̱. Pana tyucui tyiquee ma̱ ntsu'u cha' caca tso'o tyiquee ma̱ ña'a̱ ma̱ ji'i̱ tya'a ñati̱ ma̱, si'i ñi'ya̱ ndu'ni ngu' nu ntsu'u tucua cha' tyiquee ngu' cua'ni cu'ma̱.

1 PEDRO 2:2

Ñi'ya̱ laca sca cubi' cuañi' nu ngula ca ti, jua'a̱ laca cu'ma̱ cuentya ji'i̱ ycui' Ndyosi, cha' tsubi' ti ngusñi ma̱ cha' ji'i̱ ycui' Ni. Lu'ba ti ntyi' cubi' cuañi' cha' ntyute' tsa; si ná cati' lu'ba ti, ná caluu cubi' tsiya' ti. Lo'o jua'a̱ cu'ma̱ ni, tso'o la si cua'ni cña ti' ma̱ cha' ca tsa'a̱ la ma̱ cha' ji'i̱ ycui' Ndyosi, cha' ñi'ya̱ nti' styi', jua'a̱ laca cha' ji'i̱ ycui' Ndyosi cuentya ji'i̱ ma̱. Cua'ni bi' cha' caca nguula la ti' tyiquee ma̱ cuentya ji'i̱ ycui' Ndyosi, cha' taca clyaá ma̱ ji'i̱ cha' cuxi.

2 PEDRO 3:18

Pana tso'o la ca tsa'a̱ la ma̱ cha' tso'o ji'i̱ Jesucristo nu Xu'na na, nu cua ngua'ni lyaá ji'na; li' taca tyi'i̱ tso'o la tyiquee ma̱ cuentya ji'i̱ ycui' nu Xu'na na. Cua'ni tlyu na ji'i̱ ycui' Ni nde chalyuu, lo'o jua'a̱ ná nga'a̱ cha' tye tsa̱ nu cua'ni tlyu na ji'i̱ Ni ca slo ycui' Ni. Jua'a̱ caca cha' lacua.

1 JUAN 3:18

Cu'ma̱ sñi' na', nu lo'o ntsu'u tsa tyiquee na ña'a̱ na ji'i̱ ycui' Ndyosi lo'o ji'i̱ tya'a ñati̱ na, si'i sca cui̱i̱ ti laca nu chcui' na lo'o ngu', si'i sca cha' nu nda ti na lo'o ngu' caca bi'; tyucui tyiquee na nga'a̱ cha' xtyucua na ji'i̱ nu ngu' tya'a na bi'.