EFESIOS 3:6 - Chatino Tataltepec

⁶ Bilya cuna ñati̱ chalyuu cha' nu ndacha' Ni 'na. Pana ndi'ya̱ ndyu'u cha' bi': Ngu' nu si'i ngu' judío laca ngu' ni, caca ngu' bi' la cui' ñi'ya̱ laca ngu' judío nu ntsu'u cha' ji'i̱ lo'o ycui' Ndyosi, nu lo'o ca cuayá' ti' ngu' cha' ji'i̱ Cristo; si xñi ngu' bi' cha' ji'i̱ Jesucristo, lo'o ngu' bi' caca tso'o cresiya ji'i̱ ngu' cuentya ji'i̱ ycui' Ndyosi li'. Caca stu'ba cha' ji'i̱ tyucuaa lo ngu' li', cha' tsa tlyu ti tya'a ngusñi ngu' cha' ji'i̱ Cristo caca ngu'. Lo'o ji'i̱ ngu' nu si'i ngu' judío laca ngu' bi', tyacua lcaa cha' nu cua nacui̱ Ni cha' tyacua ji'i̱ ngu' xqui'ya Jesucristo.

EFESIOS 3:6 ပူးပေါင်းရင်းမြစ်များ

1 CORINTIOS 12:12

Nu ycui' na ni, sca ti ñati̱ laca sca na, masi tyu̱u̱ tsa tya'a tyijya̱ ntsu'u laja cuaña' scaa na. La cui' jua'a̱ laca lo'o ña'a̱ taju tya'a ngusñi na cha' ji'i̱ Cristo; sca ti taju ñati̱ laca na, masi xa' ca ña'a̱ ndu'ni sa scaa na.

1 CORINTIOS 12:27

Ca ta'a cu'ma̱ lacua, stu'ba cha' ji'i̱ ma̱ lo'o lcaa ñati̱ tya'a ngusñi na cha' ji'i̱ Cristo scaa quichi̱; lo'o jua'a̱ sa scaa ma̱ laca ma̱ ñati̱ ji'i̱ Cristo.

GÁLATAS 3:14

Jua'a̱ ngua cha' lo'o ngu' xa' tsu' caja cha' tso'o ji'i̱ ngu' xqui'ya Jesucristo, cha' tso'o nu cua ngüiñi ji'i̱ ycui' Ndyosi lo'o nu jyo'o Abraham bi' nu ngua sa'ni. Li' caca ji'i̱ ngu' xa' tsu' ñi'ya̱ nu nchcui' ycui' Ndyosi lo'o Abraham, cha' caja Xtyi'i ycui' Ni ji'i̱ lcaa na nu lo'o xñi na cha' ji'i̱ Cristo.

GÁLATAS 5:24

Cua ngujuii Cristo lo crusi cha' cati̱ qui'ya nu ntsu'u ji'na; bi' cha' cua ngua'ni tye na ji'i̱ lcaa cha' cuxi nu ntsu'u ne' cresiya ji'na tya tsubi' la, lcaa na nu ndacui ti' na ji'i̱ nquicha', ngua'ni tye na ji'i̱ xqui'ya cha' ntsu'u cha' ji'na lo'o ycui' Cristo. Lo'o jua'a̱ lcaa cha' nu tiji̱' ti' na ji'i̱, cua nguxtyanu na ji'i̱ cha' cuxi bi' juani.

EFESIOS 3:3

Cua ndacha' Ni jna' ñi'ya̱ nu nti' Ni cua'ni Ni nde chalyuu. Masi ná ndacha' Ni ji'i̱ ñati̱ sa'ni la ñi'ya̱ cua'ni Ni nde chalyuu, hasta juani ndacha' Ni cha' bi' jna', la cui' ti cha' nu cua nscua tya sa'ni nu caca tyempo juani; cua laca nscua na' xi' cha' bi' lo quityi re nu cua ca̱a̱ ti slo cu'ma̱.

EFESIOS 5:30

cha' sca ti taju laca ca ta'a na cuentya ji'i̱ Cristo, cha' ntsu'u cña nu ndu'ni scaa na cuentya ji'i̱ Ni.

EFESIOS 5:7

Bi' cha' nchcui' na' lo'o ma̱, cha' ná tyu'u cha' ji'i̱ ma̱ lo'o ñati̱ nu ndu'ni jua'a̱.

COLOSENSES 2:19

nga'aa ndaquiya' ngu' bi' ji'i̱ Cristo nu laca loo la ji'na. Cristo laca loo ji'i̱ lcaa taju ñati̱ nu ndu'ni tlyu ji'i̱ ycui' Ndyosi tsa tlyu ti; bi' cha' tso'o tsa stu'ba cha' ji'na lo'o xa' la tya'a ñati̱ na, bi' cha' tso'o la ndyanu tachaa cha' ji'na lo'o Ni, cha' quiña'a̱ la cña ndyu'ni Cristo ne' cresiya ji'i̱ ñati̱ ji'i̱ Ni, tsa ña'a̱ nu nti' ycui' Ndyosi cha' caca.

1 JUAN 1:3

Juani culu'u ya ji'i̱ ma̱ cua ña'a̱ ca cha' nu cua na'a̱ ya, culu'u ya cua ña'a̱ ca cha' nu cua ndyuna ya. Chañi laca cha' stu'ba ntsu'u tyiquee na lo'o ycui' Ndyosi Sti na, jua'a̱ lo'o Jesucristo nu sca ti Sñi' ycui' Ni. Lo'o juani cua nti' ya cha' stu'ba ti caca tyiquee ma̱ lo'o ya;

1 JUAN 2:25

Bi' laca cha' nu ngüiñi ji'i̱ Jesucristo lo'o na, cha' taca caja chaca chalyuu cucui nu ná nga'a̱ cha' tye ji'na.