EFESIOS 3:15 - Chatino Tataltepec

¹⁵ Lcaa na lo'o tya'a na ndyu'u tsa na ji'i̱ ycui' Ndyosi ni, cha' ngüiñá Ni lcaa lo ñati̱, masi nde cua̱, masi nde loyuu chalyuu. Lo'o jua'a̱ nda Ni xtañi lcaa na.

EFESIOS 3:15 ပူးပေါင်းရင်းမြစ်များ

LOS HECHOS 11:26

Li' nguti'i̱ ngu' sca yija̱ lo'o taju ñati̱ ji'i̱ Jesucristo ca bi', nclu'u ngu' ji'i̱ quiña'a̱ ñati̱. Quichi̱ Antioquía bi' ngua su ngutu'u su̱u̱ cha' nu nchcui' ngu' cha' ngu' cristiano laca ñati̱ nu ngusñi cha' ji'i̱ Jesucristo.

EFESIOS 1:10

ngua ti' Ni cha' caca stu'ba lcaa lo na nu ntsu'u nde chalyuu, lo'o sca ti Cristo nu Xu'na na caca loo la li'. Lo'o tyalaa tyempo bi', li' xuti'i̱ Ni lcaa na nu ntsu'u loyuu chalyuu, lo'o jua'a̱ lcaa na nu ntsu'u nde cua̱; li' sca ti Cristo caca loo ji'i̱ lcaa na bi'.

EFESIOS 1:21

Ca bi' laca Cristo loo la ji'i̱ lcaa ñati̱; nga'aa ntsu'u nu tlyu la que Cristo ca bi', nga'aa ntsu'u nu culo cña ji'i̱ yu. Ná ntsu'u chaca xu'na ñati̱ nde chalyuu nu taca tyiji̱loo ji'i̱ Cristo; la cui' ti ca chaca chalyuu ca nde cua̱ ni, ná ntsu'u cui'i̱ cuxi, ni ná ntsu'u ñati̱ cuentya ji'i̱ ycui' Ndyosi nu taca tyiji̱loo ji'i̱ Cristo.

EFESIOS 3:14

Ndyu̱ sti̱' na' lo'o nchcui' na' lo'o ycui' Ndyosi Sti Jesucristo nu Xu'na na lacua.

EFESIOS 3:16

Juani chcui' na' lo'o ycui' Ndyosi Sti na cuentya ji'i̱ cu'ma̱; quiña'a̱ tsa cha' tso'o ntsu'u ji'i̱ Ni, bi' cha' taca xtyucua Ni ji'i̱ ma̱. Ndijña na' ji'i̱ Ni cha' ta Ni juersa nu tyanu ne' cresiya ji'i̱ ma̱, cha' caca tlyu tyiquee ma̱ nu lo'o ta Ni Xtyi'i ycui' Ni cha' tyi'i̱ bi' lo'o ma̱;

COLOSENSES 1:20

cha' jua'a̱ ngua ti' Ni cua'ni Ni, cha' chaca quiya' caca Ni loo ji'i̱ tyucui ña'a̱ chalyuu xqui'ya yu bi'. Cua nguaala' cha' ji'i̱ ycui' Ndyosi lo'o ñati̱ chalyuu lo'o ngujuii Cristo lo crusi xqui'ya na; jua'a̱ ngua'ni yu cha' xa' caca tyucui ña'a̱ chalyuu cuentya ji'i̱ ycui' Ndyosi chaca quiya', masi nde lo yuu chalyuu, masi nde cua̱.

APOCALIPSIS 2:17

Cua'a̱ jyaca̱ ma̱ xi ji'i̱ ña'a̱ cha' nu nda Xtyi'i ycui' Ndyosi lo'o taju ñati̱ nu ngusñi cha' ji'i̱ Ni scaa quichi̱, si tyaja'a̱ ca ma̱ cuna ma̱: Tso'o ti cua'ni na' lo'o cua ña'a̱ ca ñati̱ nu tyiji̱loo ji'i̱ nu xña'a̱ ña'a̱ cuayá' tye chalyuu ji'i̱ ngu'; caca tyaala' ti' tyiquee ngu' bi', cacu ngu' cha' tso'o nu cua nguxco'o na' cha' caja ji'i̱ ngu'. Lo'o jua'a̱ ta na' sca quee sube ti nu ngati̱ ña'a̱, nu nscua xtañi scaa ngu' chu̱', cha' ca cuayá' ti' ngu' bi', cha' tso'o ti nti' na' ña'a̱ na' ji'i̱ ngu'; chaca xtañi nu tso'o la laca nu nscua chu̱' quee bi'. Ná caja chacuayá' ji'i̱ xa' ñati̱ tyuloo xtañi bi'; cua laca ti ñati̱ nu caja xtañi bi' ji'i̱, bi' laca nu caja chacuayá' cha' tyuloo ji'i̱, nacui̱ Ni.”

APOCALIPSIS 3:12

Cua ña'a̱ ca ñati̱ nu tyiji̱loo ji'i̱ nu xña'a̱ ni, tlyu tsa caca ñati̱ bi' laja ñati̱ 'na lo'o cua ndyee chalyuu; tso'o tsa tyi'i̱ ngu' bi' ca su ndi'i̱ na'. Scua na' xtañi ycui' Ndyosi Sti na' loo ngu' bi', lo'o jua'a̱ scua na' ni naa quichi̱ tlyu nu ca ji'i̱ ycui' Ni; Jerusalén cucui naa quichi̱ bi'. Tyu'u bi' nde su ntucua ycui' Ndyosi, ca̱a̱ ca'ya bi' lo yuu. Jua'a̱ scua na' xtañi ycui' na' loo ngu' bi', cha' laca ngu' ñati̱ 'na.