EFESIOS 3:13 - Chatino Tataltepec

¹³ Bi' cha' juani chcui' na' lo'o ma̱ cha' ná ca taja ti' ma̱, cha' ná tya'a̱chu̱' ma̱ ji'i̱ ycui' Ndyosi, masi nchcube' na' xi ca su ndi'i̱ na' re cuentya ji'i̱ cu'ma̱; sca cha' tso'o cuentya ji'i̱ cu'ma̱ laca cha' bi'.

EFESIOS 3:13 ပူးပေါင်းရင်းမြစ်များ

LOS HECHOS 14:22

Ca ta'a quichi̱ su ndyaa ngu' bi', nchcui' ngu' lo'o ñati̱ ji'i̱ Jesucristo cha' tso'o la tyatí̱ tyiquee ngu' lo cha' ji'i̱ Jesús, cha' tlyu cua'ni tyiquee ngu', cha' ná cutsi̱i̱ ngu' tsiya' ti. ―Cua'ni lya' ti' ngu' ji'na tu'ni ―nacui̱ Pablo lo'o Bernabé ji'i̱ ngu'―, lo'o jua'a̱ xcube' ngu' ji'na; pana lo'o cua nteje tacui cha' bi', li' tsaa na tyi'i̱ na su laca ycui' Ndyosi loo.

2 CORINTIOS 1:6

Masi tyacua cha' ti'í ji'i̱ ya, masi lya' ti' ngu' ji'i̱ ya, xqui'ya cu'ma̱ laca cha' ti'í bi', cha' taca xtyucua la ycui' Ndyosi ji'i̱ ma̱ cha' caja ñi'ya̱ clyaá ma̱ ji'i̱ nu cuxi li'. Nu lo'o xtyucua Ni ji'i̱ ya ni, xqui'ya cu'ma̱ ndu'ni Ni jua'a̱ li', cha' caja ñi'ya̱ xtyucua ya ji'i̱ ma̱; jua'a̱ ta Ni juersa ji'i̱ ma̱ cha' lo'o cu'ma̱ talo ma̱ ji'i̱ cha' ti'í, la cui' ña'a̱ cha' ti'í nu ndyaca ji'i̱ ya.

2 CORINTIOS 4:1

Bi' cha' ná nchca taja ti' ya ji'i̱ cña nu ndyu'ni ya. La cui' ycui' Ndyosi laca nu cua nda cña bi' ji'i̱ ya, xqui'ya cha' tya'na ti' Ni ña'a̱ Ni ji'i̱ ya.

GÁLATAS 6:9

Bi' cha' ná tso'o si ca taja ti' na cha' cua'ni na cha' tso'o laja lo'o ndi'i̱ na chalyuu. Lo'o tyalaa hora bi', li' tyu'u tucua cha' tso'o nu nacui̱ Ni cha' tyacua ji'na nde loo la, la cui' cha' nu tyiquee' tsa ngujuatya na ji'i̱; pana ntsu'u cha' talo na, cha' ná ca taja ti' na ndu'ni na cña tso'o.

EFESIOS 3:1

Xqui'ya cha' nu cua nchcui' ca na', bi' cha' nchcui' tsa na' lo'o Cristo cuentya ji'i̱ cu'ma̱. La cui' Pablo laca na'; ntsu'u na' ne' chcua̱ juani xqui'ya cha' cua nchcui' na' cha' ji'i̱ Jesucristo lo'o ñati̱, cha' nguxtyucua na' ji'i̱ cu'ma̱ nu si'i ngu' judío laca ma̱.

COLOSENSES 1:24

Tso'o nti' na' masi cua ngujui xi cha' ti'í 'na cuentya ji'i̱ cu'ma̱; tso'o nti' na' cha' cuentya ji'i̱ ca ta'a taju ñati̱ nu ngusñi cha' ji'i̱ Cristo lcaa quichi̱, bi' cha' ndyacua cha' ti'í bi' 'na. Nchcube' tsa Cristo nde chalyuu xqui'ya na, cha' laca na ñati̱ ji'i̱ ycui' yu; jua'a̱ ndyacua cha' ti'í 'na, cha' cua lijya̱ caca stu'ba la cha' ji'na lo'o ycui' Cristo lo'o cha' ti'í nu ndyaca ji'na nde chalyuu cha' ngusñi na cha' ji'i̱ Cristo.

2 TESALONICENSES 3:13

Cu'ma̱ ngu' tya'a na, ná ca taja ti' ma̱ cha' cua'ni ma̱ cha' tso'o lo'o ñati̱.