EFESIOS 3:10 - Chatino Tataltepec10 pana juani caca cuayá' ti' lcaa cui'i̱ nu laca loo nde cua̱, nu lo'o ña'a̱ cui'i̱ bi' ji'i̱ ñati̱ chalyuu nu tsa tlyu ti ndyu'ni tlyu ji'i̱ Cristo. Lo'o jua'a̱ cui'i̱ nu ngua ti' tyiji̱loo ji'i̱ ycui' Ndyosi sa'ni la ni, caca cuayá' ti' cui'i̱ bi' cha' nchca la ji'i̱ ycui' Ndyosi que cua ña'a̱ ca na nu ngüiñá ycui' Ni. အခန်းကိုကြည့်ပါ။ |
EFESIOS 3:10
23 ပူးပေါင်းရင်းမြစ်များ
Bi' cha' jlo ti' na' juani cha' nga'aa ntsu'u ni sca na nu caca cua'ni cha' culaya' ycui' Ndyosi ji'na, cha' ntsu'u tsa tyiquee Ni ña'a̱ Ni ji'na; masi cua ngujuii na, masi tya lu'ú na, ná culaya' Ni ji'na. Ni xca̱ ji'i̱ ycui' Ndyosi nu ntucua nde cua̱, ni sca cui'i̱ nu laca loo nde lo yuu, ná nchca ji'i̱ tsiya' ti cua'ni cha' culaya' Ni ji'na. Masi chalyuu su ndi'i̱ na juani, masi chalyuu nu caca nde loo la, ná culaya' Ni ji'na. Ná ntsu'u nu laca loo nde chalyuu nu nchca ji'i̱ culo ji'na ya' nu Xu'na na;
Cua nda ycui' Ndyosi cha' tso'o bi' lo'o na cha' chcui' na lo'o ñati̱. Bilya caca cuayá' ti' ñati̱ chalyuu ji'i̱ cha' bi' tya sa'ni la, cha' ná nti' Ni cha' cuna ñati̱ nu ngua li'. Pana tya lo'o bilya tya' chalyuu, tya li' ngulacua ti' Ni ñi'ya̱ nu cua'ni Ni; ngua ti' ycui' Ndyosi cha' cua'ni lyaá Ni ji'na lo'o xñi na cha' ji'i̱ Jesús. Tlyu tsa cha' tso'o caca ji'na li'.
Ca bi' laca Cristo loo la ji'i̱ lcaa ñati̱; nga'aa ntsu'u nu tlyu la que Cristo ca bi', nga'aa ntsu'u nu culo cña ji'i̱ yu. Ná ntsu'u chaca xu'na ñati̱ nde chalyuu nu taca tyiji̱loo ji'i̱ Cristo; la cui' ti ca chaca chalyuu ca nde cua̱ ni, ná ntsu'u cui'i̱ cuxi, ni ná ntsu'u ñati̱ cuentya ji'i̱ ycui' Ndyosi nu taca tyiji̱loo ji'i̱ Cristo.
Ca ta'a na nu ngusñi na cha' ji'i̱ Cristo scaa quichi̱, tsa tlyu ti na ntsu'u cha' ji'na lo'o Cristo. Ndi'ya̱ laca na cuentya ji'i̱ Cristo: ñi'ya̱ nti' si laca na sca tsu' ya' Cristo, cha' cua'ni na cña nu ntsu'u ji'i̱ Ni chalyuu. La cui' jua'a̱, lcaa ca na nu ña'a̱ na nu ntsu'u nde chalyuu ni, cua ntsu'u bi' xqui'ya Cristo.
Lye tsa tya na xlya'be ji'i̱ ycui' Ndyosi Sti na, nu laca Sti Jesucristo nu Xu'na na. Cua ndyaca stu'ba cha' ji'na lo'o Cristo; bi' cha' lo'o ycui' Ndyosi, tso'o tsa nti' Ni ña'a̱ Ni ji'na. Lcaa lo cha' tso'o nu tyacua ji'na cha' ngusñi na cha' ji'i̱ Jesucristo, cua ngua'ni Ni cha' bi' lo'o na xqui'ya Cristo.
Si'i na nxu̱u̱ tya'a na lo'o ñati̱ chalyuu ti, siya' la juersa ntsu'u ji'i̱ ngu' bi'; tya'a cusu̱u̱ na laca lcaa cui'i̱ cuxi nu ntsu'u nde cua̱. Nguula tsa nu bi', hasta ngua ti' bi' tyiji̱loo ji'i̱ ycui' Ndyosi; pana ná ngua ji'i̱. La cui' laca nu ngua ti' caca xu'na chalyuu, lo'o jua'a̱ nclyo bi' cña ji'i̱ ñati̱ cha' cua'ni ngu' lcaa lo cha' cuxi nde chalyuu juani.
Stu'ba ti ndu̱ yu bi' lo'o ycui' Ndyosi Sti yu lo'o ntucua quiya' ndya' chalyuu, masi lo'o ndya' tyucui ña'a̱ nde cua̱, masi lo'o ndya' tyucui ña'a̱ nde lo yuu. Cua ngüiñá Ni lcaa na nu nchca ña'a̱ na ji'i̱ nde lo yuu chalyuu; lo'o jua'a̱ cua ngüiñá Ni lcaa na nu ná nchca ña'a̱ na ji'i̱, ñi'ya̱ nti' lcaa cui'i̱ nu laca loo nde cua̱; jua'a̱ cua ngüiñá Ni lcaa lo xu'na nu culo cña ji'i̱ ngu', masi nde lo yuu chalyuu, masi nde cua̱. Stu'ba ti ndu̱ Cristo lo'o ycui' Ndyosi Sti yu nu lo'o ngüiñá Ni tyucui ña'a̱ chalyuu; la cui' jua'a̱ xqui'ya yu bi', bi' cha' ndya' lcaa lo na.
La cui' ti lo crusi bi' cua ntiji̱loo Cristo ji'i̱ lcaa nu laca xu'na na, jua'a̱ ji'i̱ lcaa cui'i̱ nu laca loo ji'na. Lo'o ngua'ni chi̱ Ni loo Cristo xqui'ya cha' cua ntiji̱loo yu ji'i̱ lcaa xu'na na bi', li' ndyalo'o Cristo ji'i̱ xu'na bi' laja ñati̱ nu lijya̱ qui'i ti, cha' ña'a̱ cui'ya lcaa ñati̱ cha' cua ntiji̱loo Cristo ji'i̱ lcaa xu'na bi'.
Chañi cha' tlyu tsa cha' tso'o ji'i̱ Jesucristo nu ngusñi na. Ndi'ya̱ nchcui' cha' bi': Nu ngua sa'ni la ni, ni sca ñati̱ ná ngua cuayá' ti' ñi'ya̱ cua'ni lyaá ycui' Ndyosi ji'i̱ ngu'; pana nu juani jlo ti' na, xqui'ya cha' ngula Jesucristo chalyuu, cha' ngua ycui' Ni sca ñati̱. Lo'o jua'a̱ nchcui' Xtyi'i ycui' Ni cha' ji'i̱ yu, cha' sca ñati̱ nu lubii tsa laca yu; cua na'a̱ xca̱ ji'i̱ ycui' Ndyosi ji'i̱ Jesús, nu ñati̱ lubii bi'. Li' nclyu'u ngu' cha' ji'i̱ Jesucristo bi' ji'i̱ ñati̱ ca quiña'a̱ tsa quichi̱ tyucui ña'a̱ chalyuu; ngusñi ñati̱ lcaa quichi̱ cha' nu nchcui' ngu' ji'i̱ Ni li'. Cua ndyaa Jesús ca slo ycui' Ndyosi Sti na nde cua̱, lo'o juani tlyu tsa laca Jesús cajua.
Pana ná nquije cha' bi' ji'i̱ ngu' bi' li'; sca ti cha' nchcui' ycui' Ni lo'o ngu' bi', cha' si'i ycui' ngu' bi' laca nu ca cuayá' tso'o ti' ñi'ya̱ caca cha' bi' tyempo nde loo la. Pana cu'ma̱ ni, nu lijya̱ chalyuu nde loo la ji'i̱ ngu' jyo'o bi', nchca cuayá' ti' ma̱ juani, xqui'ya cha' cua ndyuna ma̱ lcaa cha' tlyu nu ngua'ni Jesucristo. Cua ndacha' liñi ya cha' bi' ji'i̱ ma̱; chacuayá' ji'i̱ Xtyi'i ycui' Ndyosi ngulu'u ya cha' bi' ji'i̱ ma̱, cha' cua nda ycui' Ndyosi Xtyi'i ycui' Ni lijya̱ lo ya nde chalyuu. Lo'o jua'a̱ lcaa xca̱ ji'i̱ ycui' Ni nu ndi'i̱ slo Ni, lcaa ngu' bi' nti' tsa ngu' ca cuayá' ti' ngu' lcaa cha' nu ngua ji'i̱ Cristo lo'o ñaa yu nde chalyuu.
ကြော်ငြာတွေ