EFESIOS 2:5 - Chatino Tataltepec

⁵ bi' cha' nda ycui' Ndyosi chalyuu ji'na chaca quiya', xqui'ya cha' cua ndyu'ú Cristo chaca quiya'. Cua ndye chalyuu ji'na ngua ti' na nquicha', xqui'ya cha' ná ndaquiya' na ji'i̱ cha' nu nchcui' ycui' Ndyosi; pana xqui'ya cha' xcui' tya'na tsa ti' Ni ña'a̱ Ni ji'na, bi' cha' cua ngulaá na ji'i̱ nu cuxi, cha' cua ngüityi̱ Ni qui'ya nu ntsu'u ji'na.

EFESIOS 2:5 ပူးပေါင်းရင်းမြစ်များ

SAN LUCAS 15:24

cha' ngua ti' na cha' cua ngujuii sñi' na' re, lo'o juani xa' ndyu'u tucua yu; cua nguna' yu ngua ti' na', lo'o xa' ndyalaa yu.” Hora ti nguxana ngua'ni ngu' sca ta'a li'.

SAN JUAN 5:21

Xa' ta ycui' Ndyosi chalyuu ji'i̱ ngu' chaca quiya', ji'i̱ cua ña'a̱ ca ñati̱ nu nti' Ni cha' ta Ni chalyuu ji'i̱; lo'o jua'a̱ la cui' cña ndu'ni na' nu laca̱ Sñi' ycui' Ni, ta na' chaca chalyuu ji'i̱ lcua ti ñati̱ nu nti' na' cha' ta̱ ji'i̱ ―nacui̱ Jesús ji'i̱ ngu'―.

SAN JUAN 6:63

Nu xtyi'i nu ta Ni cha' tyanu ne' cresiya ji'na, bi' laca nu nda chalyuu tso'o ji'na; si'i xqui'ya juersa nu ntsu'u ji'i̱ cuaña' ti na lu'ú na ―nacui̱ Jesús―. Lo'o jua'a̱ lcaa cha' nu nda na' lo'o ma̱ juani, cuentya ji'i̱ sca na nu ta ycui' Ndyosi ji'i̱ ñati̱ laca cha' bi', sca cha' nu tyu'ú ne' cresiya ji'i̱ ñati̱ laca bi'; caja chalyuu ji'i̱ ngu' si taquiya' ngu' ji'i̱ cha' bi'.

LOS HECHOS 15:11

Ná tso'o cha' chcui' ma̱ jua'a̱. Cua ngusñi na cha' ji'i̱ Ni, cha' ngua'ni lyaá ycui' Jesús ji'na ji'i̱ qui'ya nu ntsu'u ji'na, xqui'ya cha' tso'o ti nti' Ni ña'a̱ Ni ji'na; la cui' jua'a̱ ngua'ni Ni lo'o ngu' xa' tsu' nu ngusñi cha' ji'i̱ Ni.

ROMANOS 16:20

Ná tyu̱u̱ tsa̱ lyiji cha' cua'ni tye ycui' Ndyosi ji'i̱ nu xña'a̱, cha' nga'aa tyaca̱' cña cuxi nu ndu'ni nu xña'a̱ bi' tsiya' ti. Cua'ni Ni cha' ti̱ ti tyi'i̱ tyiquee ma̱, ñi'ya̱ ntsu'u tyiquee ycui' Ni; lo'o jua'a̱ ña'a̱ ti cua'ni Jesucristo nu Xu'na na cha' tso'o lo'o lcaa tya'a ma̱.

ROMANOS 3:24

Pana cua'ni Ni cha' caca tso'o cresiya ji'na, cha' tso'o ti ntsu'u tyiquee Ni ña'a̱ Ni ji'na; sca cha' tso'o nu ngua'ni ti Ni cuentya ji'na laca, cha' tlyu tsa cña nu ngua'ni ycui' Jesucristo cha' cati̱ qui'ya nu ntsu'u ji'na, nu lo'o ngujuii yu lo crusi cha' cua'ni lyaá yu ji'na.

ROMANOS 4:16

Ngüiñi cha' ji'i̱ Ni lo'o jyo'o Abraham lo'o ngusñi ti yu cha' ji'i̱ Ni, cha' caca cuayá' ti' lcaa na cha' xcui' cha' tso'o ntsu'u tyiquee Ni; bi' cha' nda Ni cha' bi' lo'o na. Ndyanu cha' bi' ji'i̱ lcaa ñati̱ ji'i̱ Abraham nu cala chalyuu ca nde loo la. Ni si'i tsa lo cua ti ñati̱ nu taquiya' ji'i̱ cha' cusu' ti laca nu tyanu cha' tso'o bi' ji'i̱, la cui' jua'a̱ tyanu cha' bi' ji'i̱ lcaa ñati̱ tya'a na nu xñi na cha' ji'i̱ ycui' Ndyosi ñi'ya̱ ngusñi ycui' Abraham cha' ji'i̱ Ni; jua'a̱ nti' na lo'o nacui̱ na cha' sti lcaa na ngua jyo'o Abraham bi' cuentya ji'i̱ ycui' Ndyosi.

ROMANOS 5:10

Tya'a cusu̱u̱ ycui' Ndyosi ngua na; pana juani ngua stu'ba cha' ji'na lo'o Ni, nu lo'o ngujuii Sñi' ycui' Ni lo crusi. Bi' cha' juani ngua ti̱ cha' ji'na lo'o ycui' Ndyosi, lo'o jua'a̱ cua'ni lyaá Ni ji'na xqui'ya cha' cua ndyu'ú nu Jesús bi' chaca quiya'.

ROMANOS 5:6

Jlo ti' na cha' ná caca cua'ni lyaá na ji'i̱ ycui' ca ti na ji'i̱ qui'ya nu ntsu'u ji'na; pana lo'o ndyalaa la cui' hora nu ngusta ycui' Ndyosi, li' ngujuii Jesús xqui'ya na, ñati̱ cuxi na.

ROMANOS 5:8

Pana jua'a̱ ngua'ni ycui' Ndyosi lo'o na, cha' culu'u Ni ji'na cha' ntsu'u tsa tyiquee Ni ña'a̱ Ni ji'na; nda Ni ji'i̱ Cristo cha' cajaa cuentya ji'na, masi tya ntsu'u tsa qui'ya ji'na.

ROMANOS 8:2

Nu lo'o laca Xtyi'i ycui' Ndyosi loo ji'na, li' caja chalyuu cucui ji'na xqui'ya Jesucristo, cha' stu'ba ntsu'u cha' ji'na lo'o Ni; na cua ngulo Ni ji'na ya' nu cuxi nu ndyu'ni cha' chcuna' chalyuu ji'na.

2 CORINTIOS 13:14

Lo'o juani nti' tsa na' cha' ná tye cha' stu'ba cha' ji'i̱ lcaa cu'ma̱ cajua lo'o Jesucristo nu Xu'na na, la cui' Ni laca nu quiña'a̱ tsa cha' tso'o ndu'ni lo'o na lcaa tsa̱. Jua'a̱ nti' na' cha' lcaa tsa̱ caca stu'ba cha' ji'i̱ ma̱ lo'o ycui' Ndyosi, la cui' Ni laca nu ntsu'u tsa tyiquee Ni ña'a̱ Ni ji'na. Jua'a̱ nti' na' cha' tyanu Xtyi'i ycui' Ndyosi ne' cresiya ji'i̱ ma̱, la cui' Ni laca nu ndu'ni cha' stu'ba ntsu'u cha' ji'na lo'o Ni, jua'a̱ lo'o xa' la ngu' tya'a ngusñi na cha' ji'i̱ ycui' Ndyosi. Jua'a̱ caca cha' lacua.

EFESIOS 2:1

Cua nda ycui' Ndyosi chalyuu ji'i̱ ma̱ chaca quiya' xqui'ya cha' cua ndyu'ú Cristo chaca quiya'. Nu ngua tsubi' la, ñi'ya̱ laca si na cua ndye chalyuu ji'i̱ ma̱, jua'a̱ ngua ma̱ xqui'ya qui'ya nu ntsu'u ji'i̱ ma̱ lo'o ycui' Ndyosi, cha' ná ndaquiya' ma̱ tsiya' ti ji'i̱ cha' nu nchcui' ycui' Ndyosi.

EFESIOS 2:8

na cua ngulaá na ji'i̱ nu cuxi, xqui'ya cha' jua'a̱ ti ndu'ni Ni cha' tso'o lo'o na lo'o ngusñi na cha' ji'i̱ Cristo. Ni si'i sca cña nu ngua'ni ycui' ca na laca bi', sca cha' tso'o nu ngua'ni ycui' Ndyosi cuentya ji'na jua'a̱ ti laca bi'.

EFESIOS 5:14

Bi' cha' ndi'ya̱ nchcui' quityi cusu': Quee ti' cu'ma̱, cha' ñi'ya̱ laca si na laja' ma̱, si na ngujuii ma̱, jua'a̱ laca ma̱ xqui'ya qui'ya nu ntsu'u ji'i̱ ma̱. Nga'aa tyu'u cha' ji'i̱ ma̱ lo'o cha' cuxi, cha' li' taca ta Cristo xee nu tyu'ú ne' cresiya ji'i̱ ma̱. Jua'a̱ nscua lo quityi.

COLOSENSES 2:13

Ñi'ya̱ laca si cua ngujuii ma̱, jua'a̱ ngua cu'ma̱, xqui'ya cha' cua ntsu'u tsa qui'ya ji'i̱ ma̱ lo'o ycui' Ndyosi. Lo'o jua'a̱ ná ngujui ñi'ya̱ nu culacua̱ ycui' Ndyosi ji'i̱ ma̱ li', xqui'ya cha' ná ntsu'u cha' ji'i̱ ma̱ tsiya' ti lo'o Ni nu ngua tyempo bi'. Pana juani cua ngua'ni Ni cha' tyu'ú ma̱ chaca quiya' ñi'ya̱ nu ndyu'ú ycui' Cristo. Cua ngüi'ya Ni cha' clyu ti' ji'na ji'i̱ lcaa qui'ya nu ntsu'u ji'na lo'o Ni.

TITO 2:11

Tso'o tsa ndu'ni ycui' Ndyosi lo'o ñati̱ chalyuu cha' cua nti' Ni cha' clyaá ngu' ji'i̱ nu cuxi;

TITO 3:5

Lo'o li' ngua'ni lyaá Ni ji'na cha' tya'na tsa ti' Ni ña'a̱ Ni ji'na; pana si'i cha' ngua'ni na sca cha' tso'o, sca cña tacati, lo'o li' xqui'ya bi' ngua'ni tya'na ti' Ni ji'na. Si'i jua'a̱. Na cua ngua'ni lubii Ni ji'i̱ cresiya ji'na, bi' cha' caca chcui' na cha' cua ngula na chaca quiya'; cua ngua cucui cresiya ji'na xqui'ya cña nu cua ngua'ni Xtyi'i ycui' Ndyosi lo'o na.

APOCALIPSIS 22:21

Ña'a̱ ti cua'ni Jesús nu Xu'na na cha' tso'o lo'o lcaa cu'ma̱ lacua. Tsa lo cua ti cha' chcui' na.