EFESIOS 2:4 - Chatino Tataltepec

⁴ Pana ndyi'ya tsa ycui' Ndyosi cha' clyu ti' ji'na, cha' ntsu'u tsa tyiquee Ni ña'a̱ Ni ji'na;

EFESIOS 2:4 ပူးပေါင်းရင်းမြစ်များ

SAN LUCAS 1:78

Ntsu'u tsa tyiquee ycui' Ndyosi ña'a̱ Ni ji'na; tya'na tsa ti' Ni ji'na, bi' cha' cua ta ti ycui' Ni ji'i̱ Cristo cha' ca̱a̱ nde su ndi'i̱ na. Bi' laca sca xee tlyu nu tyu'ú ne' cresiya ji'na, ñi'ya̱ nti' xee ndubi nu ntyiji'i̱ su ndi'i̱ na lo'o lijya̱ ca ti cuichaa.

ROMANOS 10:12

Sca ti cuayá' tyacua cha' bi' ji'i̱ ngu' judío, la cui' jua'a̱ tyacua cha' bi' ji'i̱ ngu' xa' tsu', cha' sca ti ycui' Ndyosi nu Xu'na na laca loo ji'i̱ lcaa ñati̱ chalyuu; sca ti cuayá' tso'o tsa ndu'ni Ni lo'o lcaa ñati̱ nu jña cha' clyu ti' ji'i̱ ycui' Ni chacuayá' ji'i̱ Jesús.

ROMANOS 2:4

¿Ni cha' laca ná ndube ti' ma̱ cha' tso'o tsa ntsu'u tyiquee ycui' Ndyosi ña'a̱ Ni ji'na? Ntucuá Ni cña ji'na, ndalo tsa tyiquee Ni ji'na; tso'o tsa nti' ycui' Ndyosi ña'a̱ Ni ji'na, cha' caja ñi'ya̱ nu tya'a̱chu̱' na ji'i̱ cha' cuxi nu ndiya tsa ti' na ji'i̱.

ROMANOS 5:8

Pana jua'a̱ ngua'ni ycui' Ndyosi lo'o na, cha' culu'u Ni ji'na cha' ntsu'u tsa tyiquee Ni ña'a̱ Ni ji'na; nda Ni ji'i̱ Cristo cha' cajaa cuentya ji'na, masi tya ntsu'u tsa qui'ya ji'na.

ROMANOS 9:23

Pana ngua ti' Ni cha' caca cuayá' ti' na ñi'ya̱ tlyu tsa cha' tso'o nu ndyu'ni Ni lo'o na, cha' tya'na tsa ti' Ni ña'a̱ Ni ji'na. Tya tsubi' la cua ngusubi ycui' Ndyosi ji'na, cha' lo'o na caja cha' tso'o nu ntsu'u ji'i̱ ycui' Ndyosi ji'na.

EFESIOS 1:7

Cua ngulaá na ji'i̱ nu cuxi nu ntsu'u ji'na, xqui'ya cha' cua ngujuii Sñi' ycui' Ni lo crusi cuentya ji'na, cha' cua ngüi'ya Ni cha' clyu ti' ji'na ji'i̱ qui'ya nu ntsu'u ji'na li'; tlyu tsa cha' tso'o nu cua ngua'ni ycui' Ndyosi lo'o na laca bi'.

EFESIOS 2:7

Sca ti quiya' ngua'ni Ni lcaa cha' bi', cha' ca cuayá' ti' lcaa ñati̱ nu ca̱a̱ chalyuu nde loo la cha' ntsu'u tsa tyiquee Ni ña'a̱ Ni ji'i̱ ñati̱ chalyuu. Xqui'ya cha' ntsu'u tsa tyiquee Jesucristo ña'a̱ Ni ji'na, bi' cha' ca cuayá' ti' na cha' ná ntsu'u su tye cha' ndu'ni tso'o ycui' Ndyosi lo'o na;

EFESIOS 3:8

Ná tso'o la na' tsiya' ti que cua ña'a̱ ca ñati̱ nu ngusñi cha' ji'i̱ ycui' Ndyosi, tso'o la ngu' bi' que na'; pana nda Ni chacuayá' cha' tsa'a̱ slo ñati̱ nu ndi'i̱ xa' tsu'. Tso'o tsa cña nda Ni 'na, cha' cacha' na' cha' tso'o bi' ji'i̱ ngu', masi tya lyiji tsa cha' tye ca cuayá' ti' ycui' na' lcaa cha' tso'o nu ndu'ni Cristo lo'o ñati̱.

2 TESALONICENSES 2:13

Cu'ma̱ tya'a ngusñi na cha' ji'i̱ Jesús, ntsu'u tsa tyiquee ycui' nu Xu'na na ña'a̱ Ni ji'i̱ ma̱. Lo'o jua'a̱ ntsu'u cha' tya ya xlya'be ji'i̱ ycui' Ndyosi xqui'ya cu'ma̱, cha' ngusubi Ni ji'i̱ ma̱ tya lo'o nguxana ti chalyuu cha' cua'ni lyaá Ni ji'i̱ ma̱; bi' cha' ngua'ni Xtyi'i ycui' Ni cha' ngua lubii cresiya ji'i̱ ma̱ lo'o ngusñi ma̱ cha' tso'o ji'i̱ ycui' Ndyosi.

1 TIMOTEO 1:14

Ntsu'u tsa tyiquee nu Xu'na na ña'a̱ Ni 'na, bi' cha' ngusñi na' cha' ji'i̱ ycui' Jesucristo li'; lo'o nu juani ntsu'u tyiquee na' ña'a̱ na' ji'i̱ Jesús, lo'o jua'a̱ ntsu'u tyiquee na' ña'a̱ na' ji'i̱ tya'a ñati̱ na'.

2 TIMOTEO 1:9

cha' ycui' Ndyosi laca nu ngua'ni lyaá ji'na; cua ngusubi Ni ji'na cha' cua'ni na cña nu nti' Ni cha' cua'ni na. Ntaja'a̱ Ni cua'ni lyaá Ni ji'na cha' tso'o tyiquee ti Ni, masi si'i xqui'ya cha' tso'o nu ngua'ni ycui' ca na. Ntsu'u tsa tyiquee Ni ña'a̱ Ni ji'na; jua'a̱ laca cha' nu ngulu'u Jesucristo ji'na, cha' ngua ti' ycui' Ndyosi cua'ni Ni cha' tso'o lo'o na nu lo'o tya lyiji cuiñá Ni chalyuu.

1 PEDRO 1:3

Cua'ni tlyu na ji'i̱ ycui' Ndyosi, la cui' bi' laca nu ndu'ni tlyu Jesucristo nu Xu'na na ji'i̱, la cui' Sti Jesucristo nu Xu'na na laca bi'. Tya'na tsa ti' ycui' Ni ña'a̱ Ni ji'na, bi' cha' ngua'ni cucui Ni cresiya ji'na; ntsu'u chalyuu cucui ji'na juani, xqui'ya cha' ndyu'ú ycui' Jesucristo chaca quiya' nu lo'o ngujuii yu. Lo'o nu juani cua ndu̱ ti' na cha' caja chalyuu nu ná nga'a̱ cha' tye ji'na,