Lo'o li' lijya̱ na' nu cua nda Ni 'na lijya̱a̱ cha' caca na' ñati̱, ndacu na' lcaa lo na lo'o ma̱, ndyi'yu na' lcaa lo na lo'o ma̱, lo'o li' nchcui' ma̱ 'na: “¡Ña'a̱ ma̱ ña'a̱! Ndacu tsa yu jua, cu'bi tsa yu”, nacui̱ ma̱ ji'i̱ tya'a ma̱. “Ná tso'o yu jua cha' tya'a tso'o yu laca ngu' nu nxñi cñi cña loo na, lo'o jua'a̱ xi xa' la ngu' cuxi laca tya'a tso'o yu”, nacui̱ ma̱ 'na. Nacui̱ ma̱ jua'a̱ cha' ná tso'o cha' nu nchcui' na', nti' ma̱; pana caca cuayá' ti' ma̱ nde loo la cha' liñi tsa cha' nu nchcui' ngu' nu nacui̱ cha' cuentya ji'i̱ ycui' Ndyosi laca na'.
EFESIOS 2:2 - Chatino Tataltepec2 Nu ngua tyempo bi', ndya'a̱ tsa ma̱ ndu'ni ma̱ cua ña'a̱ ca cha' cuxi nu ndu'ni ñati̱ chalyuu; ndaquiya' tsa ma̱ ji'i̱ nu xña'a̱ nu laca loo ji'i̱ lcaa cui'i̱ cuxi nu ndya'a̱ nde chalyuu, la cui' nu cuxi bi' laca nu ndatsaa ji'i̱ ñati̱ chalyuu cha' ná taquiya' ngu' ji'i̱ ycui' Ndyosi. အခန်းကိုကြည့်ပါ။ |
EFESIOS 2:2
64 ပူးပေါင်းရင်းမြစ်များ
Si'yu nu ndyalú lo yuu su ngutu̱ lti quiche' ni, bi' laca ñi'ya̱ laca ñati̱ nu cua ndyuna cha' tso'o bi', pana ndya'a̱ tsa cha' tyiquee ngu' bi' ñi'ya̱ caca ji'i̱ ngu' nde chalyuu, cha' nti' tsa ngu' caca culiya' ngu'. Bi' cha' ná nchca ji'i̱ ycui' Ndyosi cua'ni sca cña tso'o ne' cresiya ji'i̱ ngu' bi'.
Tiya' la ngua cuayá' ti' ycui' nu laca xu'na yu ñi'ya̱ nu ndyu'ni yu. “Tajua' tsa ndyu'ni msu nu laca loo bi' 'na laja lo'o ndyu'ni yu cña”, nacui̱ nu cusu' culiya' bi'. Lo'o li' tya nchcui' Jesús lo'o ngu' bi': ―Lo'o cu'ma̱ ni, nu nti' tsa ma̱ taquiya' ma̱ ji'i̱ lcaa cha' nu nchcui' ycui' Ndyosi ―nacui̱―, taca ca tsa'a̱ ma̱ xi lo'o ña'a̱ ma̱ ñi'ya̱ nu ndu'ni xa' la ñati̱ chalyuu lo'o tya'a ngu', masi cuxi ti ngu'.
Lo'o li' nchcui' Jesús lo'o Simón Pedro bi': ―Simón ―nacui̱―, laca cha' ñi'ya̱ laca si cua ngüijña Satanás chacuayá' cha' cua'ni lya' ti' ji'i̱ lcaa cu'ma̱; cua nti' yu cua'ni cuayá' yu ji'i̱ ma̱, cha' xcutsi̱i̱ yu ji'i̱ ma̱. Ñi'ya̱ laca lo'o nscui̱i̱ ngu' ji'i̱ si'yu trigo cha' tyubii ji'i̱, jua'a̱ cua'ni yu lo'o ma̱, nti' yu.
Si cua'ni ma̱ ñi'ya̱ nu ndu'ni ñati̱ cuxi nde chalyuu, li' chcui' tso'o ngu' lo'o ma̱, ñi'ya̱ si laca ma̱ tya'a ngu'. Pana juani nga'aa ntsu'u cha' ji'i̱ ma̱ lo'o cha' cuxi nu ntsu'u nde chalyuu, cha' cua ngusubi na' ji'i̱ ma̱ cha' caca ma̱ ñati̱ 'na; bi' cha' liye' tsa ti' ngu' ña'a̱ ngu' ji'i̱ ma̱ ―nacui̱―.
Bi' cha' tya nda la Jesús xi cha' lo'o ngu' bi': ―Nde chalyuu su ndi'i̱ cu'ma̱ cuxi tsa ndu'ni ñati̱; pana na' ni, chaca chalyuu ca slo ycui' Ndyosi ngutu'u na' ―nacui̱ yu―. Cua ngui'i̱ ma̱ ji'i̱ nu cuxi nu ndu'ni ñati̱ chalyuu; pana na' ni, ntsu'u tyiquee na' ji'i̱ ycui' Ndyosi Sti na' ca su ntucua ycui' Ni ―nacui̱ Jesús―.
Ycui' nu xña'a̱ laca sti cu'ma̱, lo'o jua'a̱ nti' ma̱ cua'ni ma̱ la cui' cña nu ngulo nu bi' ji'i̱ ma̱. Tya lo'o nguxana chalyuu, tya li' nguxana ndyu'ni ñu'u̱ nu bi' ji'i̱ cresiya ji'i̱ ñati̱ ―nacui̱ Jesús―. Ná ngutu'u nu bi' ca su ntsu'u su̱u̱ cha' liñi, ná ntsu'u cha' liñi ji'i̱ nu bi' tsiya' ti ―nacui̱―. Lo'o ñilo'o nu bi' ji'i̱ ñati̱, xquicha' ycui' ca laca cha' cuiñi nu nda nu bi' lo'o ngu'. Sca nu cuiñi laca nu xña'a̱, bi' laca sti lcaa nu cuiñi.
Lo'o li' ngua'ni scaranu quichi̱ bi' cha' ngua ti̱ nu ngu' quiña'a̱ bi': ―Cu'ma̱ ngu' Efeso ―nacui̱ scaranu bi' ji'i̱ ngu' quichi̱―, jlo ti' lcaa ñati̱ chalyuu cha' ngu' tya'a na laca nu ña'a̱si̱i̱ na ji'i̱ laa ji'i̱ xtya'a̱ na jo'ó Diana ―nacui̱ yu―, na ña'a̱si̱i̱ na ji'i̱ ycui' jo'ó Diana nu ndyú nde cua̱.
Nchcui' Pedro lo'o yu li': ―Ananías ―nacui̱―, ¿na laca ngua hi̱? ¿Ni cha' laca nda nu'u̱ chacuayá' ji'i̱ nu xña'a̱ nu naa Satanás cha' caca loo ne' cresiya jinu'u̱? Bi' laca nu ngua'ni cha' nguñilo'o nu'u̱ ji'i̱ Xtyi'i ycui' Ndyosi ―nacui̱ Pedro ji'i̱ yu bi'―. Nacui̱ nu'u̱ cha' nde laca lcaa cñi nu ngujui jinu'u̱ lo yuu bi', lo'o si'i lcaa cñi laca re.
Nga'aa ta ma̱ tyempo cha' tatsaa ngu' ji'i̱ ma̱ cha' cua'ni ma̱ cha' cuxi; xa' ña'a̱ tyi'i̱ ma̱ chalyuu juani, cha' cua nchcutsa'a̱ Ni lcaa cha' nu ntsu'u ne' cresiya ji'i̱ ma̱. Bi' cha' caca cuayá' ti' ma̱ cua ña'a̱ ca cña nu nti' ycui' Ndyosi cha' cua'ni ma̱: ña'a̱ cña laca nu tso'o la cha' cua'ni ma̱, ña'a̱ cña nu ndiya la ti' ycui' Ndyosi ji'i̱, ña'a̱ cña nu tyu'u tso'o la ji'i̱ ma̱ su cua ndye cha' bi'; lcaa cha' bi' caca cuayá' ti' ma̱ li'.
pana ná nguscua na' cha' nga'aa chcui' ma̱ tsiya' ti lo'o ñati̱ cuxi bi'. Ntsu'u tsa ñati̱ chalyuu nu ná ndaquiya' ji'i̱ ycui' Ndyosi, nu ndu'ni suba', nu ndacui ti', nu cuaana, nu ndu'ni tlyu ji'i̱ lcui̱ jo'ó ti; lo'o jua'a̱ ná caca tyu'utsu' na ji'i̱ ngu' bi', sca ti si tyu'u na chalyuu tyaa na tsiya' ti.
Lo'o jua'a̱ ntsu'u xi cu'ma̱ nu ngua'ni ma̱ la cui' tya'a cha' cuxi bi' tya sa'ni la; pana cua xa' ña'a̱ ndu'ni ma̱ juani, cha' cua ngüityi̱ Jesús lcaa qui'ya nu ntsu'u ji'i̱ ma̱ tya li', cua ndyatí̱ ma̱ cuentya ji'i̱ ycui' Ndyosi li'. Cua ngüiñi cha' ji'i̱ ma̱ lo'o ycui' Ndyosi nu lo'o ngusñi ma̱ cha' ji'i̱ ycui' Jesucristo nu Xu'na na, lo'o li' cua nda Ni Xtyi'i ycui' Ni cha' tyanu ne' cresiya ji'i̱ ma̱.
Ná ntaja'a̱ ngu' bi' xñi ngu' cha' bi' xqui'ya nu xña'a̱ nu ñilo'o ji'i̱ ñati̱ chalyuu. Ndacu̱' nu cuxi bi' cha' ji'i̱ ngu' cha' ná cuna ngu' cha' tso'o nu cuentya ji'i̱ Cristo, bi' cha' ná nchca tyanu xee lubii ji'i̱ Cristo ne' cresiya ji'i̱ ngu' bi'. Tlyu tsa cha' laca ji'i̱ Cristo; lcaa cha' nu ntsu'u ji'i̱ Ni, stu'ba ntsu'u cha' ji'i̱ Ni lo'o ycui' Ndyosi Sti Ni ca su ntucua Ni juani.
Ca bi' laca Cristo loo la ji'i̱ lcaa ñati̱; nga'aa ntsu'u nu tlyu la que Cristo ca bi', nga'aa ntsu'u nu culo cña ji'i̱ yu. Ná ntsu'u chaca xu'na ñati̱ nde chalyuu nu taca tyiji̱loo ji'i̱ Cristo; la cui' ti ca chaca chalyuu ca nde cua̱ ni, ná ntsu'u cui'i̱ cuxi, ni ná ntsu'u ñati̱ cuentya ji'i̱ ycui' Ndyosi nu taca tyiji̱loo ji'i̱ Cristo.
Cu'ma̱ tya'a ngusñi na cha' ji'i̱ Cristo, tyi'u ti' ma̱ ñi'ya̱ ngua ji'i̱ ma̱ tya tsubi' la; xa' lo ñati̱ laca ma̱ tyempo bi', xa' quichi̱ tyijyu' la ngula ma̱, ná stu'ba tsiya' ti cha' ji'i̱ ma̱ lo'o ngu' judío tya'a na' nu ngua li'. Ndu'ni ngu' judío ji'i̱ ma̱ cha' laca ma̱ ñati̱ nu ná ngulacua̱ Ni ji'i̱; pana ycui' ngu' judío ni, cua ngulacua̱ Ni ji'i̱ ngu', nacui̱ ngu'. Nu ngulacua̱ ngu' bi' ni, bi' laca sca cuayá' su nsi'yu ngu' judío quiji̱ ngu' qui'yu sñi' ngu'.
Pana juani xa' ña'a̱ cha' ndyaca ji'i̱ ma̱, tya lo'o ngua stu'ba cha' ji'i̱ ma̱ lo'o Jesucristo. Nu ngua sa'ni la, ná nslo ma̱ ji'i̱ ycui' Ndyosi tsiya' ti; tyijyu' tsa ntucua ycui' Ndyosi ca su ndi'i̱ ma̱, ngua ti' ma̱. Pana juani cacua tsa ntucua ycui' Ndyosi ji'i̱ ma̱; cua nguije Ni ji'i̱ ma̱, xqui'ya cha' ngujuii nu Cristo bi' lo crusi.
Ca ta'a na ni, chañi cha' ñi'ya̱ nu ndaquiya' ngu' bi' ji'i̱ nu cuxi, jua'a̱ ngua'ni na tya tsubi' la; ngua'ni na cua ña'a̱ ca cha' cuxi nu ndijña ti' cresiya ji'na. Na laca nu ngua ti' ycui' ca na cha' cua'ni na, ngua'ni na ji'i̱ li'; cua ña'a̱ ca cha' cuxi nu ngua'ya hique ti na, ngua'ni na cha' bi'. Bi' cha' ndyanu cha' xcube' ycui' Ndyosi ji'na, cha' ñasi̱' tsa Ni xqui'ya cha' cuxi nu ngua'ni na lo'o Ni; stu'ba ti xcube' Ni ji'na lo'o cua ña'a̱ ca ñati̱ chalyuu li'.
Chacuayá' ji'i̱ ycui' nu Xu'na na chcui' na' xi lo'o cu'ma̱ juani: Nti' tsa na' culo na' cña ji'i̱ cu'ma̱ cha' nga'aa cua'ni ma̱ ñi'ya̱ nu ndu'ni ngu' nu ná nslo ji'i̱ ycui' Ndyosi tsiya' ti; cua ña'a̱ ca cha' cuxi nu nda'ya hique ngu', xcui' jua'a̱ ndu'ni ngu' bi' chalyuu. Sca cha' tonto tsa ndu'ni ngu' bi',
Si'i na nxu̱u̱ tya'a na lo'o ñati̱ chalyuu ti, siya' la juersa ntsu'u ji'i̱ ngu' bi'; tya'a cusu̱u̱ na laca lcaa cui'i̱ cuxi nu ntsu'u nde cua̱. Nguula tsa nu bi', hasta ngua ti' bi' tyiji̱loo ji'i̱ ycui' Ndyosi; pana ná ngua ji'i̱. La cui' laca nu ngua ti' caca xu'na chalyuu, lo'o jua'a̱ nclyo bi' cña ji'i̱ ñati̱ cha' cua'ni ngu' lcaa lo cha' cuxi nde chalyuu juani.
Si tyucui tyiquee na tsiya' ti ndu'ni na cha' tacati cuentya ji'i̱ Ni, si si'i na tucua cha' ntsu'u tyiquee na, ndi'ya̱ nti' ycui' Ndyosi Sti na cha' cua'ni na li': nga'a̱ cha' xtyucua na ji'i̱ nu sube ti'i, jua'a̱ nga'a̱ cha' xtyucua na ji'i̱ nu cuna'a̱ nu ndyanu ti'i ti, nu lo'o nchcube' tsa ngu' ndi'i̱ ngu' chalyuu; pana ná tso'o tyatí̱ yu'u na lo'o cha' cuxi nu ntsu'u nde chalyuu.
cua nguxtyanu ma̱ ji'i̱ ycui' Ndyosi, cua ntsu'u cha' ji'i̱ ma̱ lo'o sca cha' nu cuxi tsa, si jua'a̱ ndyu'ni ma̱. ¿Ha ná nchca cuayá' ti' ma̱ cha' tya'a cusu̱u̱ ycui' Ndyosi laca na, si xcui' cha' ji'i̱ ycui' ca ti na ntsu'u tyiquee na? Na nxu̱u̱ tya'a na lo'o ycui' Ndyosi, si cua'ni tya'a na lo'o nu cuxi nu ntsu'u nde chalyuu.
Tyempo nu nteje tacui, cua ngua'ni ma̱ lcaa cha' cuxi ñi'ya̱ nu ndiya ti' ñati̱ nu ná ntsu'u cha' ji'i̱ lo'o ycui' Ndyosi tsiya' ti. Cuayá' tsa lo cua ti cha' cuxi: bi' cha' nga'aa cua'ni suba' ma̱ lo'o tya'a ñati̱ ma̱ juani, nga'aa cua'ni ma̱ lcaa lo cha' cuxi nu ndiya ti' ma̱ cua sa'ni la; nga'aa caca cu'bi ma̱, nga'aa tyeje tacui ma̱ cuayá' cacu ma̱, co'o ma̱, ñi'ya̱ nu ndyu'ni ngu' nu ná ndube ti' lo'o ndya'a̱ ngu' bi' ta'a; nga'aa cua'ni tlyu ma̱ ji'i̱ lcui̱ jo'ó, cha' suba' tsa cha' bi' cuentya ji'i̱ ycui' Ndyosi.
Xcui' cha' suba' nda'ya hique ngu' cuxi bi' lo'o ña'a̱ ngu' ji'i̱ sca nu cuna'a̱, cha' ná tye cha' nti' ngu' bi' cua'ni suba' ngu' lo'o. Lo'o jua'a̱ hora ti culu'u ngu' bi' cha' cuxi ji'i̱ xa' ñati̱ nu bilya ca cuayá' tso'o ti' cha' ji'i̱ Jesucristo. Lye tsa ngua tsa'a̱ ngu' cuiñi bi' ji'i̱ lcaa lo cha' cuxi, bi' cha' lye tsa ndacui ti' ngu' bi'; ná nga'a̱ cha' tyaala' ji'i̱ ngu' bi' tsiya' ti. Pana cua nda ycui' Ndyosi yabe' ji'i̱ ngu' cuiñi bi';
Bi' cha' nchca cuayá' ti' ma̱ juani ñi'ya̱ laca ñati̱ nu laca sñi' ycui' Nydosi, lo'o jua'a̱ nchca cuayá' ti' ma̱ ñi'ya̱ ndu'ni ñati̱ nu laca sñi' ycui' nu xña'a̱. Si'i sñi' ycui' Ndyosi laca ñati̱ nu ndu'ni cha' cuxi lcaa tsa̱, ni si'i sñi' ycui' Ndyosi laca ñati̱ nu ná ntsu'u tyiquee ña'a̱ ji'i̱ tya'a ñati̱.
Cu'ma̱ sñi' na', cua ntsu'u cha' ji'i̱ ma̱ lo'o ycui' Ndyosi, jua'a̱ cua ngua nguula la ti' tyiquee ma̱ xqui'ya Xtyi'i ycui' Ndyosi nu ndyanu ne' cresiya ji'i̱ ma̱ li'; bi' cha' nchca ji'i̱ ma̱ tyiji̱loo ma̱ ji'i̱ ngu' cuiñi nu cua ntsu'u cha' ji'i̱ lo'o ycui' nu xña'a̱. La cui' nu xña'a̱ laca nu nclyo cña ji'i̱ ñati̱ cuxi nde chalyuu.
Lo'o jua'a̱ nguñilo'o ni' ji'i̱ lcaa ñati̱ tyucui ña'a̱ chalyuu xqui'ya cha' tlyu nu ndyu'ni ni' lo'o ndi'i̱ ni' slo nu na'ni nu ya̱a̱ tya clyo bi'. Li' nchcui' ni' lo'o lcaa ñati̱ chalyuu cha' cuiñá ngu' sca lcui̱ tyu̱, cha' cua'ni tlyu ngu' ji'i̱ lcui̱ bi'; ngüiñá ngu' lcui̱ ji'i̱ nu na'ni nu ya̱a̱ tya clyo bi' li', na'ni nu ngua tso'o masi ti'í tsa ngula'a hique ni'.
lcaa ñati̱ tyucui ña'a̱ chalyuu cua'ni tlyu ngu' ji'i̱ na'ni bi' li', si ná nscua xtañi ngu' lo quityi ji'i̱ ycui' Ndyosi. Nu ngua tya clyo la lo'o tya lyiji cuiñá Ni chalyuu, tya li' nguscua Ni xtañi ñati̱ nu ná nga'a̱ cha' tye chalyuu ji'i̱. Cua ndyanu quityi bi' cuentya ji'i̱ nu ñi'ya̱ ña'a̱ xlya' nu cua ndyujuii ñati̱ ji'i̱ tsaca quiya'.
ကြော်ငြာတွေ