EFESIOS 2:11 - Chatino Tataltepec

¹¹ Cu'ma̱ tya'a ngusñi na cha' ji'i̱ Cristo, tyi'u ti' ma̱ ñi'ya̱ ngua ji'i̱ ma̱ tya tsubi' la; xa' lo ñati̱ laca ma̱ tyempo bi', xa' quichi̱ tyijyu' la ngula ma̱, ná stu'ba tsiya' ti cha' ji'i̱ ma̱ lo'o ngu' judío tya'a na' nu ngua li'. Ndu'ni ngu' judío ji'i̱ ma̱ cha' laca ma̱ ñati̱ nu ná ngulacua̱ Ni ji'i̱; pana ycui' ngu' judío ni, cua ngulacua̱ Ni ji'i̱ ngu', nacui̱ ngu'. Nu ngulacua̱ ngu' bi' ni, bi' laca sca cuayá' su nsi'yu ngu' judío quiji̱ ngu' qui'yu sñi' ngu'.

EFESIOS 2:11 ပူးပေါင်းရင်းမြစ်များ

SAN MATEO 20:7

“Ná ntsu'u ñati̱ nu nti' msu juani”, nacui̱ ngu' ji'i̱. “Yaa clya ma̱ cua'ni ma̱ xi cña ne' lo'o 'na lacua”, nacui̱ xu'na msu bi' ji'i̱ ngu' li'.

ROMANOS 11:17

Laca ngu' judío ñi'ya̱ si laca ngu' sca yaca cuiñii, sca yaca olivo ni. Na cua ngusi'yu ycui' Ndyosi ji'i̱ tyu̱u̱ tya'a sta̱' yaca bi', ngulotsu' Ni ji'i̱ sta̱' yaca bi' li'; pana juani la cui' ca su ngutucua sta̱' yaca bi' nquicha', ndacua ngusca̱' Ni tyu̱u̱ tya'a sta̱' yaca quixi̱', cha' xñi ca'a̱ sta̱ yaca quixi̱' bi' ji'i̱ yaca cuiñii bi'. Ñi'ya̱ laca sta̱' yaca quixi̱', jua'a̱ laca cu'ma̱ ngu' xa' tsu', cha' cua ngujui la cui' cha' tso'o ji'i̱ ma̱, ña'a̱ cha' tso'o nu ntsu'u ji'i̱ ngu' judío. Laca ma̱ ñi'ya̱ laca si sca ti su̱u̱ yaca laca ma̱ lo'o ngu' judío, si sca ti si'ye laca ma̱ lo'o ngu' bi'.

ROMANOS 2:26

Lo'o jua'a̱ nu ngu' xa' tsu' nu ná nsi'yu quiji̱ ngu' ni, si taquiya' ngu' bi' cha' nu nda Moisés lo'o na, li' stu'ba ti tucuá ycui' Ndyosi cha' ji'i̱ ngu' bi', ñi'ya̱ ntucuá Ni cha' ji'i̱ ngu' judío tya'a na nu cua nsi'yu quiji̱ ngu'.

ROMANOS 2:27

Chañi cha' ná ngua'a̱ cuayá' lo quiji̱ ngu' bi' jua'a̱; ná ntsu'u cha' bi' ji'i̱ ngu', cha' ngu' xa' tsu' laca ngu'. Pana si ndu'ni ngu' bi' lcaa cña nu nti' Ni cha' cua'ni ngu', ta ngu' cha' tyuju'u ti' ji'i̱ cu'ma̱ ngu' judío, cha' ná ndaquiya' ma̱ ji'i̱ cha' bi', masi cua ndyuna ma̱ cha' liñi ji'i̱ ycui' Ndyosi, masi cua ngua'a̱ cuayá' lo quiji̱ ma̱.

1 CORINTIOS 12:2

Cua jlo ti' ma̱ ñi'ya̱ nu ngua'ni ma̱ tya sa'ni la, nu lo'o bilya cuna ma̱ cha' ji'i̱ Jesús; na nguñilo'o lcui̱ jo'ó ji'i̱ ma̱, jo'ó nu cu'u̱ ti, cha' jlya ti' ma̱ lcua ti lo cha' nu ntsu'u ji'i̱ jo'ó bi'.

1 CORINTIOS 6:11

Lo'o jua'a̱ ntsu'u xi cu'ma̱ nu ngua'ni ma̱ la cui' tya'a cha' cuxi bi' tya sa'ni la; pana cua xa' ña'a̱ ndu'ni ma̱ juani, cha' cua ngüityi̱ Jesús lcaa qui'ya nu ntsu'u ji'i̱ ma̱ tya li', cua ndyatí̱ ma̱ cuentya ji'i̱ ycui' Ndyosi li'. Cua ngüiñi cha' ji'i̱ ma̱ lo'o ycui' Ndyosi nu lo'o ngusñi ma̱ cha' ji'i̱ ycui' Jesucristo nu Xu'na na, lo'o li' cua nda Ni Xtyi'i ycui' Ni cha' tyanu ne' cresiya ji'i̱ ma̱.

GÁLATAS 2:15

Nu cuare ni, ngu' judío laca ya tya lo'o ngula ya chalyuu nu ndaquiya' ji'i̱ lcaa cha' nu nda ycui' Ndyosi lo'o ya; si'i na ndaquiya' ya ji'i̱ cua ña'a̱ ca cha' cuxi ñi'ya̱ ndu'ni ngu' xa' tsu'.

GÁLATAS 6:12

Nu ñati̱ nu ndatsaa tsa ji'i̱ ma̱ cha' si'yu quiji̱ ma̱ ñi'ya̱ nu ndu'ni ngu' judío cha' culacua̱ ngu' ni, ndu'ni ngu' jua'a̱ cha' nti' ngu' cha' caca stu'ba cha' ji'i̱ ycui' ngu' lo'o tya'a ngu' judío; li' ná cua'ni lya' ti' tya'a ngu' judío ji'i̱ ngu' bi' si ngusñi ngu' cha' ji'i̱ Jesucristo nu ngujuii lo crusi, nti' ngu'.

EFESIOS 2:2

Nu ngua tyempo bi', ndya'a̱ tsa ma̱ ndu'ni ma̱ cua ña'a̱ ca cha' cuxi nu ndu'ni ñati̱ chalyuu; ndaquiya' tsa ma̱ ji'i̱ nu xña'a̱ nu laca loo ji'i̱ lcaa cui'i̱ cuxi nu ndya'a̱ nde chalyuu, la cui' nu cuxi bi' laca nu ndatsaa ji'i̱ ñati̱ chalyuu cha' ná taquiya' ngu' ji'i̱ ycui' Ndyosi.

EFESIOS 5:8

Nu ngua sa'ni la, talya tsiya' ti chalyuu ji'i̱ ma̱; pana juani cua ngua xee chalyuu ji'i̱ ma̱, tya lo'o ngusñi ma̱ cha' ji'i̱ ycui' nu Xu'na na. Ñi'ya̱ ndu'ni ñati̱ nu cua ntsu'u lo xee ji'i̱ Cristo, jua'a̱ nga'a̱ cha' cua'ni ma̱ su ndi'i̱ ma̱ chalyuu juani.

FILIPENSES 3:3

Pana nu na ni, chañi laca cha' ngulacua̱ ycui' Ndyosi ji'na, masi xa' ña'a̱ nchcui' nu ngu' bi'. Cua ndu'ni tlyu na ji'i̱ ycui' Ndyosi xqui'ya Xtyi'i ycui' Ni; chaa tsa ti' na ndi'i̱ na chalyuu nu lo'o cua ngujui chalyuu ji'na xqui'ya Jesucristo, cha' nga'aa jlya ti' na ji'i̱ sca cha' nu ndatsaa ñati̱ chalyuu ji'na cha' cua'ni na ji'i̱.

COLOSENSES 1:21

Nu ngua cua tsubi' la, tyijyu' tsa nguta'a̱ ma̱ ji'i̱ ycui' Ndyosi; tya'a cusu̱u̱ ma̱ ji'i̱ ycui' Ndyosi ngua ma̱ tyempo bi' xqui'ya cha' cuxi nu cua ngulacua ti' ma̱, xqui'ya cha' cuxi nu cua ngua'ni ma̱. Pana juani cua ngua'ni Ni cha' taca cati̱ qui'ya nu ntsu'u ji'i̱ ma̱ lo'o ycui' Ni,

COLOSENSES 2:11

La cui' jua'a̱ xqui'ya Cristo cua ngulacua̱ Ni ji'i̱ ma̱; ni si'i na ngusi'yu lo quiji̱ ma̱ lo'o ngulacua̱ ma̱ ñi'ya̱ nu ndu'ni ngu' judío lo'o sñi' ngu', ycui' Cristo ngulacua̱ ji'i̱ ma̱ lo'o cua ngua'ni lyaá Ni ji'i̱ ma̱ ji'i̱ qui'ya nu ntsu'u ji'i̱ ma̱ nde chalyuu.

COLOSENSES 2:13

Ñi'ya̱ laca si cua ngujuii ma̱, jua'a̱ ngua cu'ma̱, xqui'ya cha' cua ntsu'u tsa qui'ya ji'i̱ ma̱ lo'o ycui' Ndyosi. Lo'o jua'a̱ ná ngujui ñi'ya̱ nu culacua̱ ycui' Ndyosi ji'i̱ ma̱ li', xqui'ya cha' ná ntsu'u cha' ji'i̱ ma̱ tsiya' ti lo'o Ni nu ngua tyempo bi'. Pana juani cua ngua'ni Ni cha' tyu'ú ma̱ chaca quiya' ñi'ya̱ nu ndyu'ú ycui' Cristo. Cua ngüi'ya Ni cha' clyu ti' ji'na ji'i̱ lcaa qui'ya nu ntsu'u ji'na lo'o Ni.

COLOSENSES 3:11

Bi' cha' juani nga'aa ndulo tsa cha' ji'na lo'o tya'a na, masi la cui' ngu' judío laca na, masi si'i ngu' judío laca ma̱; nga'aa ndu'ni cha' masi cua ngulacua̱ na, masi ná ngulacua̱ na; nga'aa ndu'ni cha' si ngu' xa' tsu' laca na, masi ngu' tyaala laca na, masi ngu' nu ndi'i̱ tso'o ti laca na, masi msu nu ngüi'ya ti ñati̱ laca ma̱ cha' cua'ni ma̱ cña ji'i̱ ñati̱ laja ti. Nga'aa ndulo tsa cha' bi' ji'na juani, cha' sca ti Cristo laca nu ndulo tsa cha' ji'i̱ cuentya ji'na. Ndi'i̱ Cristo lo'o lcaa ñati̱ ji'i̱ Ni, ñi'ya̱ nu laca ngu', macala su ndi'i̱ ngu'.