Pana laja lo'o nchcui' Pedro, li' ndu'u tucua sca coo nu ngati̱ tsa ña'a̱, nu ndubi tsa ña'a̱, ngüixi̱i̱ chu̱' ngu', tyucui ña'a̱ su ndu̱ ngu'. Li' nguañi xtyi'i sca ñati̱. Hora ti ngua cuayá' ti' ngu' bi', cha' nchcui' ycui' Ndyosi lo'o ngu' laja coo bi': ―La cui' yu re laca Sñi' na', tyaca'a tsa yu 'na ―nacui̱ Ni―. Tso'o tsa ntsu'u tyiquee na' ña'a̱ na' ji'i̱ yu. Cua'a̱ tso'o jyaca̱ ma̱ ji'i̱ lcaa cha' nu chcui' Sñi' na' re lo'o ma̱.
EFESIOS 1:6 - Chatino Tataltepec6 Lo'o juani ntsu'u cha' cua'ni tlyu na ji'i̱ ycui' Ndyosi, cha' jua'a̱ tlyu tsa cha' tso'o nu ngua'ni Ni lo'o na. Xlya'be tsa nti' Ni ña'a̱ Ni ji'na, cha' cua nda Ni ji'i̱ Sñi' ycui' ca Ni lijya̱, nu tyaca'a tsa ji'i̱ Ni, cha' jua'a̱ caca stu'ba cha' ji'na lo'o Ni. အခန်းကိုကြည့်ပါ။ |
EFESIOS 1:6
41 ပူးပေါင်းရင်းမြစ်များ
Ndalo ya ji'i̱ lcaa cha' ti'í nu ndyacua ji'i̱ ya xqui'ya cu'ma̱; tiya' la li' tyatu̱ quiña'a̱ la tya'a ñati̱ ma̱ nu taca tya xlya'be ji'i̱ ycui' Ndyosi cuentya ji'i̱ ya, cha' jua'a̱ quiña'a̱ tsa tya'a ñati̱ ma̱ ntsu'u nu cua ngujui xlya'be nu ta ycui' Ndyosi ji'i̱ ma̱. Lo'o li' stu'ba ti taca cua'ni chi̱ na loo ycui' Ndyosi.
Xtyi'i ycui' Ndyosi ni, bi' laca nu nda Ni ji'na yala la, cha' caca cuayá' ti' na cha' chañi cha' cua'ni Ni lo'o na ñi'ya̱ nu nacui̱ Ni cha' cua'ni Ni lo'o lcaa ñati̱ ji'i̱ Ni; ndyu'ni Xtyi'i ycui' Ni cha' taca ca cuayá' ti' na cha' tye cua'ni lyaá lyiji Ni ji'i̱ lcaa na nu ngusñi na cha' ji'i̱ Ni. ¡Bi' cha' ntsu'u cha' cua'ni tlyu na ji'i̱ ycui' Ni, cha' tlyu tsa cha' tso'o nu ndyu'ni Ni lo'o na!
Sca ti quiya' ngua'ni Ni lcaa cha' bi', cha' ca cuayá' ti' lcaa ñati̱ nu ca̱a̱ chalyuu nde loo la cha' ntsu'u tsa tyiquee Ni ña'a̱ Ni ji'i̱ ñati̱ chalyuu. Xqui'ya cha' ntsu'u tsa tyiquee Jesucristo ña'a̱ Ni ji'na, bi' cha' ca cuayá' ti' na cha' ná ntsu'u su tye cha' ndu'ni tso'o ycui' Ndyosi lo'o na;
cha' lo'o cu'ma̱ caca ma̱ ñi'ya̱ si laca ma̱ tyuu cha' tya' sca ni'i̱ ji'i̱ ycui' Ndyosi, masi ña'a̱ lu'ú ti ma̱. Li' xñi ycui' Ni tyuu bi', cha' cuiñá Ni sca ni'i̱ nu tacati tsa cuentya ji'i̱ ycui' Ni. Chaca cha' ni, ñi'ya̱ nti' sti jo'ó nu lubii cresiya ji'i̱ tsiya' ti, jua'a̱ caca lcaa cu'ma̱, cha' taca ji'i̱ ma̱ sta ma̱ msta̱ slo ycui' Ndyosi juani xqui'ya Jesucristo; nu msta̱ bi' laca ycui' ca ma̱, si chañi cha' tyucui tyiquee ma̱ nti' ma̱ taquiya' ma̱ ji'i̱ cha' nu nchcui' ycui' Ndyosi.
Pana cu'ma̱ ni, cua ngusubi ycui' Ndyosi ji'i̱ cu'ma̱ cha' caca ma̱ ña'a̱ tsaca taju ñati̱ nu ndyu'ni tlyu ji'i̱ ycui' Ni. Laca ma̱ ñi'ya̱ laca sca latya sti jo'ó nu cuentya ji'i̱ ycui' Ndyosi nu laca loo tsiya' ti; ñi'ya̱ tsaca taju ñati̱ lubii laca ma̱ cha' cua'ni tlyu ma̱ ji'i̱ ycui' Ndyosi lcaa tsa̱. Ndu'ni Ni lo'o ma̱: “Ñati̱ 'na laca ma̱”, nacui̱ Ni. Bi' cha' nti' tsa Ni cha' chcui' ma̱ lo'o lcaa ñati̱ lcaa ña'a̱ cha' tso'o nu ngua'ni ycui' Ndyosi lo'o ma̱; cua ngulo Ni ji'i̱ ma̱ ji'i̱ chalyuu cuxi su talya tsa ña'a̱, cha' tya'a̱ ma̱ ca su ndubi tsa xee ji'i̱ ycui' Ni.
Culu'u ma̱ cha' ji'i̱ ñati̱, si bi' laca cña nu cua nda Ni ji'i̱ ma̱ cha' cua'ni ma̱; culu'u ma̱ tsa ña'a̱ cha' nu nti' ycui' Ndyosi chcui' Ni lo'o ngu'. Lo'o jua'a̱ xtyucua ma̱ ji'i̱ tya'a ñati̱ ma̱ lo'o tyucui juersa nu nda ycui' Ndyosi ji'i̱ ma̱, si bi' laca cña nu cua nda Ni ji'i̱ ma̱ cha' cua'ni ma̱. Nu lo'o ña'a̱ ngu' cña tso'o nu ndyu'ni ma̱ bi', li' cua'ni tlyu ngu' ji'i̱ ycui' Ndyosi xqui'ya Jesucristo. Lo'o li' ná nga'a̱ cha' tye cha' cua'ni tlyu ngu' ji'i̱ Cristo bi', cha' laca Cristo loo tsiya' ti. Jua'a̱ caca cha' tu'ni.
ကြော်ငြာတွေ