EFESIOS 1:12 - Chatino Tataltepec

¹² Jua'a̱ ngua cha' nu ngua'ni Ni, cha' taca chcui' ñati̱ cha' tlyu tsa laca Ni, nu lo'o ña'a̱ ngu' ji'i̱ ya laja lo'o ndi'i̱ ya nde chalyuu; cha' nu cuare ni, cua ngusñi ya cha' ji'i̱ Cristo nde loo la ji'i̱ xa' ñati̱.

EFESIOS 1:12 ပူးပေါင်းရင်းမြစ်များ

SAN JUAN 14:1

’Ná quiña'a̱ tsa cha' culacua ti' ma̱ cuentya 'na ―nacui̱ Jesús ji'i̱ ngu' li'―. Cua ngusñi ma̱ cha' ji'i̱ ycui' Ndyosi, jua'a̱ xñi tso'o ma̱ cha' jna' li'.

EFESIOS 1:6

Lo'o juani ntsu'u cha' cua'ni tlyu na ji'i̱ ycui' Ndyosi, cha' jua'a̱ tlyu tsa cha' tso'o nu ngua'ni Ni lo'o na. Xlya'be tsa nti' Ni ña'a̱ Ni ji'na, cha' cua nda Ni ji'i̱ Sñi' ycui' ca Ni lijya̱, nu tyaca'a tsa ji'i̱ Ni, cha' jua'a̱ caca stu'ba cha' ji'na lo'o Ni.

EFESIOS 2:7

Sca ti quiya' ngua'ni Ni lcaa cha' bi', cha' ca cuayá' ti' lcaa ñati̱ nu ca̱a̱ chalyuu nde loo la cha' ntsu'u tsa tyiquee Ni ña'a̱ Ni ji'i̱ ñati̱ chalyuu. Xqui'ya cha' ntsu'u tsa tyiquee Jesucristo ña'a̱ Ni ji'na, bi' cha' ca cuayá' ti' na cha' ná ntsu'u su tye cha' ndu'ni tso'o ycui' Ndyosi lo'o na;

EFESIOS 3:21

Cua'ni tlyu na ji'i̱ ycui' Ndyosi, lcaa na nu tsa tlyu ti ndyu'ni tlyu na ji'i̱ Ni; la cui' ti tlyu tsa laca Ni cuentya ji'i̱ Jesucristo. Jua'a̱ caca ji'i̱ Ni tyucui tyempo nde chalyuu, la cui' ti ná ntsu'u tsa̱ nu tye cha' ji'i̱ Ni tsiya' ti. Jua'a̱ caca cha' tu'ni.

2 TESALONICENSES 2:13

Cu'ma̱ tya'a ngusñi na cha' ji'i̱ Jesús, ntsu'u tsa tyiquee ycui' nu Xu'na na ña'a̱ Ni ji'i̱ ma̱. Lo'o jua'a̱ ntsu'u cha' tya ya xlya'be ji'i̱ ycui' Ndyosi xqui'ya cu'ma̱, cha' ngusubi Ni ji'i̱ ma̱ tya lo'o nguxana ti chalyuu cha' cua'ni lyaá Ni ji'i̱ ma̱; bi' cha' ngua'ni Xtyi'i ycui' Ni cha' ngua lubii cresiya ji'i̱ ma̱ lo'o ngusñi ma̱ cha' tso'o ji'i̱ ycui' Ndyosi.

2 TIMOTEO 1:12

bi' cha' ndyiji cha' ti'í 'na juani. Pana ná tyuju'u ti' na', cha' cua jlo ti' na' tilaca laca nu ngusñi na' cha' ji'i̱ Ni. Jlo ti' na' cha' nchca ji'i̱ Ni ña'a̱si̱i̱ Ni 'na; nchca ji'i̱ Ni xtyucua Ni 'na lo'o ndyu'ni na' cña nu nda Ni 'na, cha' taca tyu'u tso'o cña 'na tsa̱ bi' lo'o tya̱a̱ Jesús nde chalyuu chaca quiya'.

SANTIAGO 1:18

Lcaa cha' nu liñi ca cuentya ji'i̱ ycui' Ndyosi, cua ngulu'u Ni cha' bi' ji'na cha' caca na ñati̱ ji'i̱ ycui' Ni, cha' jua'a̱ nti' Ni cha' caca; cua nti' Ni cha' caca na loo ji'i̱ lcaa ca lo na nu cua ngüiñá ycui' Ni, jua'a̱ nti' Ni.

1 PEDRO 1:21

Xqui'ya Cristo, bi' cha' jlya ti' ma̱ ji'i̱ ycui' Ndyosi, cha' cua ngua'ni ycui' Ni cha' ndyu'ú Cristo chaca quiya' lo'o cua ngujuii yu. Lo'o li' nda ycui' Ndyosi sca su tso'o su tyi'i̱ Cristo, ca su tlyu su ntucua ycui' Ni. Ngua'ni Cristo cña tonu bi', cha' taca xñi ma̱ cha' ji'i̱ ycui' Ndyosi, lo'o li' taca tyu̱ ti' ma̱ cha' caca lcaa ña'a̱ cha' nu nacui̱ Ni cha' caca.