COLOSENSES 4:4 - Chatino Tataltepec

⁴ Pana chcui' ma̱ lo'o ycui' Ndyosi lacua, cha' xtyucua Ni 'na cha' tya chcui' liñi na' ji'i̱ lcaa cha' bi', ñi'ya̱ nu nga'a̱ cha' chcui' na' ji'i̱.

COLOSENSES 4:4 ပူးပေါင်းရင်းမြစ်များ

LOS HECHOS 4:29

Xu'na ya, ña'a̱ nu'u̱ ca nde juani cha' tyaala tsa ngu' ña'a̱ ngu' ji'i̱ ya. Nti' ya cua'ni ya cña nu ngulo nu'u̱ ji'i̱ ya, bi' cha' xtyucua nu'u̱ ji'i̱ ya juani cha' caja juersa ji'i̱ ya, cha' ná cutsi̱i̱ ya nu lo'o ta ya cha' jinu'u̱ lo'o ñati̱ re ―nacui̱ ngu'―.

LOS HECHOS 5:29

Nguxacui̱ Pedro cha' ji'i̱ sti jo'ó bi' li', cuentya ji'i̱ lcaa ngu' nu ngua tsa'a̱ ji'i̱ Jesucristo tya clyo nchcui' yu: ―Ntsu'u cha' taquiya' ya ji'i̱ cña nu ngulo ycui' Ndyosi ji'i̱ ya, masi xa' cña culo ñati̱ chalyuu ji'i̱ ya ―nacui̱ Pedro ji'i̱ ngu'―.

2 CORINTIOS 3:12

Lo'o juani nga'aa ntsi̱i̱ na chcui' na lo'o ñati̱, cha' jlo ti' na cha' tso'o tsa laca cha' ji'i̱ Jesús nu nchcui' na re.

EFESIOS 6:20

Cua ngusubi Ni 'na cha' tsa'a̱ tyijyu', cha' ta na' cha' bi' lo'o ñati̱; bi' cha' laca na' preso juani. Chcui' ma̱ lo'o ycui' Ndyosi cuentya jna' lacua, cha' taca chcui' liñi na' cha' bi' lo'o ñati̱, ñi'ya̱ nu nga'a̱ cha' chcui' na'.

COLOSENSES 4:5

Tii ti ti' ma̱ tyi'i̱ ma̱ slo xa' ñati̱ nu bilya xñi cha' ji'i̱ Jesucristo; ná cua'ni ma̱ cha' tonto slo ngu' bi', cha' jua'a̱ lcaa quiya' lo'o ta ngu' tyempo cha' chcui' ma̱ lo'o ngu', li' tso'o tsa ta ma̱ cha' ji'i̱ Jesús lo'o ngu'.

COLOSENSES 4:6

Laja lo'o nchcui' ma̱ lo'o ngu' ni, tso'o ti chcui' ma̱ ña'a̱ cuayá' nu cua'a̱ jyaca̱ ngu' ji'i̱ cha' nu nchcui' ma̱; tso'o si caja ñi'ya̱ nu xacui̱ ma̱ cha' ji'i̱ lcaa ngu'.