COLOSENSES 4:1 - Chatino Tataltepec

¹ Cu'ma̱ ngu' xu'na msu, lcaa cha' nu ndyaca ji'i̱ ma̱ lo'o ngu' msu ji'i̱ ma̱, cua'ni liñi ma̱ cha' bi'; tso'o ti cua'ni ma̱ lo'o ngu' bi'. Tyi'u ti' ma̱ cha' lo'o cu'ma̱, ntsu'u nu laca loo la ji'i̱ ma̱, ntucua nu bi' ca su tlyu ca su ntucua ycui' Ndyosi.

COLOSENSES 4:1 ပူးပေါင်းရင်းမြစ်များ

SAN MATEO 20:4

Li' nchcui' yu lo'o ngu' bi': “Yaa clya ma̱, cua'ni ma̱ cña ne' lo'o 'na. Stu'ba cua'ni ma̱ cña lo'o msu 'na, cha' cua ntsu'u ngu' ndyu'ni ngu' cña 'na juani. Ta na' caya' tso'o ji'i̱ ma̱ li'”, nacui̱ yu. Hora ti ndyaa ngu' ne' xña ji'i̱ xu'na msu bi' li'.

SAN LUCAS 19:15

Bi' cha' ñaa yu lo'o cua ngujui cña cha' laca yu rey, ndyalaa yu to' tyi yu chaca quiya' li'. Nu lo'o ndyalaa yu, li' ngulo yu cña cha' tya̱a̱ ngu' msu nu nda yu cñi ji'i̱ cha' cua'ni ngu' cña lo'o, cha' ca cuayá' ti' yu ni tsa lo ngua'ni ngu' ngana lo'o scaa cñi bi'.

SANTIAGO 2:13

Lo'o li' si ná ngua'ni tya'na ti' na ji'i̱ tya'a ñati̱ na, ná taca cua'ni tya'na ti' Ni ji'na lo'o cua'ni cuayá' Ni ji'na; pana ñati̱ nu ngua'ni tya'na ti' ji'i̱ tya'a ñati̱ ni, bi' ñati̱ laca nu tso'o la caca cha' ji'i̱ hora lo'o cua'ni cuayá' Ni ji'i̱ ñati̱.

SANTIAGO 5:4

Lo'o jua'a̱ ná nda ma̱ xcaya' msu nu ndyaa ne' xña ji'i̱ ma̱, bi' cha' juani cua'a̱ jyaca̱ ma̱ xi ji'i̱ cha' nu nxlyú msu bi' hichu̱' ma̱; ca su ntucua ycui' Ndyosi nu laca Xu'na lcaa chalyuu, ca bi' ndañi nchcui' nu ngu' nu ngua'ni clacua ji'i̱ ma̱.

APOCALIPSIS 17:14

Xcui' xu̱u̱ tya'a ngu' lo'o ycui' Ni, nu ñi'ya̱ ña'a̱ xlya' bi'; pana tyiji̱loo nu ñi'ya̱ ña'a̱ xlya' bi' ji'i̱ na'ni bi', lo'o jua'a̱ tyiji̱loo ñati̱ nu ndya'a̱ lo'o Ni ji'i̱ ni', xqui'ya cha' laca ycui' Ni Xu'na lcaa ñati̱ chalyuu, laca ycui' Ni loo la ji'i̱ lcaa ngu' nu laca loo nde chalyuu. Lo'o jua'a̱ nu ñati̱ ji'i̱ ycui' Ni ni, cua ngusubi Ni ji'i̱ ngu' bi'; na cua nguane Ni ji'i̱ ngu' bi', lo'o jua'a̱ tso'o tsa ngusñi ngu' cha' ji'i̱ ycui' Ni ―nacui̱ xca̱ 'na.

APOCALIPSIS 19:16

Tsaca xtañi Ni nscua lo late' lo tyiquee Ni, lo'o jua'a̱ la cui' ti cha' nscua lo late' nde chu̱' Ni: “Nu nde laca Rey nu chañi ca, nu nde laca Xu'na ñati̱ nu chañi ca”. Jua'a̱ nchcui' cha' nu cua nscua lo late' ji'i̱ Ni.