COLOSENSES 3:2 - Chatino Tataltepec

² Cua'ni cha' tyanu tachaa cha' bi' tyiquee ma̱, nga'aa tyaala' ti' ma̱ lo'o cua ña'a̱ ca cha' cuxi nu ntsu'u nde chalyuu.

COLOSENSES 3:2 ပူးပေါင်းရင်းမြစ်များ

SAN MATEO 16:23

Hora ti nguxtyacui Jesús, na'a̱ ji'i̱ nu Pedro bi'. ―Tyu'utsu' nu'u̱ Satanás, cha' nga'aa cua'a nu'u̱ 'na ―nacui̱ Jesús ji'i̱ Pedro―. Si'i ñi'ya̱ nu nclacua ti' ycui' Ndyosi nclyacua ti' nu'u̱ juani; ñi'ya̱ nu nclacua ti' ñati̱ chalyuu ti, jua'a̱ nclyacua ti' nu'u̱ juani.

SAN MATEO 6:19

’Lo'o chaca cha' ni: ná xco'o ma̱ quiña'a̱ tsa cha' tso'o cuentya ji'i̱ ycui' ti ma̱ laja lo'o ndi'i̱ ma̱ chalyuu re. Yala ti quiñu'u̱ cha' tso'o bi' jua'a̱ ti; ntsu'u quiya' cacu tiña' ji'i̱, cacu cuixu̱' ji'i̱, cua'ni ñu'u̱ ji'i̱ li'. La cui' jua'a̱ cuaana ngu' ji'i̱ cha' tso'o nu ntsu'u ji'i̱ ma̱, nguna' cha' bi' ji'i̱ ma̱ li'.

SAN LUCAS 12:15

Lo'o li' chaca cha' nchcui' Jesús lo'o ñati̱ nu nga'a̱ slo: ―Tii ti' ma̱ tyi'i̱ ma̱ chalyuu. Ná tyacui tsa ti' ma̱ ji'i̱ lcaa cha' tso'o nu ntsu'u ji'i̱ ñati̱ nu lo'o ndi'i̱ ma̱ nde chalyuu; ná caja chalyuu chañi ca ji'na xqui'ya cha' culiya' na, ni si'i xqui'ya cha' ntsu'u quiña'a̱ tsa cha' tso'o ji'na.

SAN LUCAS 16:11

Si ná nchca cña'a̱si̱i̱ ma̱ sca cha' tso'o nu ntsu'u ji'i̱ ma̱ nde chalyuu, ni ná ta ycui' Ndyosi sca cña tso'o la cha' cua'ni ma̱ cuentya ji'i̱ ycui' Ni.

FILIPENSES 1:23

Tyucuaa lo cha' nti' na' cha' caca 'na lacua: Nti' tsa na' cha' xtyanu na' ji'i̱ chalyuu re, cha' li' taca tyi'i̱ na' lo'o Cristo, cha' bi' nu tso'o la nti' na';

COLOSENSES 3:1

Pana cu'ma̱ ni, cua ngujui chaca chalyuu cucui ji'i̱ ma̱ xqui'ya cha' cua ngua stu'ba cha' ji'i̱ ma̱ lo'o Cristo; bi' cha' lacua, xcui' na tyu'u tyiquee ma̱ ji'i̱ cua ña'a̱ ca cha' tso'o nu ndyu'u ji'i̱ Cristo lijya̱, cha' ntucua Cristo nde la'a tsu' cui̱ su tlyu su ntucua ycui' Ndyosi.

COLOSENSES 3:5

Cua'ni tye ma̱ lcaa cha' cuxi nu ndiya tsa ti' ma̱ ji'i̱ lacua: nga'aa cua'ni cuxi ma̱ lo'o clyo'o xa' ñati̱, nga'aa cua'ni ma̱ cha' suba' lo'o tya'a ñati̱ ma̱, nga'aa tyacui' ti' ma̱ ña'a̱ ma̱ ji'i̱ tya'a ñati̱ ma̱, cua'ni tye ma̱ ji'i̱ lcaa lo cha' cuxi nu ndijña tsa ti' tyiquee ma̱ cha' cua'ni ma̱ ji'i̱, nga'aa tyacui ti' ma̱ ji'i̱ scaa cha' tso'o nu ntsu'u chalyuu. Sca na nu ndacui ti' na ji'i̱ ni, stu'ba ti cuxi laca cha' bi' ñi'ya̱ nti' si cua'ni tlyu na ji'i̱ sca lcui̱ jo'ó ti;