Lo'o jua'a̱ tso'o tsa cha' nu nda yu lo'o ya cuentya ji'i̱ cña nu ndyu'ni cu'ma̱; nacui̱ yu cha' cua nti' tsa cu'ma̱ ña'a̱ loo ma̱ ji'i̱ ya chaca quiya', lo'o jua'a̱ nacui̱ yu cha' ntyuju'u ti ti' ma̱ ndi'i̱ ma̱ xqui'ya cha' cuxi nu ngua ji'i̱ ma̱ tya li', nacui̱ yu cha' nga'aa ndiya ti' ma̱ cha' cuxi nu nchcui' ngu' 'na tsubi' la. Xqui'ya lcaa cha' bi', chaa la ti' na' ndi'i̱ na' juani.
COLOSENSES 1:4 - Chatino Tataltepec4 Cua ngujui cha' ji'i̱ ya cha' tso'o tsa ngusñi ma̱ cha' ji'i̱ Jesucristo, lo'o jua'a̱ nacui̱ ngu' cha' ntsu'u tsa tyiquee ma̱ ña'a̱ ma̱ ji'i̱ lcaa ngu' tya'a ngusñi ma̱ cha' ji'i̱ ycui' Ndyosi. အခန်းကိုကြည့်ပါ။ |
COLOSENSES 1:4
18 ပူးပေါင်းရင်းမြစ်များ
Nu lo'o cua ngua stu'ba cha' ji'na lo'o Jesucristo, la cui' tyempo bi' ngua stu'ba cha' ji'na lo'o tya'a ñati̱ na; bi' cha' nga'aa chcui' na cha' ngu' judío laca ya, cha' ngu' xa' tsu' laca ma̱; nga'aa chcui' na cha' msu nu ngüi'ya ñati̱ laca ma̱, cha' ñati̱ nu ndi'i̱ tso'o ti laca na; nga'aa chcui' na cha' qui'yu laca na, cha' cuna'a̱ laca ma̱. Lcaa na, stu'ba cha' ji'na lo'o tya'a na juani.
Chcui' ma̱ lo'o ycui' Ndyosi nu lo'o nxu̱u̱ tya'a ma̱ lo'o nu cuxi, cha' jña ma̱ chacuayá' ji'i̱ Ni; lcaa tyempo xtyucua Xtyi'i ycui' Ndyosi ji'i̱ ma̱ cha' taca chcui' ma̱ lo'o Ni. Lo'o jua'a̱ chcui' ma̱ lo'o Ni cuentya ji'i̱ lcaa ñati̱ nu cua ngusñi cha' ji'i̱ Ni. Bi' cha' lacua, tii ti ti' ma̱ chcui' ma̱ lo'o Ni, cha' ná ca taja ti' ma̱.
Bi' cha' juani lu'ba ti nchcui' ya lo'o ycui' Ndyosi cuentya ji'i̱ cu'ma̱; tya lo'o ngujui cha' ji'i̱ ya cha' cua ngusñi ma̱ cha' bi', ndijña ya cha' ji'i̱ ycui' Ndyosi cha' ta Ni chacuayá' cha' caca cuayá' lyiji ti' ma̱ lcaa cha' ñi'ya̱ nu nti' Ni cha' cua'ni ma̱, cha' jua'a̱ taca culacua tso'o ti' ma̱, taca ca'ya cha' tso'o hique ma̱ xqui'ya Xtyi'i ycui' Ndyosi li'.
Ntsu'u ti' ya cha' ntsu'u tsa cha' tso'o nu ndyu'ni ma̱, cha' ntsu'u tsa tyiquee ma̱ ña'a̱ ma̱ ji'i̱ tya'a ma̱, xqui'ya cha' ngusñi ma̱ cha' ji'i̱ Jesucristo. Ndalo tsa tyiquee ma̱ xqui'ya cha' jlo ti' ma̱ cha' ntucua Jesucristo nu Xu'na na ca slo ycui' Ndyosi Sti na; bi' cha' xcui' cha' tso'o ndyu'ni ma̱, masi tlyu tsa cña.
Lo'o juani tso'o tsa ntsu'u tyiquee ya xqui'ya cu'ma̱. Cua ndyalaa Timoteo ca nde chaca quiya'; cua ndacha' yu ji'i̱ ya ñi'ya̱ ndyu'ni ma̱, cha' tya ngusñi ma̱ cha' tso'o ji'i̱ ycui' Ni, cha' ntsu'u tsa tyiquee ma̱ ña'a̱ ma̱ ji'i̱ tya'a ma̱ xqui'ya ycui' nu Xu'na na. Nacui̱ yu cha' ndube tsa ti' ma̱ ji'i̱ ya, ndu̱ tsa ti' ma̱ ni jacua' tyacua tya'a na chaca quiya'. Stu'ba ti ntsu'u tyiquee na, ¿ni jacua' tyacua tya'a na lacua?
Cu'ma̱ tya'a ngusñi na cha' ji'i̱ Jesús, ntsu'u cha' tya ya xlya'be ji'i̱ ycui' Ndyosi lcaa quiya' lo'o chcui' ya lo'o Ni cuentya ji'i̱ cu'ma̱; ndu'ni tsa cha' cua'ni ya jua'a̱, xqui'ya cha' lcaa tsa̱ tachaa la ndyanu cha' ji'i̱ Jesús ne' cresiya ji'i̱ ma̱, lcaa tsa̱ ntsu'u la tyiquee ma̱ ña'a̱ ma̱ ji'i̱ tya'a ñati̱ ma̱.
Lo'o jua'a̱ liñi tsa ndu'ni ycui' Ndyosi lo'o na. Ná cjlyaa ti' Ni lcaa cha' tso'o nu cua ndyu'ni ma̱, nu lo'o nxtyucua ma̱ ji'i̱ ngu' tya'a ngusñi na cha' ji'i̱ Jesús, cha' cua quiña'a̱ xi cña ndyu'ni ma̱ cuentya ji'i̱ ngu' bi'. Xqui'ya cha' ndyu'ni ma̱ jua'a̱, bi' cha' jlo ti' xa' ñati̱ cha' ntsu'u tsa tyiquee ma̱ ji'i̱ Jesús, cha' ña'a̱ ti tya ndyu'ni ma̱ cha' tso'o lo'o ngu' juani.
Xcui' nguna' tya ndi'i̱ na chalyuu cua tsubi' la xqui'ya qui'ya nu ntsu'u ji'na; pana juani, cua nda ycui' Ndyosi chaca chalyuu cucui ji'na, cha' tso'o ti ndi'i̱ tyiquee na juani. Ntsu'u tsa tyiquee na ña'a̱ na ji'i̱ xa' la tya'a ntsu'u cha' ji'na lo'o Jesucristo; bi' cha' taca jlo ti' na cha' cua ntsu'u chaca chalyuu cucui ji'na juani, cha' ñati̱ nu ná ntsu'u tyiquee ña'a̱ ji'i̱ tya'a ñati̱, nguna' tya ndi'i̱ ngu' chalyuu.
Ngua cuayá' ti' na li', cha' ntsu'u tsa tyiquee ycui' Ndyosi ña'a̱ Ni ji'na; jua'a̱ jlya ti' na li', cha' xcui' ntsu'u tsa tyiquee ycui' Ni ña'a̱ Ni ji'i̱ ñati̱ chalyuu. Lo'o ñati̱ nu jua'a̱ tso'o nti' ña'a̱ ngu' ji'i̱ tya'a ñati̱, nu xcui' jua'a̱ ndu'ni ngu' laja lo'o ndi'i̱ ngu' chalyuu, cua stu'ba ntsu'u tyiquee ngu' bi' lo'o ycui' Ndyosi; la cui' jua'a̱ stu'ba ntsu'u tyiquee ycui' Ndyosi lo'o ngu' bi' li'.
ကြော်ငြာတွေ