COLOSENSES 1:3 - Chatino Tataltepec

³ Nu lo'o nchcui' ya lo'o ycui' Ndyosi Sti Jesucristo nu Xu'na na cuentya ji'i̱ cu'ma̱, lu'ba ti ndya ya xlya'be ji'i̱ ycui' Ndyosi xqui'ya cu'ma̱.

COLOSENSES 1:3 ပူးပေါင်းရင်းမြစ်များ

ROMANOS 15:6

Lo'o ngua stu'ba cha' ji'i̱ ma̱ lo'o tya'a ma̱, li' sca ti cha' taca tyu'u tyiquee ma̱, sca ti cha' taca tyu'u tu'ba ma̱ lo'o cua'ni tlyu ma̱ ji'i̱ ycui' Ndyosi Sti na, nu laca Sti Jesucristo nu Xu'na na.

1 CORINTIOS 1:4

Lcaa tsa̱ nda na' xlya'be ji'i̱ ycui' Ndyosi xqui'ya cu'ma̱, cha' cua nda Ni cha' tso'o lo'o ma̱ xqui'ya Jesucristo.

2 CORINTIOS 1:3

Cua'ni tlyu na ji'i̱ ycui' Ndyosi nu laca Sti Jesucristo nu Xu'na na, xqui'ya cha' tya'na ti' Ni ña'a̱ Ni ji'na, lo'o jua'a̱ nxtyucua tsa Ni ji'na lo'o ndyacua cua ña'a̱ ca cha' ti'í ji'na.

EFESIOS 1:15

Cua ndyuna na' ñi'ya̱ nu ndyu'ni ma̱ tya lo'o ngusñi tso'o ma̱ cha' ji'i̱ Jesús nu Xu'na na; nacui̱ ngu' cha' ntsu'u tsa tyiquee ma̱ ña'a̱ ma̱ ji'i̱ ñati̱ tya'a ngusñi ma̱ cha' ji'i̱ ycui' Ndyosi.

EFESIOS 6:18

Chcui' ma̱ lo'o ycui' Ndyosi nu lo'o nxu̱u̱ tya'a ma̱ lo'o nu cuxi, cha' jña ma̱ chacuayá' ji'i̱ Ni; lcaa tyempo xtyucua Xtyi'i ycui' Ndyosi ji'i̱ ma̱ cha' taca chcui' ma̱ lo'o Ni. Lo'o jua'a̱ chcui' ma̱ lo'o Ni cuentya ji'i̱ lcaa ñati̱ nu cua ngusñi cha' ji'i̱ Ni. Bi' cha' lacua, tii ti ti' ma̱ chcui' ma̱ lo'o Ni, cha' ná ca taja ti' ma̱.

FILIPENSES 4:6

Ni sca cha' ná culacua tsa ti' ma̱ ji'i̱, pana jña ma̱ cha' ji'i̱ ycui' Ndyosi cuentya ji'i̱ cua ña'a̱ ca cha' nu tyacua xi ji'i̱ ma̱. Lo'o jua'a̱ ta ma̱ xlya'be ji'i̱ ycui' Ndyosi cha' jua'a̱ ndyaca cha' ji'i̱ ma̱, nu lo'o chcui' ma̱ lo'o ycui' Ni.

COLOSENSES 1:13

Na cua ngua'ni lyaá Ni ji'na, cua ngua'ni tye Ni ji'i̱ chalyuu talya su nguta'a̱ na, lo'o jua'a̱ cua ngulu'u Ni chaca tyucui̱i̱ ji'na nu tsaa ca chalyuu tso'o su laca Cristo loo ji'na. Sñi' ycui' Ndyosi laca Cristo, lo'o jua'a̱ tyaca'a tsa yu ji'i̱ ycui' Ni;

COLOSENSES 1:9

Bi' cha' juani lu'ba ti nchcui' ya lo'o ycui' Ndyosi cuentya ji'i̱ cu'ma̱; tya lo'o ngujui cha' ji'i̱ ya cha' cua ngusñi ma̱ cha' bi', ndijña ya cha' ji'i̱ ycui' Ndyosi cha' ta Ni chacuayá' cha' caca cuayá' lyiji ti' ma̱ lcaa cha' ñi'ya̱ nu nti' Ni cha' cua'ni ma̱, cha' jua'a̱ taca culacua tso'o ti' ma̱, taca ca'ya cha' tso'o hique ma̱ xqui'ya Xtyi'i ycui' Ndyosi li'.

1 TESALONICENSES 1:2

Lcaa quiya' lo'o nchcui' ya lo'o ycui' Ndyosi cuentya ji'i̱ cu'ma̱, ndya ya xlya'be ji'i̱ ycui' Ni li'.

2 TIMOTEO 1:3

Ñi'ya̱ nu tyucui tyiquee jyo'o cusu' ji'na ngua'ni ngu' cña ji'i̱ ycui' Ndyosi nu ngua sa'ni la, jua'a̱ tyucui tyiquee na' ndyu'ni na' cña ji'i̱ ycui' Ndyosi juani. Ndya na' xlya'be ji'i̱ ycui' Ni lo'o nchcui' na' lo'o Ni cuentya jinu'u̱, cha' tsa̱ lo'o talya nchcui' na' lo'o Ni.