APOCALIPSIS 9:20 - Chatino Tataltepec

²⁰ Pana ña'a̱ ti tya ngua'ni ngu' cha' cuxi, nu ñati̱ nu ná ngujuii lo'o quicha bi'; ná nguxtyanu ngu' cha' cuxi nu ndu'ni ngu'. Ña'a̱ ti tya ndyu'ni tlyu ngu' ji'i̱ cui'i̱ cuxi, jua'a̱ ji'i̱ lcui̱ jo'ó nu ndya' lo'o oro, masi jo'ó ndya' lo'o plata, masi jo'ó ndya' lo'o chcua̱ ngatsi, masi jo'ó ndya' lo'o quee, masi jo'ó ndya' lo'o yaca ti; ña'a̱ ti ndyu'ni tlyu ngu' ji'i̱ jo'ó nu ná nchca ji'i̱ ña'a̱ ji'na, ni ná nduna cha' nu nchcui' na, ni ná nchca ji'i̱ jo'ó bi' tya'a̱.

APOCALIPSIS 9:20 ပူးပေါင်းရင်းမြစ်များ

SAN MATEO 21:32

Nu lo'o ñaa jyo'o Juan bi' ni, xcui' cha' liñi nchcui' yu lo'o ma̱. Liñi tsa ngua'ni yu, pana ná ngua'ni cuentya ma̱ tsiya' ti ji'i̱ cha' nu nchcui' yu lo'o ma̱. Lo'o nu ngu' cuxi nu nxñi cñi cña loo ngu' ni, cua ndaquiya' ngu' bi' ji'i̱ cha' nu nchcui' Juan bi' li'; jua'a̱ nu cuna'a̱ calle bi', ndaquiya' ngu' ji'i̱ cha' nu nchcui' Juan. Masi cua na'a̱ ma̱ ñi'ya̱ jlya ti' nu ngu' cuxi tyiquee bi' cha' nu ngulu'u Juan, ná nchca caca tyuju'u ti' ma̱ ji'i̱ qui'ya nu ntsu'u ji'i̱ ycui' ca ma̱, xqui'ya cha' ná ngusñi ma̱ cha' nu nchcui' Juan bi' tsiya' ti.

LOS HECHOS 17:29

Si chañi cha' ycui' Ndyosi laca tya'a na ―nacui̱ Pablo ji'i̱ ngu'―, ná taca chcui' na cha' laca Ni sca lcui̱, masi lcui̱ oro, masi lcui̱ plata, masi lcui̱ quee ndu̱. Na ndiñá ti ñati̱ chalyuu lcui̱ bi' ñi'ya̱ nu nda'ya cha' hique ti ngu' cha' cuiñá ngu' ji'i̱.

LOS HECHOS 19:26

Lo'o juani cua na'a̱ ma̱ cha' ndya'a̱ nu Pablo bi' quichi̱ tyi na re, lo'o jua'a̱ ndya'a̱ yu nde lcaa quichi̱ loyuu su cuentya Asia re. Cua ndyuna ma̱ cha' nu nclyu'u yu bi' ji'i̱ ngu', cha' ná tso'o cua'ni tlyu ngu' ji'i̱ jo'ó nu ndiñá ñati̱ ti; si'i ycui' Ndyosi laca jo'ó bi', nacui̱ Pablo. Lo'o nu juani ntsu'u tsa ngu' quichi̱ re nu ngusñi cha' nu nchcui' yu bi'.

LOS HECHOS 7:41

Li' ngüiñá ngu' sca toro cuañi' lo'o oro cha' caca bi' jo'ó ji'i̱ ngu'. Ndyujuii ngu' bata ca slo jo'ó bi' ji'i̱ ngu', cha' ta ngu' msta̱ ji'i̱ jo'ó, cha' cua'ni tlyu ngu' ji'i̱ jo'ó bi'. Chaa tsa ti' ngu' lo'o na'a̱ ngu' ji'i̱ jo'ó nu ngüiñá ycui' ca ngu' ji'i̱.

2 CORINTIOS 12:21

Nu lo'o tyalaa na' chaca quiya' ca slo ma̱ juani ti, si quije cha' jna' cha' jua'a̱ ndu'ni ma̱, ná tyiquee' quiña'a̱ tsa cha' tyuju'u ti' caca 'na cuentya ji'i̱ ycui' Ndyosi nu laca Xu'na na', nu lo'o ña'a̱ na' ji'i̱ cu'ma̱. Xi'ya tsa na' li', ña'a̱ cuayá' xñii hitya cloo na'; xi'ya na' xqui'ya ngu' nu ngua'ni cha' cuxi bi' tya tsubi' la, cha' bilya ca tyuju'u ti' ngu' bi' ji'i̱ cha' suba' nu ngua'ni ngu', cha' ntsu'u tsa cha' cuxi nu ndyu'ni ngu' lo'o tya'a ngu', cha' ná lubii cresiya ji'i̱ ngu' bi' tsiya' ti.

1 TIMOTEO 4:1

Xqui'ya Xtyi'i ycui' Ndyosi nchca cuayá' ti' na ñi'ya̱ caca tyempo nde loo la, cha' ntsu'u ñati̱ nu cua ngusñi tyucui̱i̱ ji'i̱ Jesucristo nquicha', lo'o li' tyu'utsu' ngu' bi' tyucui̱i̱ ji'i̱ ycui' nu Xu'na na. Xtyanu ñati̱ bi' ji'i̱ Ni li', cha' cñilo'o cui'i̱ cuxi nu ndu'ni cña cuentya ji'i̱ nu xña'a̱ ji'i̱ ngu'; tyiji̱loo cui'i̱ cuxi bi' ji'i̱ ngu' bi' li'.

APOCALIPSIS 15:1

Ngutu'u tucua chaca cuayá' tlyu nde cua̱ li'. Ndube tsa ti' na' lo'o na'a̱ na' ji'i̱, cha' ndu̱ cati tya'a xca̱ ji'i̱ ycui' Ndyosi nu ndu̱ lo'o cati tya'a quicha nu caca su cua tye ti chalyuu. Lo'o cua ndye ngua quicha bi' chalyuu, li' cati̱ cha' ñasi̱' ycui' Ni.

APOCALIPSIS 16:8

Lo'o li' ndyaa xca̱ nu nchca jacua, ndyaa ngusalú na nu ntsu'u ne' ca'ña ji'i̱ lo cuichaa; tyique' tsa ndyaca li', cha' cua nda ycui' Ndyosi chacuayá' ji'i̱ cuichaa cha' chumi̱' hichu̱' ñati̱.

APOCALIPSIS 9:19

Nde tyuu tu'ba ni', lo'o jua'a̱ nde lo xtyi'i̱ ni', ndacua ndyiji juersa ji'i̱ ni' cha' cua'ni ni' cha' cuxi; taca ji'i̱ ni' ta cha' ti'í ji'i̱ ñati̱ lo'o xtyi'i̱ ti ni' cha' ntucua ltsu' lo xtyi'i̱ ni', ñi'ya̱ nu ntsu'u ji'i̱ cuaña.

APOCALIPSIS 9:21

Lo'o jua'a̱ ná ntaja'a̱ ngu' cua'ni tye ngu' cha' ndujuii ngu' ji'i̱ tya'a ñati̱ ngu', ni ná ndye cha' ndu'ni cucha'a̱ ngu', ni ná ndye cha' ndu'ni suba' ngu' lo'o xa' nu cuna'a̱, ni ná ndye cha' ntyucuaana ngu'.