APOCALIPSIS 9:15 - Chatino Tataltepec

¹⁵ Lo'o jua'a̱ ngua li'. Nu lo'o ngulaá nu jacua tya'a ngu' xca̱ bi', hora ti ngutu'u ndyaa xca̱ bi', cha' cujuii ji'i̱ sa cla'be ñati̱ tyucui ña'a̱ chalyuu. Cua laca ndu̱ yala xca̱ bi' cha' cujuii ji'i̱ ngu' lo'o caca la cui' hora, masi la cui' tsa̱, masi la cui' co', masi la cui' yija̱ cha' cua'ni Ni cña bi'.

APOCALIPSIS 9:15 ပူးပေါင်းရင်းမြစ်များ

APOCALIPSIS 20:7

Lo'o tye nu sca mil yija̱ bi', li' tyu'u Satanás ne' chcua̱ su ngutu'ú yu nchcube' yu,

APOCALIPSIS 8:10

Li' ngula'á xca̱ nu nchca tyuna lo'o cui'chcua̱ ji'i̱; hora ti ndyalú sca cuii tlyu nu ntsu'u nde cua̱, nu ndyaqui̱ ñi'ya̱ ndyaqui̱ quityee. Ndyú cuii bi' ngua'ya nde lo hitya sta'a̱, nde su ntyucua hitya tyucui ña'a̱ chalyuu. Li' ngunu'u̱ sa cla'be hitya tso'o nu ntsu'u chalyuu.

APOCALIPSIS 8:7

Li' ngula'á xca̱ nu nchca clyo lo'o cui'chcua̱ ji'i̱ yu; hora ti ndyalú tyo quee lo'o quii' nde lo yuu li'. Lo'o ndyalú bi' hichu̱' ñati̱, li' ndyalú tañi ngu'. Sa cla'be chalyuu ndye ndyaqui̱ li', jua'a̱ ndyaqui̱ sa cla'be yaca ndu̱, ndye ndyaqui̱ sa cla'be su quii ji'i̱ ngu'.

APOCALIPSIS 8:8

Li' ngula'á xca̱ nu nchca tyucuaa lo'o cui'chcua̱ ji'i̱; hora ti ndyacua̱ sca ca'ya cua̱, ña'a̱ tsaca chu̱' ca'ya ndyaqui̱ ngua'ya nde lo tyujo'o. Li' sa cla'be ti hitya tyujo'o ngua tañi,

APOCALIPSIS 8:9

sa cla'be ti na lu'ú nu ntsu'u lo hitya tyujo'o ngujuii, sa cla'be lcaa yaca ni'i̱ nu ntsu'u chalyuu ndye nguti̱ li'.

APOCALIPSIS 9:10

Lo'o jua'a̱ ntucua xtyi'i̱ ni' ñi'ya̱ ntucua xtyi'i̱ chuni'i̱; la cui' jua'a̱ ntucua ltsu' xtyi'i̱ ni', cha' lo'o xtyi'i̱ ni' xcube' ni' ji'i̱ ñati̱ chalyuu ña'a̱ cuayá' tye ca'yu co'.

APOCALIPSIS 9:18

Sa cla'be ti ñati̱ chalyuu ngujuii xqui'ya quicha nu nguxtyanu quii' bi', nu nguxtyanu sñii bi', nu nguxtyanu sñii ngatsi nu chiya'a̱ tsa xtyi'i bi'; la cui' quicha nu ndu'u tyuu tu'ba cuayu laca bi'.

APOCALIPSIS 9:5

Ná ngua ji'i̱ ni' cujuii ni' ji'i̱ ñati̱, sca ti cha' ti'í tsa xcube' ni' ji'i̱ ngu' sa ca'yu co' ti; ñi'ya̱ lo'o ndacu chuni'i̱ ji'na, jua'a̱ ti'í tsa xcube' tscu' bi' ji'i̱ ngu'.