APOCALIPSIS 6:9 - Chatino Tataltepec9 Lo'o li' nu nchca ca'yu quiya' ngusuu nu ñi'ya̱ ña'a̱ xlya' bi' nguiña' nu nga'a̱ tu'ba quityi bi'. Li' na'a̱ na' sca mesa tlyu nde loo su ntucua ycui' Ndyosi, mesa bi' laca nu tyucua msta̱ lo. Nde ne' mesa bi' ntsiya tyu̱u̱ tya'a ngu' nu ngujuii; cua ndyujuii ñati̱ ji'i̱ ngu' bi' xqui'ya cha' nu nda ycui' Ndyosi lo'o ngu' bi', cha' ná ntsi̱i̱ ngu' bi' nchcui' ngu' cha' bi' lo'o tya'a ñati̱ ngu' li'. အခန်းကိုကြည့်ပါ။ |
APOCALIPSIS 6:9
21 ပူးပေါင်းရင်းမြစ်များ
Jlo ti' na' cha' si'i cha' xca ti laca nu ngua'ni ma̱ lo'o ngusñi ma̱ cha' ji'i̱ ycui' Ndyosi; quiña'a̱ tsa na nguxtyanu ma̱, tyu̱u̱ quiya' cua nda ma̱ tyucui ña'a̱ ma̱ cha' caca ma̱ cña ji'i̱ Cristo, xqui'ya cha' cua ngusñi ma̱ cha' ji'i̱ Ni. Lo'o juani lo'o na' ni, cujuii ngu' 'na, nti' na'; chcuna' chalyuu 'na jua'a̱ ti cuentya ji'i̱ cu'ma̱. Pana ná ntsi̱i̱ na'; masi jua'a̱ caca 'na, chaa tsa ti' na' ndi'i̱i̱. Lo'o jua'a̱ nti' na' cha' ca chaa ti' cu'ma̱, cha' stu'ba ti ca chaa ti' na' lo'o cu'ma̱.
Ná ca tyuju'u ti' nu'u̱; ta nu'u̱ cha' lo'o ngu', ñi'ya̱ nu ngusñi nu'u̱ cha' ji'i̱ ycui' nu Xu'na na. La cui' ti ná ca tyuju'u ti' nu'u̱ cha' ntsu'u na' ne' chcua̱. Nchcube' ngu' jna' xqui'ya cha' nchcui' na' cha' ji'i̱ ycui' nu Xu'na na, bi' cha' ná quiña'a̱ tsa culacua ti' nu'u̱ si lo'o jinu'u̱ xcube' ngu' cha' nchcui' nu'u̱ cha' tso'o ji'i̱ Jesucristo lo'o ngu'. Ta ycui' Ndyosi juersa ji'na cha' talo na,
Lo'o jua'a̱ ntsu'u cha' tsaa ma̱ slo lcaa tya'a sñi' ycui' Ndyosi nu cua ndyalo'o Ni ji'i̱ ndejua tya sa'ni la, cha' cua nscua xtañi jyo'o bi' lo quityi ji'i̱ ycui' Ndyosi nde cua̱. Tso'o tsa ntsu'u tyiquee ngu' bi' ca su ndyu'u ti'i̱ ngu'. Na cua tsaa ti ma̱ la cui' slo ycui' Ndyosi nu ndu'ni cuayá' ji'i̱ lcaa ñati̱, ca su ndi'i̱ lcaa ñati̱ jyo'o nu lubii cresiya ji'i̱ xqui'ya Jesús, cha' cua ndyaca cucui tyucui ña'a̱ ngu'.
Juan laca na', tya'a ntsu'u cha' ji'na lo'o Jesús laca na'. Ñi'ya̱ nu ndyaca ji'i̱ cu'ma̱, la cui' jua'a̱ ndyaca jna', cha' stu'ba ti ndyiji cha' ti'í ji'na cuentya ji'i̱ Jesús; pana jlya ti' na cha' Cristo laca loo ji'na juani, bi' cha' ndalo na ji'i̱ cha' ti'í nu tyacua ji'na. Nde cha' nu ngua 'na lo'o ndi'i̱ na' loyuu su naa Patmos, sca yuu piti ti nu nscua cla'be hitya. Ca bi' ntsu'u na' ne' chcua̱, xqui'ya cha' ná ntsi̱i̱ na' nchcui' na' cha' ji'i̱ ycui' Ndyosi lo'o ñati̱; nchcui' na' lcaa cha' tso'o nu cua nda Jesús lo'o na.
Li' ndyuna na' cha' nu nchcui' ñati̱ nde su ntucua mesa su ndyaqui̱ msta̱: ―Ndyosi Xu'na ya ―nacui̱ ngu'―, ycui' nu'u̱ ni, lcaa cña nchca jinu'u̱ ―nacui̱ ngu'―. Liñi tsa ndyu'ni nu'u̱ lo'o nchcube' nu'u̱ ji'i̱ ñati̱ bi' jua'a̱; chañi tsa cha' nu nchcui' nu'u̱ ji'i̱ ñati̱ bi', cha' cuxi tsa cña ndu'ni ngu' bi'.
Li' ngutu̱ sti̱' na' ngustii na' nde loo su ndu̱ xca̱ bi', cha' cua'ni tlyu na' ji'i̱ ngua ti' na', pana nga'aa nda bi' chacuayá' 'na: ―Nga'aa cua'ni nu'u̱ jua'a̱ lo'o na' ―nacui̱ nu xca̱ bi' 'na―. La cui' tya'a ndyu'ni na cña ji'i̱ ycui' Ni laca na. La cui' tya'a na' laca lcaa cu'ma̱ nu ngusñi tso'o ma̱ cha' tso'o nu cua nda Jesús lo'o ma̱. Ji'i̱ ycui' Ndyosi cua'ni tlyu nu'u̱ tso'o la ―nacui̱ xca̱ jna'. Nu cha' tso'o nu nda Jesús lo'o ñati̱, la cui' cha' laca nu nda ycui' Ndyosi lo'o ñati̱ nu laca tu'ba ji'i̱ Ni.
Cua jlo ti' na' lcaa ña'a̱ nu ndu'ni ma̱, nacui̱ Ni. Jlo ti' na' cha' laca Satanás loo ca su ndi'i̱ cu'ma̱; pana masi jua'a̱ laca cha', tya tso'o tsa nxñi ma̱ cha' 'na, nacui̱ Ni. Bilya tya'a̱chu̱' ma̱ ji'i̱ cha' jna'; ña'a̱ ti jlya ti' ma̱ 'na, masi tyempo cuxi nu ngua li', nu lo'o ndyujuii ngu' ji'i̱ jyo'o Antipas. Ná ndyutsi̱i̱ yu bi', nchcui' yu cha' 'na ca quichi̱ tyi ma̱ su ntucua Satanás loo.
Lo'o li' na'a̱ na' su ntucua tyu̱u̱ tya'a yaca xlya tlyu. Ndyuloo na' ji'i̱ ngu' nu ntucua lo yaca xlya bi', cha' laca ngu' nu ntsu'u chacuayá' ji'i̱ cua'ni cuayá' ji'i̱ ñati̱ chalyuu. Laja ngu' nu ntucua bi' na'a̱ na' ji'i̱ ñati̱ chalyuu nu cua ndyujuii tya'a ñati̱ ji'i̱, xqui'ya cha' ná ntsi̱i̱ ngu' cacha' liñi ngu' cha' tso'o ji'i̱ tya'a ñati̱, cha' nu cua nda Jesús lo'o na cuentya ji'i̱ ycui' Ndyosi Sti yu. Ná ngua'ni tlyu jyo'o bi' ji'i̱ na'ni chiya'a̱ ña'a̱ bi', la cui' ti ná ngua'ni tlyu ngu' ji'i̱ lcui̱ ji'i̱ na'ni bi', jua'a̱ ná ngua'a̱ cuayá' na'ni bi' nde tyaca̱a̱ ngu', nde chu̱' ya' ngu'; cua ndyu'ú ngu' bi' chaca quiya', lo'o juani laca ngu' cña lo'o Cristo ca su ntucua ycui' Ndyosi ña'a̱ cuayá' tyu'u scua sca mil yija̱.
Li' ya̱a̱ chaca yu xca̱ nu ndyi'ya cuu oro lijya̱. Ya̱a̱ bi' ngutu̱ to' mesa su ntucua msta̱, la cui' mesa nu ndu̱ nde loo su ntucua yaca xlya tlyu. Cua ngujui quiña'a̱ yana jo'ó ji'i̱ yu cha' taqui̱ yu lo mesa su ntucua msta̱ bi'. La cui' tyempo nu lo'o nchcui' ngu' lo'o ycui' Ndyosi, lcaa ñati̱ nu ntsu'u cha' ji'i̱ lo'o ycui' Ndyosi ni, bi' tyempo laca nu ndyaqui̱ yana jo'ó bi'.
ကြော်ငြာတွေ