APOCALIPSIS 6:7 - Chatino Tataltepec

⁷ Lo'o li' nu nchca jacua quiya' ngusuu nu ñi'ya̱ ña'a̱ xlya' bi' nguiña' nu nga'a̱ tu'ba quityi bi'. Ndyuna na' nchcui' na'ni tacati nu nchca jacua li': ―Cua̱a̱ clya nu'u̱ ca nde ―nacui̱ ni'.

APOCALIPSIS 6:7 ပူးပေါင်းရင်းမြစ်များ

SAN MATEO 27:66

Li' ndu'u ngu' nu laca loo bi', ndyaa ngu' lo'o sca taju sendaru ji'i̱ ngu', ndacu̱' tachaa ngu' to' cuaá bi' lo'o sca lo nguiña' tacalya nu ntsu'u sello ji'i̱, cha' ná cala' ngu' tsiya' ti quee tonu nu ndyacu̱' to' cuaá bi'. Li' nguxtyanu ngu' ji'i̱ taju sendaru bi' cajua, cha' tyi'i̱ ngu' cua̱ to' cuaá bi'.

APOCALIPSIS 4:7

Na'ni nu nchca clyo bi', ñi'ya̱ ña'a̱ cuichi ña'a̱ ni'; na'ni nu nchca tyucuaa bi', ñi'ya̱ ña'a̱ toro cuañi' ña'a̱ ni'; na'ni nu nchca tyuna bi', ñi'ya̱ ña'a̱ saca' ñati̱, jua'a̱ ña'a̱ saca' ni'; na'ni nu nchca jacua bi', ñi'ya̱ ña'a̱ cua'ya ndyacui, jua'a̱ ña'a̱ ni'.

APOCALIPSIS 6:1

Li' na'a̱ na' cha' ngusuu nu ñi'ya̱ ña'a̱ xlya' bi' sca nguiña' nu nga'a̱ tu'ba quityi bi'. Ndyuna na' nchcui' sca na'ni tacati bi' li'. Lye tsa nguañi nchcui' ni' ñi'ya̱ lo'o ndañi nchcui' tyi'yu: ―Cua̱a̱ clya nu'u̱ ca nde ―nacui̱.

APOCALIPSIS 6:3

Lo'o li' ngusuu nu ñi'ya̱ ña'a̱ xlya' bi' chaca nguiña' nu nga'a̱ to' quityi bi'. Ndyuna na' nchcui' na'ni tacati nu nchca tyucuaa li': ―Cua̱a̱ clya nu'u̱ ca nde ―nacui̱.

APOCALIPSIS 6:5

Lo'o li' nu nchca tyuna quiya' ngusuu nu ñi'ya̱ ña'a̱ xlya' bi' nguiña' nu nga'a̱ to' quityi. Ndyuna na' cha' nu nchcui' na'ni tacati nu nchca tyuna li': ―Cua̱a̱ clya nu'u̱ ca nde ―nacui̱. Li' na'a̱ na' ndu̱ sca cuayú nu ngata ña'a̱; sca' cuayá' ndacui ya' ñati̱ nu ntucua hichu̱' cuayu bi'.