APOCALIPSIS 6:11 - Chatino Tataltepec

¹¹ Lo'o ti ngujui late' ngati̱ cacu' lcaa jyo'o bi', li' nchcui' ycui' Ndyosi lo'o ngu' bi': ―Xa' xtyii cña' ma̱ tya xi ca, ña'a̱ cuayá' tyalaa tyu̱u̱ tya'a jyo'o ngu' tya'a ma̱, tya'a ngusñi ma̱ cha' ji'i̱ Jesús, tya'a ndyu'ni ma̱ cña ji'i̱ Ni; tya cujuii ñati̱ chalyuu ji'i̱ ngu' bi' ñi'ya̱ lo'o cua ndyujuii ngu' ji'i̱ cu'ma̱ ―nacui̱ Ni.

APOCALIPSIS 6:11 ပူးပေါင်းရင်းမြစ်များ

SAN MATEO 10:21

’Tii ti ti' ma̱ tyi'i̱ ma̱ lacua, cha' lo'o tya'a ngula ma̱ tsaa lo'o ji'i̱ ma̱ cha' cuiñi ti sta qui'ya ji'i̱ ma̱ slo ngu' tyaala bi'; lo'o jua'a̱ cujuii cuañi' sti ma̱ ji'i̱ ma̱. Hasta sñi' ma̱, cujuii cuañi' ngu' ji'i̱ cu'ma̱ nu laca ma̱ sti ngu' xtya'a̱ ngu' slo ngu' tyaala bi'; hasta cujuii ngu' ji'i̱ ma̱ nti' nu sube bi'.

SAN LUCAS 15:22

Li' nacui̱ ycui' nu cusu' ji'i̱ msu: “Yaa clya ma̱ culo ma̱ late' nu tso'o la cha' xacu' ma̱ ji'i̱ yu re. Sta ma̱ sca cui' sne ya' yu, su'ba ma̱ caña quiya' yu.

SAN JUAN 16:2

masi ná ta ngu' chacuayá' ji'i̱ ma̱ cha' tsaa ma̱ ne' laa ji'i̱ ngu' li' ―nacui̱ Jesús―. Tyalaa sca tyempo nu culacua ti' ngu' cha' cña tacati cua'ni ngu' si cujuii ngu' ji'i̱ ngu' tya'a ma̱.

LOS HECHOS 20:24

Pana ná ntsi̱i̱ na' xqui'ya cha' nu nchcui' ngu' bi', ná ndu'ni cha' jna' masi cujuii ngu' jna'. Sca ti cha' nti' na', cha' tso'o ti tye cña nu nda ycui' Jesús jna', cha' ta na' cha' tso'o ji'i̱ ycui' Ndyosi lo'o xa' ñati̱, cha' ntsu'u tsa tyiquee Ni ña'a̱ Ni ji'i̱ ñati̱ chalyuu.

2 TESALONICENSES 1:7

Nga'aa cua'ni lya' ti' ngu' ji'na tsiya' ti lo'o tyu'u tucua ycui' Jesús nu Xu'na na nde cua̱. Laja xee tlyu tya̱a̱ Jesús li'; stu'ba ti ca̱a̱ Ni lo'o quiña'a̱ tsa ngu' xca̱ ji'i̱ Ni, cha' tlyu tsa cña nchca ji'i̱ xca̱ bi' nu ndu'ni ngu' cuentya ji'i̱ ycui' Ndyosi.

2 TIMOTEO 4:7

Cua ngusu̱u̱ tya'a na' lo'o nu cuxi; cua ndye nguta'a̱ na' tyucui̱i̱ ji'i̱ Jesucristo, bi' cha' cua tyalaa ti na' ca slo ycui' Ndyosi. Nu cha' tso'o nu cua ngusñi na' ni, cua ndyanu tso'o cha' bi' ne' cresiya 'na,

HEBREOS 11:40

xqui'ya cha' tso'o la cha' nu ngua'ya hique ycui' Ni ñi'ya̱ cua'ni Ni lo'o lcaa tya'a na juani, cha' lo'o cuentya ji'na ngulacua ti' Ni. Ngua ti' Ni cha' caca na ñati̱ nu tyucui tyiquee na stu'ba ti lo'o ngu' bi', lcaa na lo'o jyo'o cusu' bi' caca na ñi'ya̱ nu ngua ti' Ni cha' caca na li'.

HEBREOS 12:23

Lo'o jua'a̱ ntsu'u cha' tsaa ma̱ slo lcaa tya'a sñi' ycui' Ndyosi nu cua ndyalo'o Ni ji'i̱ ndejua tya sa'ni la, cha' cua nscua xtañi jyo'o bi' lo quityi ji'i̱ ycui' Ndyosi nde cua̱. Tso'o tsa ntsu'u tyiquee ngu' bi' ca su ndyu'u ti'i̱ ngu'. Na cua tsaa ti ma̱ la cui' slo ycui' Ndyosi nu ndu'ni cuayá' ji'i̱ lcaa ñati̱, ca su ndi'i̱ lcaa ñati̱ jyo'o nu lubii cresiya ji'i̱ xqui'ya Jesús, cha' cua ndyaca cucui tyucui ña'a̱ ngu'.

HEBREOS 4:10

Masi tye cña ji'na nde chalyuu, tsaa na ca slo ycui' Ndyosi, li' taca tyi'i̱ tso'o ti na lo'o Ni ca bi', ñi'ya̱ nu nguti'i̱ ycui' Ndyosi lo'o ngua'ni tye Ni cña ji'i̱ Ni lo'o ngua tsa̱ nchca cati bi'.

APOCALIPSIS 10:6

Li' nchcui' xca̱ bi': ―Chacuayá' ji'i̱ ycui' Ndyosi nu ná tye tsiya' ti yija̱ ji'i̱ Ni, bi' laca cha' nu nchcui' na' re ―nacui̱ xca̱ bi'―. Ycui' Ni laca nu ngüiñá lcaa na nu ntsu'u nde cua̱, jua'a̱ ngüiñá Ni lcaa na nu ntsu'u nde lo yuu chalyuu, jua'a̱ ngüiñá Ni lcaa na nu ntsu'u lo tyujo'o. Ndi'ya̱ nchcui' cha' nu nda Ni: Nga'aa tiya' tsa nacui̱ ycui' Ndyosi cha' ca̱a̱ Ni cha' cua'ni cuayá' Ni ji'i̱ ñati̱ chalyuu;

APOCALIPSIS 13:15

Lo'o li' ngujui chacuayá' ji'i̱ nu chaca na'ni bi', cha' culatu'u cui'i̱ cha' tya̱a̱ xtyi'i lo lcui̱ ji'i̱ na'ni nu ya̱a̱ clyo bi'; ngua ji'i̱ lcui̱ chcui' lo'o ñati̱ li', ngua ji'i̱ cujuii ji'i̱ lcaa ñati̱ nu ná ntaja'a̱ cua'ni tlyu ji'i̱.

APOCALIPSIS 14:13

Li' ndañi xtyi'i ca su ntucua ycui' Ndyosi, nchcui' sca ñati̱ lo'o na': ―Scua clya nu'u̱ cha' re: “Tso'o tsa caca tyiquee ñati̱ nu ndyijii laja lo'o ndyu'ni ngu' cña ji'i̱ ycui' Ndyosi nu Xu'na na tyempo nde loo la”. La cui' jua'a̱ laca cha' nu nda Xtyi'i ycui' Ndyosi lo'o ma̱. Nacui̱ cha' ca bi' tyi'i̱ cña' ñati̱ bi' li', cha' tso'o tsa cña nu ngua'ni ngu' lo'o ya̱a̱ ngu' chalyuu; ndiya ti' Ni cña nu ngua'ni ngu', bi' cha' tyi'u ti' ycui' Ndyosi ji'i̱ cña nu cua ngua'ni ngu' bi' li' ―nacui̱ Ni jna'.

APOCALIPSIS 17:6

Li' na'a̱ na' cha' lye tsa ndyu'ni nu cuna'a̱ bi'; ñi'ya̱ ndu'ni sca nu cu'bi, jua'a̱ ndyu'ni nu cuna'a̱ bi', xqui'ya cha' cua ndyujuii bi' ji'i̱ ñati̱ ji'i̱ ycui' Ndyosi, ndyujuii ji'i̱ ñati̱ nu ná ntsi̱i̱ nchcui' liñi cha' ji'i̱ Jesús nde chalyuu. Lo'o cua na'a̱ na' ji'i̱ nu cuna'a̱ bi', quiña'a̱ tsa cha' ngulacua ti' na' li'.

APOCALIPSIS 7:14

―Ná jlo ti' na', Cusu'. Culu'u nu'u̱ xi jna' ―ni na' ji'i̱. Nchcui' nu cusu' lo'o na' li': ―Cua nteje tacui ca ti cha' lye tsa nchcube' ñati̱ bi', xqui'ya cha' ngusñi ngu' cha' ji'i̱ Jesús ―nacui̱ nu cusu' jna'―. Cua laca lacu' ngu' late' ngati̱; cua ngua lubii ne' cresiya ji'i̱ ngu' laca cha' bi', xqui'ya cha' cua ngujuii nu ñi'ya̱ ña'a̱ xlya' bi' lo crusi cuentya ji'i̱ ngu'.

APOCALIPSIS 7:9

Tiya' la li' na'a̱ na' ndu̱ tsa tlyu ti ñati̱ nu cua ngua'ni lyaá Jesús ji'i̱; quiña'a̱ tsa ñati̱ nga'a̱, bi' cha' ná tucui ngua ji'i̱ culacua ji'i̱ ñati̱ bi'. Tyucui ña'a̱ chalyuu mala su ndi'i̱ ñati̱ ngutu'u ngu' ya̱a̱ ngu'; lcaa lo ñati̱ chalyuu ya̱a̱, cha' cua ña'a̱ ca quichi̱ tyi ngu' ngutu'u ngu', cua ña'a̱ ca lo cha'cña nu nchcui' ñati̱ chalyuu nchcui' ngu' bi'. Ndyatu̱ ngu' nde loo su ntucua yaca xlya tlyu, nde loo su ndu̱ nu ñi'ya̱ ña'a̱ xlya' bi'. Late' ngati̱ lacu' ngu', ntucua laca' nguiña ya' ngu' ndu̱ ngu'.