APOCALIPSIS 3:19 - Chatino Tataltepec

¹⁹ Lcaa ñati̱ nu tyaca'a tsa 'na, ndaca'a na' xi ji'i̱ ngu', nchcube' na' xi ji'i̱ ngu'. Cua'ni clya ma̱ lacua, cha' culochu̱' ma̱ cha' cuxi nu ndyu'ni ma̱.

APOCALIPSIS 3:19 ပူးပေါင်းရင်းမြစ်များ

SAN MATEO 25:7

Hora ti ngue ti' lcaa ngu' cuna'a̱ bi' li', ngusi'yu ngu' nchcubi' ntucua lo mecha ji'i̱ candil ji'i̱ ngu', lo'o cua su'ba ti ngu' xa' setye ne' candil bi'.

SAN JUAN 2:17

Li' ndyi'u ti' nu ngu' nu ndyaca tsa'a̱ bi' ji'i̱ sca cha' nu nscua lo quityi ji'i̱ ycui' Ndyosi cua sa'ni la: “Caca ñu'u̱ ti' na' cha' tiji̱' tsa ti' na' ji'i̱ ni'i̱ su laca tyi nu'u̱”, nacui̱ quityi bi'.

ROMANOS 12:11

Ná cua'ni taja ma̱ lo'o cua'ni ma̱ cña ji'i̱ ycui' Ndyosi; na cua ndyanu Xtyi'i ycui' Ndyosi ca ne' cresiya ji'i̱ ma̱, bi' cha' caca tlyu tyiquee ma̱ cha' cua'ni la ma̱ cña bi'.

1 CORINTIOS 11:32

Nchca tyaala Ni ji'na juani, lo'o jua'a̱ nchcube' Ni ji'na xqui'ya cha' cuxi nu ndyu'ni na, cha' tiya' la lo'o cua ndye chalyuu ná tsaa na ca bilyaa lo'o ñati̱ nu ná ndaquiya' ji'i̱ Ni tsiya' ti.

2 CORINTIOS 6:9

Ntsu'u quiya' ndu'ni ngu' cha' ndyuloo ngu' ji'i̱ ya; xa' la quiya', li' ndu'ni ngu' cha' ná nslo ngu' ji'i̱ ya tsiya' ti. Ntsu'u quiya' ndya'a̱ ya su cua cajaa ti ya nchca, pana ña'a̱ ti tya lu'ú ya; nchcube' tsa ngu' ji'i̱ ya, pana ná nchca cujuii ngu' ji'i̱ ya.

2 CORINTIOS 7:11

Culacua xi ti' ma̱ ñi'ya̱ ndyaca ji'i̱ ma̱ juani, tya lo'o ngua'ni na' cha' ngua xñi'i̱ ti' ma̱ nu ngua li': tyucui tyiquee ma̱ nclyacua ti' ma̱ juani, cha' cua nti' tsa ma̱ juani cha' tyu'u lubii ma̱ ji'i̱ cha' bi'; tsa cla'be ngua ñasi̱' ma̱, tsa cla'be ti ndyutsi̱i̱ ma̱, pana ndyi'u tsa ti' ma̱ jna' li', ña'a̱ cuayá' nu lye tsa ngua ti' ma̱ cha' ña'a̱ loo ma̱ 'na chaca quiya'; yala ti ngua ti' ma̱ chcube' ma̱ ji'i̱ yu nu ngua'ni cha' cuxi bi'. Jua'a̱ nchca cuayá' ti' ya cha' nga'aa ndyanu yabe' ji'i̱ ma̱ xqui'ya cha' cuxi bi'.

GÁLATAS 4:18

Tso'o tsa si lo'o xa' la ñati̱ culu'u ngu' la xi cha' liñi ji'i̱ ma̱, si ntsu'u cha' tso'o tyiquee ngu' ña'a̱ ngu' ji'i̱ ma̱. Tso'o si jua'a̱ caca tyucui tyempo, masi ndi'i̱ na' lo'o ma̱, masi ná ndi'i̱ na'.

TITO 2:14

Nu lo'o nda Jesús chacuayá' cha' ndyujuii ngu' ji'i̱, nda yu tyucui ña'a̱ ycui' ca yu cha' taca clyaá na ji'i̱ nu cuxi. Ngua'ni lubii Ni ji'i̱ cresiya ji'na li' cha' caca na ñati̱ ji'i̱ Ni, cha' tyaja'a̱ na cua'ni na xcui' cha' tso'o li'.

SANTIAGO 1:12

Tso'o caca tyiquee ñati̱ nu ña'a̱ ti nxñi cha' ji'i̱ Jesús, masi tyacua cua ña'a̱ ca cha' ti'í ji'i̱ ngu'. Tso'o si talo ngu' tyiquee', ña'a̱ cuayá' tye cha' ti'í bi' ji'i̱ ngu', cha' caja chalyuu nu ná nga'a̱ cha' tye ji'i̱ ngu' bi' li'; bi' laca cha' tso'o nu cua nacui̱ Ni cha' ta Ni ji'i̱ ñati̱ nu ntsu'u tsa tyiquee ña'a̱ ji'i̱ ycui' Ni.

APOCALIPSIS 2:5

Bi' cha' juani cua'ni clya ma̱ cha' tyi'u ti' ma̱ ñi'ya̱ nu tso'o tsa ntsu'u tyiquee ma̱ ña'a̱ ma̱ jna', nu lo'o ngusñi ma̱ cha' 'na tya clyo; lo'o juani ña'a̱ ti nga'a̱ cha' cua'ni ma̱ la cui' cha' tso'o bi' chaca quiya'. Si ná tyaja'a̱ ma̱ cua'ni ma̱ jua'a̱, li' ca̱a̱ na' ca̱qui'ya̱ ji'i̱ candyeru ji'i̱ ma̱ ca su ntucua bi', tyalo'o na' ji'i̱, nacui̱ Ni.