APOCALIPSIS 3:17 - Chatino Tataltepec

¹⁷ Quiña'a̱ tsa cha' ntsu'u ji'i̱ ya, nacui̱ ma̱. Cua ngujui sca chalyuu tso'o ji'i̱ ya, bi' cha' nga'aa ntsu'u cha' nu lyiji ji'i̱ ya, nacui̱ ma̱. Pana ná nda ma̱ cuentya cha' tya'na tsa ma̱ nti' na' ña'a̱ na' ji'i̱ ma̱. Tso'o la si ca tyuju'u ti' ma̱, nti' na', cha' nga'aa ntsu'u cha' ji'i̱ ma̱ tsiya' ti; ntsu'u tsa cha' nu lyiji ji'i̱ ma̱ nti' na' ña'a̱ na' ji'i̱ ma̱, bi' cha' ná nchca culacua tso'o ti' ma̱ tsiya' ti.

APOCALIPSIS 3:17 ပူးပေါင်းရင်းမြစ်များ

SAN MATEO 5:3

―Tso'o ntsu'u tyiquee ñati̱ si jlo ti' cha' sca ti lo'o ycui' Ndyosi caca cua'ni ngu' cha' tso'o ―nacui̱ Jesús―. Caca ycui' Ndyosi loo ne' cresiya ji'i̱ ngu' bi', pana ná caca ji'i̱ ngu' si jua'a̱ ti ngu'.

SAN MATEO 9:12

Pana ndyuna Jesús cha' nu nda ngu' bi', bi' cha' nchcui' ycui' yu lo'o ngu' li': ―Ngu' nu ná quicha ni, ná ntsu'u cha' caca jo'o ji'i̱ ngu' bi' ―nacui̱ Jesús ji'i̱ ngu'―. Sca ti ji'i̱ ñati̱ quicha ntsu'u cha' caca jo'o.

SAN LUCAS 1:53

Cua ngua'ni Ni cha' tyaala' ti' ñati̱ nu lyiji tsa cha' tso'o ji'i̱, pana ngulo Ni cña cha' nga'aa caja la cha' culiya' ji'i̱ ngu' culiya'.

SAN LUCAS 6:24

’Pana tya'na tsa cu'ma̱ ngu' culiya'; masi chaa tsa ti' ma̱ nquicha', cua laca ti tyempo caca chaa ti' ma̱ ―nacui̱―.

ROMANOS 11:20

Chañi cha' ji'i̱ ma̱. Pana ndi'ya̱ laca cha': cua ngulotsu' ycui' Ndyosi ji'i̱ ngu' judío ji'i̱ yaca bi', xqui'ya cha' ná ngusñi ngu' cha' ji'i̱ Ni; pana cu'ma̱ ni, xqui'ya cha' ngusñi ma̱ cha' ji'i̱ ycui' Ni, bi' ti cha' cua ngujui chacuayá' ji'i̱ ma̱ cha' xñi ca'a̱ ma̱ ji'i̱ yaca bi' ca su ntucua ma̱ juani. Bi' cha' ná ntsu'u cha' cua'ni tyucuaa ti' ma̱ lo'o ngu' judío bi'. Culacua tso'o ti' ma̱ xi.

ROMANOS 11:25

Cu'ma̱ ngu' tya'a ntsu'u cha' ji'na lo'o Cristo, nti' na' cha' caca cuayá' ti' ma̱ cha' tucui re, sca cha' ji'i̱ ycui' Ndyosi nu ntsu'u cuatsi' ti nquicha'; lo'o caca cuayá' ti' ma̱ cha' re, nga'aa chcui' ma̱ cha' tyixi lo'o ngu' judío li'. Ndi'ya̱ laca cha': Quiña'a̱ tsa tya'a ngu' judío ntsu'u nu ndyacu̱' hique ngu' tsiya' ti, cha' ná caca cuna ngu' cha' ji'i̱ Jesús; ña'a̱ cuayá' nu tye cuna lcaa ngu' xa' tsu' nu nga'a̱ cha' xñi cha' ji'i̱ Jesús,

ROMANOS 12:3

Tlyu tsa cha' tso'o nu ngua'ni ycui' Ndyosi lo'o na', nu lo'o nda Ni cña jna'; bi' cha' nchcui' tsa na' lo'o ma̱ juani, cha' nga'aa cua'ni tyucuaa ti' ma̱ lo'o xa' ñati̱. Nga'a̱ cha' culacua ti' ma̱ cha' lcaa cña nu cua nchca ji'i̱ ma̱ juani, Cristo ngua'ni cha' caca ji'i̱ ma̱, nu lo'o ngusñi ma̱ cha' ji'i̱ Ni.

ROMANOS 7:24

Xñi'i̱ tsa ti' na' lacua. ¿Tilaca caca ji'i̱ cua'ni lyaá ji'i̱ tyucui ña'a̱ na', cha' nga'aa cua'ni na' cha' cuxi jua'a̱? Cua chcuna' ti chalyuu 'na xqui'ya cha' cuxi nu ntsu'u ne' cresiya 'na.

2 PEDRO 1:9

Pana si ná ndu'ni ma̱ lcaa lo cha' bi', si ná ndi'i̱ tso'o ma̱ jua'a̱, laca ma̱ ñi'ya̱ laca sca nu cuityi̱' nu ndacu̱' ycui' ca ti yu cloo yu. Nga'aa nti' yu cuityi̱' bi' tyi'u ti' yu ñi'ya̱ ngua'ni lubii ycui' Ndyosi ne' cresiya ji'i̱ yu, nu lo'o ngüityi̱ Ni cha' cuxi nu ntsu'u ne' cresiya ji'i̱ yu.

APOCALIPSIS 16:15

“Cua'a̱ jyaca̱ ma̱”, nacui̱ Jesús, “tsiya' ca tyu'u tucua na' tya̱a̱ na' ñi'ya̱ nti' sca nu cuaana. Tso'o caca tyiquee ñati̱ nu tii ti ti' tyi'i̱ chalyuu, xqui'ya cha' ngusñi ngu' cha' jna'; nga'aa ca tyuju'u ti' ngu' bi' slo ñati̱ lo'o tyalaa hora nu tya̱a̱ na' li'.” Jua'a̱ nacui̱ Jesús ji'i̱ ñati̱ ji'i̱ Ni.

APOCALIPSIS 2:9

Jlo ti' na' lcaa ña'a̱ nu ndu'ni cu'ma̱, nacui̱ Ni. Jlo ti' na' cha' lye tsa ndyu'ni lya' ti' ngu' ji'i̱ ma̱, cha' ti'i tsa ma̱ cuentya ji'i̱ ngu' bi', masi liñi la ñacui̱ na cha' ntsu'u tsa cha' tso'o ji'i̱ cu'ma̱ cuentya jna', nacui̱ Ni. Lo'o jua'a̱ jlo ti' na' cha' cuxi tsa nchcui' ngu' ji'i̱ ma̱. Nacui̱ ngu' cha' sñi' ycui' Ndyosi laca ycui' ngu'; pana sca cha' ndu'ni ti ngu' laca cha' bi', cha' stu'ba ntsu'u cha' ji'i̱ ngu' bi' lo'o Satanás, nacui̱ Ni.

APOCALIPSIS 3:16

Ñi'ya̱ laca si co'o na hitya nu conu' ti chcatsu̱, ni si'i na tyique', ni si'i na tyacala', na conu' ti chcatsu̱ bi'; ná tso'o ndyi'yu bi', salú na ji'i̱ nde lo yuu, nga'aa co'o na ji'i̱. Jua'a̱ laca cu'ma̱ cuentya jna', cha' sa cla'be ti ná ngusñi ma̱ cha' 'na.