APOCALIPSIS 21:27 - Chatino Tataltepec

²⁷ pana ni sca cha' cuxi ná taca tyatí̱ quichi̱ bi'. Lcaa ñati̱ nu ndu'ni suba' lo'o nu cuna'a̱, jua'a̱ ngu' cuiñi, ná caja chacuayá' tyatí̱ ngu' ca quichi̱ bi'; ñati̱ nu ntsu'u xtañi lo quityi nu ntucua ya' nu ñi'ya̱ ña'a̱ xlya' bi', nu ndacha' tilaca laca nu ná nga'a̱ cha' tye chalyuu ji'i̱, bi' ti ñati̱ laca nu caja chacuayá' ji'i̱ tyalaa ca quichi̱ bi'.

APOCALIPSIS 21:27 ပူးပေါင်းရင်းမြစ်များ

SAN MATEO 13:41

Tsa̱ bi', na' nu cua lijya̱a̱ cha' caca na' ñati̱, ta na' ji'i̱ xca̱ 'na cha' xuti'i̱ xca̱ bi' ji'i̱ lcaa ñati̱ nu ngulu'u qui'i̱ ji'i̱ tya'a cha' cua'ni ngu' cha' cuxi; tyu'u ti'i̱ lcaa ñati̱ nu cuxi tyiquee, cha' ná ntsu'u chacuayá' tyanu ngu' bi' ca su laca ycui' Ndyosi loo.

SAN MARCOS 7:2

Ndube ti' ngu' bi', cha' ntsu'u ngu' nu ndyaca tsa'a̱ ji'i̱ Jesús nu ndacu tyaja masi bilya tyaati̱ ya' ngu' ñi'ya̱ lo'o nclu'u mstru cha' jo'ó ji'i̱ ngu' cha' cua'ni ngu'.

SAN LUCAS 10:20

Pana ná ntsu'u cha' ca chaa ti' ma̱ cha' ndaquiya' cui'i̱ cuxi bi' ji'i̱ cña nu ngulo ma̱ ji'i̱, tso'o la ca chaa ti' ma̱ cha' cua nscua xtañi ma̱ ca su ntucua ycui' Ndyosi nde cua̱.

EFESIOS 5:5

Sca cha' chañi tsa laca re: Ñati̱ nu jua'a̱ xcui' cha' cuxi ndu'ni ni, ná caja chacuayá' tyaa ngu' bi' ca su ntucua ycui' Ndyosi lo'o Cristo ca tiya' la, nu lo'o caca Ni loo; ñati̱ nu xcui' cha' ji'i̱ nu cuna'a̱ ntsu'u tyiquee ngu', ñati̱ nu ndu'ni suba', ñati̱ nu ndacui ti', ná caja chacuayá' tyaa ngu' bi' ca su ntucua Ni. Nu ndacui ti' na ji'i̱ sca cha' ni, laca cha' ntsu'u tsa tyiquee na ji'i̱ cha' bi', ñi'ya̱ lo'o ntsu'u tyiquee na ña'a̱ na ji'i̱ sca jo'ó.

FILIPENSES 4:3

Lo'o nu'u̱ nu tso'o tsa tya'a ndya'a̱ na cña, cua nti' na' cha' xtyucua nu'u̱ ji'i̱ tyucuaa ma' cusu' bi', cha' taca ca tso'o tyiquee ngu' bi' lo'o tya'a ngu'. Tyucuaa ma' cusu' bi' cua ngua'ni tsa ngu' cña cha' cañi la cha' tso'o ji'i̱ Jesús nquicha'; stu'ba ti ngua'ni ngu' bi' cña lo'o na', lo'o Clemente, lo'o xa' la ngu' tya'a ndya'a̱ ya cña. Cua nscua xtañi lcaa ngu' bi' lo quityi ji'i̱ ycui' Ndyosi, nu nscua xtañi ñati̱ nu caja chalyuu nu ná nga'a̱ cha' tye ji'i̱.

1 TIMOTEO 1:10

xqui'ya ñati̱ nu ndu'ni suba' lo'o nu cuna'a̱, xqui'ya nu cuna'a̱ nu ndu'ni suba' lo'o nu qui'yu, xqui'ya nu qui'yu nu ndu'ni suba' lo'o tya'a qui'yu ti, xqui'ya ñati̱ nu ntucuaana ji'i̱ tya'a ñati̱ cha' tsalo'o ji'i̱ ngu' jua'a̱ ti, xqui'ya nu cuiñi, xqui'ya ñati̱ nu nchcui' cha' cuiñi slo ngu' tisiya. Nda ycui' Ndyosi cha' cusu' bi', cha' jua'a̱ ca cuayá' ti' lcaa ñati̱ nu ná nti' taquiya' ji'i̱ cua ña'a̱ ca cha' nu liñi ca nu nclu'u na cuentya ji'i̱ ycui' Ndyosi.

HEBREOS 12:14

Cua'ni cña ti' ma̱ cha' tso'o ti tyi'i̱ ma̱ lo'o lcaa ñati̱, cua'ni ma̱ cha' caca lubii cresiya ji'i̱ ma̱; ni tsaca na, ná caca ña'a̱ na ji'i̱ ycui' Ndyosi si tya lyiji caca lubii cresiya ji'na.

2 PEDRO 3:13

Pana xa' cuiñá Ni chaca chalyuu cucui, lo'o jua'a̱ cuiñá Ni lcaa lo na nu ntsu'u nde cua̱; cuiñá Ni sca chalyuu nu tso'o tsa ña'a̱, su xcui' tso'o ti cua'ni ngu' lo'o tya'a ngu' li'. Jua'a̱ nacui̱ Ni cha' caca; jlo ti' na cha' jua'a̱ caca bi', xqui'ya cha' xcui' cha' liñi nchcui' ycui' Ni. Bi' cha' ndu̱ ti' na ji'i̱ cha' bi' lacua.

APOCALIPSIS 13:8

lcaa ñati̱ tyucui ña'a̱ chalyuu cua'ni tlyu ngu' ji'i̱ na'ni bi' li', si ná nscua xtañi ngu' lo quityi ji'i̱ ycui' Ndyosi. Nu ngua tya clyo la lo'o tya lyiji cuiñá Ni chalyuu, tya li' nguscua Ni xtañi ñati̱ nu ná nga'a̱ cha' tye chalyuu ji'i̱. Cua ndyanu quityi bi' cuentya ji'i̱ nu ñi'ya̱ ña'a̱ xlya' nu cua ndyujuii ñati̱ ji'i̱ tsaca quiya'.

APOCALIPSIS 20:12

Lo'o li' na'a̱ na' cha' ca bi' ndi'i̱ lcaa ñati̱ nu cua ngujuii, masi ngu' cusu', masi ngu' cuañi', ndi'i̱ ngu' nde loo yaca xlya su ntucua tlyu ycui' Ni. Cua nchcana quityi li', lo'o jua'a̱ cua nchcana nu chaca quityi bi'; lo quityi bi' cua nscua xtañi ñati̱, lcaa ñati̱ nu cua ngujui chalyuu nu ná nga'a̱ cha' tye ji'i̱, cha' cua ndyu'ú ngu' chaca quiya'. Li' cuentya ji'i̱ quityi nu nguscua ycui' Ni, ngua'ni cuayá' Ni ji'i̱ lcaa ñati̱ nu cua ngujuii bi', cha' lo quityi bi' cua laca nscua lcaa cña nu ngua'ni ngu' lo'o ya̱a̱ ngu' chalyuu.

APOCALIPSIS 20:15

Lo'o li' xcua̱a̱ Ni ji'i̱ cua ña'a̱ ca ñati̱ nu ná nscua xtañi lo quityi ji'i̱ ycui' Ni, tyaa ngu' nde lo tayu' ca su ntsu'u quii' bi', cha' ndacha' quityi bi' tilaca laca ñati̱ nu ná nga'a̱ cha' tye chalyuu ji'i̱.

APOCALIPSIS 21:8

Pana lcaa ñati̱ nu ntsi̱i̱ tsa cha' tyu'u cha' ji'i̱ lo'o na', jua'a̱ ñati̱ nu ná ndaquiya' jna' tsiya' ti, jua'a̱ nu chiya'a̱ tsa ndu'ni, jua'a̱ nu ndujuii ji'i̱ tya'a ñati̱, jua'a̱ nu ndu'ni suba' lo'o nu cuna'a̱, jua'a̱ nu cucha'a̱, jua'a̱ ñati̱ nu jlya tsa ti' ji'i̱ cha' cucha'a̱, jua'a̱ ñati̱ nu ndu'ni tlyu ji'i̱ lcui̱ jo'ó, jua'a̱ nu cuiñi, lcaa ngu' bi' tyaa ngu' ca lo tayu' tlyu ca su ntsu'u quii' nu ndyaqui̱ lo'o yuu sufri. Lcaa ngu' nu cua ndyaa nde tayu' bi' ni, cua ndyaa ngu' nde chalyuu talya; cua ndye cha' ngujuii ngu' tsiya' ti li'.

APOCALIPSIS 3:5

cha' xcui' ngati̱ tsa late' cacu' ñati̱ nu cua ntiji̱loo ji'i̱ nu xña'a̱, nacui̱ Ni. Nga'aa cuityi̱ na' xtañi ngu' bi' ji'i̱ quityi ca su nscua xtañi ñati̱ nu ngujui chalyuu cucui ji'i̱ jua'a̱. Lo'o tyalaa na' ca su ntucua ycui' Sti na' lo'o ngu' xca̱ ji'i̱ Ni, li' ñacui̱ na' ji'i̱ Ni cha' ñati̱ 'na laca ngu' bi', nacui̱ Ni.