Jua'a̱ ngua cha' taca ca cuayá' ti' na cha' liñi tsa laca lcaa cha' nu cua nchcui' jyo'o cusu' nu ngua tu'ba ji'i̱ ycui' Ndyosi cua sa'ni la. Tso'o si taquiya' na ji'i̱ cha' bi', cha' ñi'ya̱ laca sca xee ndubi nu tso'o tsa ntyiji'i̱ xee su talya ña'a̱, jua'a̱ laca cha' ji'i̱ Jesús bi'. Culu'u bi' tyucui̱i̱ tso'o su nga'a̱ cha' tsaa na ña'a̱ cuayá' nu quixee tsa̱ bi'. Li' tyu'u tucua sca cuii tlyu nu ntyucua nde nguxee; bi' laca ñi'ya̱ laca Cristo, cha' nda yu xee nu tyu'ú ne' cresiya ji'na.
APOCALIPSIS 2:28 - Chatino Tataltepec28 Lo'o jua'a̱ ta na' sca xee nu tyu'ú ne' cresiya ji'i̱ ngu' ñi'ya̱ laca sca cuii tlyu nu ntyucua nde nguxee, nacui̱ Ni. အခန်းကိုကြည့်ပါ။ |
APOCALIPSIS 2:28
5 ပူးပေါင်းရင်းမြစ်များ
Cu'ma̱ ngu' tya'a na nu tyaca'a tsa ma̱ 'na, nu juani ti laca na sñi' ycui' Ndyosi; pana bilya caja cha' ji'na ñi'ya̱ nu tso'o la ña'a̱ na, nu lo'o tyi'i̱ na lo'o ycui' Ni nde loo la. Ñi'ya̱ laca ycui' Jesucristo, jua'a̱ caca na lo'o culu'u loo Jesucristo ji'na lo'o cua ndye chalyuu re; li' taca ña'a̱ na ji'i̱ Jesucristo ñi'ya̱ nu laca ycui'. Tsa bi' ti cha' nchca cuayá' ti' na juani.
Xa' nchcui' Jesús li': ―Cua nda na' xca̱ 'na cha' ca̱a̱ ca su ndi'i̱ taju ñati̱ cu'ma̱ macala laca su ntsu'u quichi̱ tyi ma̱. Na' laca̱ nu tya'a ñati̱ ji'i̱ jyo'o David, nu ñati̱ tlyu nu cua ya̱a̱ chalyuu nu ngua sa'ni. Ñi'ya̱ laca xee nu nda cuii tlyu nu ntyucua nde cuxee, jua'a̱ laca xee nu ta na' cha' tyu'u ne' cresiya ji'i̱ ñati̱ ―nacui̱ Jesús.
ကြော်ငြာတွေ