Ngua ti' ycui' Ndyosi culu'u Ni ji'na ñi'ya̱ ña'a̱ xcube' Ni ji'i̱ ñati̱ cuxi, cha' ca cuayá' ti' na cha' nguula tsa cña nu ndu'ni Ni. Ndalo tsa tyiquee Ni ji'i̱ ñati̱ cuxi bi', masi cua ntsu'u tsa chacuayá' ji'i̱ ycui' Ndyosi cha' ca ñasi̱' Ni ji'i̱ ngu', cha' jua'a̱ cuityi̱ Ni ji'i̱ ngu' tsiya' ti.
APOCALIPSIS 2:21 - Chatino Tataltepec21 Cua ntajatya tsa na' ji'i̱ nu cuna'a̱ bi', ni jacua' culochu̱' ji'i̱ cha' cuxi nu ntsu'u ji'i̱; pana ná ntaja'a̱ ma' bi' xtyanu ma' cha' suba' nu ndu'ni ma'. အခန်းကိုကြည့်ပါ။ |
APOCALIPSIS 2:21
9 ပူးပေါင်းရင်းမြစ်များ
Ná ntaja'a̱ ngu', ná ndaquiya' ngu' jyo'o bi' ji'i̱ ycui' Ndyosi cua sa'ni la lo'o nguti'i̱ ngu' chalyuu. Ntsu'u xi ngu' jyo'o bi' nu nguti'i̱ tyempo lo'o ngüiñá jyo'o Noé yaca ni'i̱ bi'. Ngujuatya ycui' Ndyosi ji'i̱ ngu' bi', ngua ti' Ni cha' taquiya' ngu' bi' ji'i̱ Ni, lo'o ná ntaja'a̱ ngu' bi' tsiya' ti; bi' cha' snu' tya'a ti ñati̱ ngulaá ne' yaca ni'i̱ bi' lo'o ngua'ya tyo clyaa tyempo bi'.
Tyi'u ti' ma̱ cha' ndalo tsa tyiquee ycui' Ndyosi ña'a̱ Ni ji'na, cua nda tsa Ni tyempo ji'na cha' clyaá na ji'i̱ nu cuxi. Jua'a̱ Pablo tya'a na ni, la cui' tya'a cha' nguscua yu lo quityi; ñati̱ tya'a tso'o na laca yu bi', lo'o jua'a̱ tso'o tsa nchcui' quityi nu nguscua yu nu cua ndyalaa slo ma̱. Ycui' Ndyosi laca nu ngulu'u ji'i̱ yu lcaa ña'a̱ cha' tso'o nu nguscua yu lo quityi bi'.
Si'i na tiya' tsa ti' ycui' Ndyosi cha' cua'ni Ni cña nu nacui̱ Ni cha' cua'ni ycui' Ni nde loo la; pana na ntajatya tsa Ni ji'na ñati̱ chalyuu na, cha' ná nti' Ni cha' chcuna' ni sca ñati̱ ji'i̱ ycui' Ni. Nti' tsa Ni cha' ca cuayá' ti' lcaa ñati̱ cha' ntsu'u cha' cuxi ji'i̱ ngu'; lo'o li' ca tyuju'u ti' ngu' ji'i̱ cha' cuxi bi', culochu̱' ngu' ji'i̱ cha' cuxi bi' li'. Jua'a̱ caca ji'i̱ ngu' nti' ycui' Ndyosi.
Tyu̱u̱ tya'a ñati̱ ngua quicha li', cha' nguula tsa tyique' nda bi'. Li' nguxana ngu', lye tsa nxlyú ngu' cha' hichu̱' ycui' Ndyosi, cha' ycui' Ni laca nu ngulo cña cha' ya̱a̱ quicha bi'; pana ná ntaja'a̱ ngu' tsiya' ti culochu̱' ngu' ji'i̱ cha' cuxi nu ntsu'u ji'i̱ ngu', cha' li' cua'ni tlyu ngu' ji'i̱ ycui' Ndyosi.
ကြော်ငြာတွေ