APOCALIPSIS 18:6 - Chatino Tataltepec

⁶ Xcube' Ni ji'i̱ ngu' bi' li'; la cui' ñi'ya̱ lo'o cua nguxcube' ngu' ji'i̱ ma̱, jua'a̱ xcube' Ni ji'i̱ ngu' bi', masi tucua quiya' ta Ni cha' ti'í ji'i̱ ngu' quichi̱ bi'. Lye tsa ndyu'ni lya' ti' ngu' bi' ji'i̱ xa' ñati̱, bi' cha' cua'ni yala Ni cha' tucua quiya' xcube' Ni ji'i̱ ngu'.

APOCALIPSIS 18:6 ပူးပေါင်းရင်းမြစ်များ

2 TIMOTEO 4:14

Alejandro, nu cuityi chcua̱ bi' ni, lye tsa ngua'ni lya' ti' yu 'na; cuxi tsa cña ngua'ni yu lo'o na'. Cua jlo ti' ycui' nu Xu'na na lcaa cha' bi', jua'a̱ tya ta Ni cha' cuxi ji'i̱ yu bi'.

APOCALIPSIS 13:10

Si lo'o nscua cha' tsalo'o ngu' ji'i̱ tsaca ma̱ ne' chcua̱, jua'a̱ caca lacua. Ná cutsi̱i̱ ma̱ li'. Si lo'o nscua cha' cujuii ñati̱ ji'i̱ tsaca ma̱, masi lo'o maxtyi, jua'a̱ caca lacua. Ná cutsi̱i̱ ma̱ li'. Ndu'ni cha' talo tsaa tyiquee na ji'i̱ cha' cuxi; ndu'ni cha' lcaa tsa̱ taquiya' na ji'i̱ ycui' Ndyosi si ntsu'u cha' ji'na lo'o Ni nde chalyuu.

APOCALIPSIS 14:10

xcube' Ni ji'i̱ ngu' bi', cha' lye tsa ngunasi̱' Ni. Tyaqui̱ ngu' bi' lo'o sca quii' tlyu nu nguxa' lo'o yuu sufri su ña'a̱ nu ñi'ya̱ ña'a̱ xlya' bi' ji'i̱ ngu'; jua'a̱ lcaa xca̱ nu cuentya ji'i̱ Ni ña'a̱ ji'i̱ ngu' bi' li'.

APOCALIPSIS 16:19

Ti'í tsa ngutsu yuu su nscua quichi̱ tlyu, nu quichi̱ Babilonia bi'; sna yu'be ngua quichi̱ bi' li'. Lo'o jua'a̱ nguti̱ lcaa quichi̱ tonu nu ndi'i̱ xa' chalyuu, cha' ndyi'u ti' Ni nchcube' Ni ji'i̱ ngu' quichi̱ tlyu bi'; tlyu tsa cha' ti'í ngua'ni ycui' Ndyosi lo'o ngu' bi', cha' ñasi̱' tsa Ni ji'i̱ ngu'.

APOCALIPSIS 17:2

Quiña'a̱ tsa cha' suba' ndyu'ni ngu' nu laca loo nde chalyuu, cha' tyu̱u̱ tsa tya'a jo'ó ntsu'u ji'i̱ ngu' xqui'ya ngu' quichi̱ tlyu bi'; jua'a̱ ngunu'u̱ tyiquee ñati̱ tyucui ña'a̱ chalyuu xqui'ya cha' suba' nu ndyu'ni ngu' bi'.

APOCALIPSIS 17:4

Late' cuaa ña'a̱, late' nga'a catsi ña'a̱ lacu' nu cuna'a̱ bi'; chu̱' late' bi' ndacui quiña'a̱ tsa chcua̱ tso'o lo'o quee ndubi lo'o xa' la quee nu quiña'a̱ tsa nga'a̱. Ntucua sca tasa oro ya' nu cuna'a̱ bi'; ne' bi' ntsu'u lcaa lo cha' cuxi, lcaa lo cha' suba' nu cua ngua'ni nu cuna'a̱ bi' ya̱a̱ nde chalyuu.

APOCALIPSIS 18:20

Pana cacha' na' ji'i̱ ma̱ juani, cu'ma̱ nu ndi'i̱ ca su ntucua ycui' Ndyosi nde cua̱, cua'ni ma̱ cha' ca chaa tsa ti' ma̱ lo'o tyalaa hora cati̱ quichi̱ bi'; lo'o jua'a̱ cu'ma̱ ñati̱ chalyuu nu ntsu'u cha' ji'i̱ ma̱ lo'o ycui' Ndyosi, lo'o cu'ma̱ ñati̱ nu ngua'a̱loo Ni ji'i̱ ma̱ cha' cua'ni ma̱ cña ji'i̱ Ni, lo'o cu'ma̱ nu laca ma̱ tu'ba ji'i̱ ycui' Ndyosi cha' nchcui' Ni lo'o ñati̱, cua'ni ma̱ cha' ca chaa tsa ti' ma̱ cha' liñi tsa ndu'ni Ni lo'o xcube' Ni ji'i̱ ngu' quichi̱ bi', xqui'ya cha' xña'a̱ tsa ngua'ni ngu' bi' lo'o ma̱.