APOCALIPSIS 18:14 - Chatino Tataltepec

¹⁴ Chcui' ngu' nu ndujui' yu'ba bi' lo'o ngu' quichi̱ bi' li': ―Cua ndye nguliji lcaa cha' tso'o nu ndacui tsa ti' ma̱ ji'i̱; jua'a̱ cua ndye cha' culiya' ji'na, cua ndye lcaa lo na nu tso'o ña'a̱ ji'na ―ñacui̱ ngu'―. Nga'aa quije cha' tso'o bi' ji'na juani.

APOCALIPSIS 18:14 ပူးပေါင်းရင်းမြစ်များ

SAN MATEO 11:8

¿Ni cha' laca ndyaa ma̱ cajua lacua? ¿Ha na'a̱ ma̱ ji'i̱ sca nu qui'yu nu tso'o tsa ña'a̱ ste' yu? Si'i jua'a̱, cha' nu ngu' nu lacu' ste' tso'o tsa ña'a̱ ni, ndi'i̱ ngu' bi' slo ngu' culiya' nu laca loo.

SAN LUCAS 12:20

Li' nchcui' ycui' Ndyosi lo'o yu: “Tonto tsa nclyacua ti' nu'u̱. Talya ndyi ti cajaa nu'u̱”, nacui̱ Ni ji'i̱ nu culiya' bi'. “¿Ti ji'i̱ tyanu lcaa cha' tso'o nu cua nguxco'o ca ti nu'u̱, cha' caja jinu'u̱ nquicha'?” nacui̱ Ni ji'i̱ nu culiya' bi'.

SAN LUCAS 16:25

Li' nacui̱ jyo'o Abraham ji'i̱: “Sñi'”, nacui̱, “tso'o tsa ngua hi̱ lo'o nguti'i̱ nu'u̱ nde chalyuu. Lo'o Lázaro re ni, si'i jua'a̱ ngua ji'i̱ yu, cha' lye tsa nchcube' yu su nguti'i̱ yu chalyuu. Bi' cha' caja su tso'o tyi'i̱ yu ca nde juani; lo'o nu'u̱ ni, nga'a̱ cha' chcube' nu'u̱.

1 CORINTIOS 10:6

Lo'o jua'a̱ na, taca tyi'u ti' na ñi'ya̱ nu ngua'ni jyo'o cusu' bi' nu ngua sa'ni. Ná tso'o si xcui' na tyu'u tyiquee na ji'i̱ cha' cuxi, cha' la cui' jua'a̱ ngua'ni ngu' bi' tya li'.

SANTIAGO 4:2

Si ntsu'u sca cha' nu tiji̱' tsa ti' ma̱ ji'i̱, lo'o ná ntsu'u chacuayá' cha' caja cha' bi' ji'i̱ ma̱, li' nti' ma̱ cujuii ma̱ ji'i̱ ñati̱, cha' jua'a̱ taca caja cha' bi' ji'i̱ ma̱, nti' ma̱. La cui' jua'a̱ si ndacui tsa ti' ma̱ ji'i̱ sca na nu ná nchca caja ji'i̱ ma̱, li' nchcui' ma̱ cha' ti'í ji'i̱ nu ca ji'i̱ na bi', nxu̱u̱ tya'a ma̱ lo'o ngu' bi' li'. Pana ná ndyiji na nu nti' ma̱ caja ji'i̱ ma̱, xqui'ya cha' ná ndijña ma̱ cha' bi' ji'i̱ ycui' Ndyosi su clyo;

APOCALIPSIS 18:13

jua'a̱ canelya, lo'o lcaa lo xtyi'i nu tyu'u lo na cacu na, masi yana jo'ó nguxa' ti, masi yana jo'ó ycui' nu ngati̱ ti, masi taná ji'i̱ yaca mirra nu tyixi xtyi'i, nga'aa cui'ya ngu' ji'i̱; lo'o jua'a̱ lcaa lo xa' la yu'ba nu ndujui' ñati̱, masi vino, masi setye nu tyu'u lo na cacu na, masi catyá xlyá, masi nscua', masi bata, masi xlya', masi cuayu, jua'a̱ carreta nu ntyojolaqui cuayu, masi msu nu ndyi'ya ñati̱, masi tyucui ña'a̱ tsaca ñati̱ chalyuu na, nga'aa caca caya' bi'.

APOCALIPSIS 18:15

Lo'o jua'a̱ nu ngu' culiya' bi' ni, ngu' nu ngujui cha' culiya' ji'i̱ lo'o ndyu'ni ngu' ngana nde lquichi̱ bi', tyijyu' ti tsatu̱ ngu', cha' tyutsi̱i̱ tsa ngu' ña'a̱ ngu' lo'o cati̱ quichi̱ bi'; tya'na tsa cua'ni ngu', cha' xñi'i̱ tsa ti' ngu' caca.