APOCALIPSIS 18:13 - Chatino Tataltepec

¹³ jua'a̱ canelya, lo'o lcaa lo xtyi'i nu tyu'u lo na cacu na, masi yana jo'ó nguxa' ti, masi yana jo'ó ycui' nu ngati̱ ti, masi taná ji'i̱ yaca mirra nu tyixi xtyi'i, nga'aa cui'ya ngu' ji'i̱; lo'o jua'a̱ lcaa lo xa' la yu'ba nu ndujui' ñati̱, masi vino, masi setye nu tyu'u lo na cacu na, masi catyá xlyá, masi nscua', masi bata, masi xlya', masi cuayu, jua'a̱ carreta nu ntyojolaqui cuayu, masi msu nu ndyi'ya ñati̱, masi tyucui ña'a̱ tsaca ñati̱ chalyuu na, nga'aa caca caya' bi'.

APOCALIPSIS 18:13 ပူးပေါင်းရင်းမြစ်များ

1 TIMOTEO 1:10

xqui'ya ñati̱ nu ndu'ni suba' lo'o nu cuna'a̱, xqui'ya nu cuna'a̱ nu ndu'ni suba' lo'o nu qui'yu, xqui'ya nu qui'yu nu ndu'ni suba' lo'o tya'a qui'yu ti, xqui'ya ñati̱ nu ntucuaana ji'i̱ tya'a ñati̱ cha' tsalo'o ji'i̱ ngu' jua'a̱ ti, xqui'ya nu cuiñi, xqui'ya ñati̱ nu nchcui' cha' cuiñi slo ngu' tisiya. Nda ycui' Ndyosi cha' cusu' bi', cha' jua'a̱ ca cuayá' ti' lcaa ñati̱ nu ná nti' taquiya' ji'i̱ cua ña'a̱ ca cha' nu liñi ca nu nclu'u na cuentya ji'i̱ ycui' Ndyosi.

2 PEDRO 2:3

Lo'o jua'a̱ ndacui tsa ti' ngu' cuiñi bi' ji'i̱ na nu ntsu'u ji'i̱ ma̱; nti' tsa ngu' cua'ni ngu' ngana ji'i̱ ma̱, bi' cha' tajua' ti chcui' ngu' cha' cuiñi ti lo'o ma̱. Pana ntsu'u cha' xcube' Ni ji'i̱ ngu' cuiñi bi', cha' cua sa'ni cua nchcui' Ni cha' ná tso'o cua'ni ngu' cha' cuxi jua'a̱. Si'i na laja' ycui' Ni; jlo ti' Ni ñi'ya̱ ndu'ni ngu' cuiñi bi', lo'o jua'a̱ cua'ni tye Ni ji'i̱ ngu' bi' yala ti.

APOCALIPSIS 18:14

Chcui' ngu' nu ndujui' yu'ba bi' lo'o ngu' quichi̱ bi' li': ―Cua ndye nguliji lcaa cha' tso'o nu ndacui tsa ti' ma̱ ji'i̱; jua'a̱ cua ndye cha' culiya' ji'na, cua ndye lcaa lo na nu tso'o ña'a̱ ji'na ―ñacui̱ ngu'―. Nga'aa quije cha' tso'o bi' ji'na juani.

APOCALIPSIS 18:15

Lo'o jua'a̱ nu ngu' culiya' bi' ni, ngu' nu ngujui cha' culiya' ji'i̱ lo'o ndyu'ni ngu' ngana nde lquichi̱ bi', tyijyu' ti tsatu̱ ngu', cha' tyutsi̱i̱ tsa ngu' ña'a̱ ngu' lo'o cati̱ quichi̱ bi'; tya'na tsa cua'ni ngu', cha' xñi'i̱ tsa ti' ngu' caca.