APOCALIPSIS 17:9 - Chatino Tataltepec

⁹ ’Ndi'ya̱ ndyu'u cha' bi' si ca cuayá' ti' ma̱ ji'i̱ ―nacui̱ xca̱ 'na―. Nu cati tya'a hique na'ni bi' ni, bi' laca cati tya'a lo cuati̱i̱ su nscua quichi̱ tlyu nu lye tsa ndyu'ni ñu'u̱ ji'i̱ chalyuu. Lo'o jua'a̱ ndi'i̱ cati tya'a rey nu laca loo chalyuu.

APOCALIPSIS 17:9 ပူးပေါင်းရင်းမြစ်များ

SAN MATEO 13:11

Li' nguxacui̱ Jesús cha' ji'i̱ ngu' bi': ―Cua nda ycui' Ndyosi chacuayá' cha' ca cuayá' ti' ma̱ sca cha' nu ntsu'u cuaana ti ji'i̱ jyo'o cusu', ñi'ya̱ caca lo'o caca ycui' Ni loo ne' cresiya ji'i̱ ñati̱. Xa' ñati̱ nu ná ngusñi cha' ji'i̱ ycui' Ndyosi ni, ná ta ngu' cuentya lo'o cuna ngu' sca cui̱i̱ nu nchcui' na'; tucui tsa cha' bi' nti' ngu'.

SAN MATEO 24:15

’Jyo'o Daniel nu ngua tu'ba ji'i̱ ycui' Ndyosi cua sa'ni ni, cua nchcui' yu cuentya ji'i̱ sca na nu suba' tsa, nu cua'ni ñu'u̱ ji'i̱ lcaa na lubii. (Caca cuayá' ti' cu'ma̱ ji'i̱ cha' bi' nu lo'o chcui' ma̱ lo quityi re.) Nu lo'o ña'a̱ ma̱ cha' ndu̱ na suba' bi' ca su tacati tsa ne' laa tonu bi' ―nacui̱ Jesús―,

APOCALIPSIS 13:1

Ndyaa na' ndyatu̱ na' to' tyujo'o li'. Na'a̱ na' nde to' hitya tyujo'o lijya̱ ndu'u tucua sca na'ni nu chiya'a̱ tsa ña'a̱; ntucua tii tya'a sata ni', cuati ntsu'u cati tya'a hique ni'. Ca ta'a sata ni' bi' cua ntucua sne' nu ndubi tsa ña'a̱, cha' laca ni' loo nde chalyuu. Ca ta'a scua' que ni' cua nscua xtañi cuiñaja, xtañi bi' nchcui' cha' ti'í ji'i̱ ycui' Ndyosi.

APOCALIPSIS 13:18

Cui'ya na cuentya ni cha' ndyaca re. Si culacua tso'o ti' na, quije cha' ji'na ñi'ya̱ ndyu'u cha' ji'i̱ número ji'i̱ na'ni bi'; número ji'i̱ ni' ni, ñi'ya̱ laca xtañi ñati̱, jua'a̱ laca bi'. Nde laca número bi': scuá siyento ntucua snayala ntucua scuá.

APOCALIPSIS 17:18

Nu cuna'a̱ nu na'a̱ nu'u̱ ni, ñi'ya̱ nti' nu quichi̱ tlyu nu laca loo bi', jua'a̱ laca nu cuna'a̱ bi'; nclyo bi' cña ji'i̱ lcaa ngu' nu laca loo chalyuu.

APOCALIPSIS 17:3

Li' ndyalo'o Xtyi'i ycui' Ndyosi 'na, ndyaa na' lo'o sca xca̱ ji'i̱ ycui' Ni ca ne' quixi̱' su ná ndi'i̱ ñati̱. Ca bi' na'a̱ na' su ntucua sca nu cuna'a̱ hichu̱' sca na'ni nga'a, nu chiya'a̱ tsa ña'a̱; hichu̱' ni' nscua quiña'a̱ tsa cha' cuxi, nu ti'í tsa nchcui' ji'i̱ ycui' Ndyosi. Ntucua cati tya'a hique ni', cuati ntucua tii tya'a sata ni'.

APOCALIPSIS 17:7

Lo'o li' ndacha' nu xca̱ ji'i̱ ycui' Ndyosi bi' 'na: ―¿Ni cha' laca ndube tsa ti' nu'u̱? ―nacui̱―. Culu'u na' jinu'u̱ cua ña'a̱ ca cha' tucui nu ntsu'u ji'i̱ nu cuna'a̱ nu ntucua chu̱' na'ni chiya'a̱ ña'a̱ jua, nu na'ni nu ntucua cati tya'a hique ni' lo'o tii tya'a sata ni'; culu'u na' jinu'u̱ sca cha' nu ná nchca cuayá' ti' ñati̱ ji'i̱ ―nacui̱―.