Nga'a̱ cha' tyaa ngu' bi' ca chalyuu talya nu lo'o cajaa ngu', xqui'ya cha' sca ndyosi cuiñi ntsu'u ji'i̱ ngu' bi'; cua ña'a̱ ca na nu ndacui tsa ti' ngu' ji'i̱ cha' caja ji'i̱ ngu' nde chalyuu, bi' laca ndyosi ji'i̱ ngu' bi'. Lo'o jua'a̱ tyixi tsa ndu'ni ngu' lo'o tya'a ngu', masi nga'a̱ cha' ca tyuju'u tsa ti' ngu'; xcui' ntsu'u tyiquee ngu' ji'i̱ cua ña'a̱ ca na nu ntsu'u nde chalyuu.
APOCALIPSIS 17:5 - Chatino Tataltepec5 Nde tyaca̱a̱ nscua sca xtañi nu cuna'a̱ bi', pana ná ca cuayá' ti' na ji'i̱ si ná nslo na xtañi bi': “Babilonia tonu laca re, cha' nde laca quichi̱ tyi lcaa ñati̱ nu ndyu'ni cha' suba' tyucui ña'a̱ chalyuu”. Jua'a̱ nscua nde tyaca̱a̱ nu cuna'a̱ bi'. အခန်းကိုကြည့်ပါ။ |
APOCALIPSIS 17:5
18 ပူးပေါင်းရင်းမြစ်များ
Ndi'ya̱ ndyu'u cha' nu na'a̱ nu'u̱ tsa̱, cha' ji'i̱ nu cati tya'a cuii nu ntsu'u nde cua̱ nu na'a̱ nu'u̱ cha' ndacui ya' na' la'a tsu' cui̱, jua'a̱ nu cati tya'a candyeru oro bi', cha' ná ngua cuayá' ti' nu'u̱ nquicha': nu cati tya'a cuii bi', bi' laca nu cati tya'a ñati̱ nu ndu̱ cuentya ji'i̱ ycui' Ndyosi cha' chcui' ngu' lo'o nu cati tya'a taju ñati̱ ji'i̱ Jesucristo, sca taju ñati̱ bi' scaa quichi̱; lo'o jua'a̱ nu cati tya'a candyeru oro, bi' laca nu cati tya'a taju ñati̱ bi'.
Li' tyanu tyucuaa jyo'o bi' ca su ntsiya ngujuii to' calle quichi̱ tlyu bi', la cui' quichi̱ su ngujui'i̱ ca'a̱ ngu' ji'i̱ ycui' nu Xu'na na lo crusi. Xña'a̱ tsa ngu' quichi̱ bi', bi' cha' ntsu'u sca cha' nu nchcui' ñati̱ ji'i̱, cha' ñi'ya̱ ngua ngu' quichi̱ Sodoma cua sa'ni, la cui' ñi'ya̱ ngua ngu' quichi̱ Egipto cua sa'ni, jua'a̱ laca ngu' quichi̱ tlyu bi' juani.
Lo'o ndyaa xca̱ bi', li' ndyalaa chaca xca̱ cha' chcui' lo'o ñati̱: ―Cua nguti̱ quichi̱ ―nacui̱ nu chaca xca̱ bi'―. Cua nguti̱ quichi̱ tlyu nu naa Babilonia, xqui'ya cha' ngua'ni ñu'u̱ ngu' quichi̱ bi' ji'i̱ lcaa ñati̱ chalyuu. Cuxi tsa cña nu ngua'ni ngu' quichi̱ bi', xqui'ya cha' ndu'ni tlyu ngu' ji'i̱ lcui̱ jo'ó; jua'a̱ ngulu'u qui'i̱ ngu' ji'i̱ xa' ñati̱ cha' cua'ni ngu' la cui' ti cha' cuxi slo jo'ó ―nacui̱ xca̱ nu nchca tyucuaa bi'.
Ti'í tsa ngutsu yuu su nscua quichi̱ tlyu, nu quichi̱ Babilonia bi'; sna yu'be ngua quichi̱ bi' li'. Lo'o jua'a̱ nguti̱ lcaa quichi̱ tonu nu ndi'i̱ xa' chalyuu, cha' ndyi'u ti' Ni nchcube' Ni ji'i̱ ngu' quichi̱ tlyu bi'; tlyu tsa cha' ti'í ngua'ni ycui' Ndyosi lo'o ngu' bi', cha' ñasi̱' tsa Ni ji'i̱ ngu'.
Li' ya̱a̱ sca xca̱ ca slo na', sca ngu' tya'a nu cati tya'a xca̱ nu ntucua ca'ña oro ya' bi'. Nchcui' lo'o na' li': ―Cua̱a̱ nu'u̱ ca nde cha' culu'u na' jinu'u̱ ñi'ya̱ xcube' Ni ji'i̱ ngu' quichi̱ tlyu nu lye tsa ndyu'ni ñu'u̱ ji'i̱ ñati̱ chalyuu; la cui' quichi̱ tlyu laca su ntsu'u tyu̱u̱ tya'a sta'a̱ cacua ti to' quichi̱.
Lo'o li' ndacha' nu xca̱ ji'i̱ ycui' Ndyosi bi' 'na: ―¿Ni cha' laca ndube tsa ti' nu'u̱? ―nacui̱―. Culu'u na' jinu'u̱ cua ña'a̱ ca cha' tucui nu ntsu'u ji'i̱ nu cuna'a̱ nu ntucua chu̱' na'ni chiya'a̱ ña'a̱ jua, nu na'ni nu ntucua cati tya'a hique ni' lo'o tii tya'a sata ni'; culu'u na' jinu'u̱ sca cha' nu ná nchca cuayá' ti' ñati̱ ji'i̱ ―nacui̱―.
Cui̱i̱ tsa nchcui' xca̱ bi': ―Cua ndye cha' ji'i̱ quichi̱ Babilonia bi' ―nacui̱―, ndye quichi̱ tlyu bi' nguti̱. Ca su nguti'i̱ quichi̱ bi' cua tsubi' la, ca bi' laca to' tyi cuxee juani, masi tyi cuiñaja laca bi' juani. Ca bi' ntucua to' tyi lcaa lo cui'i̱ cuxi, lcaa lo na'ni cuityi nu ntucua lu'be nu chiya'a̱ ña'a̱.
Lo'o li' ya̱a̱ sca xca̱ ji'i̱ ycui' Ndyosi nu tlyu tsa cña ngua ji'i̱ cua'ni. Ngusicua̱ xca̱ bi' sca quee tonu nu lo scuii ti ña'a̱; ñi'ya̱ ña'a̱ sca quee ji'i̱ molino, jua'a̱ ña'a̱ quee bi'. Ngu̱ ji'i̱ ndyaa nde lo hitya tyujo'o li'. ―La cui' jua'a̱ caca ji'i̱ quichi̱ Babilonia, quichi̱ tlyu bi' ―nacui̱ xca̱ bi'―, cha' xlyú ngu' ji'i̱ quichi̱ bi' ca lo yuu tsiya' ti; nga'aa ña'a̱ ngu' ji'i̱ quichi̱ bi' chaca quiya' li'.
Chañi tsa laca lcaa cha' nu nchcui' ycui' Ni lo'o ñati̱, liñi tsa ndyu'ni cuayá' Ni ji'i̱ ñati̱ chalyuu. Cua nchcube' Ni ji'i̱ ngu' quichi̱ tlyu nu lye tsa ngua'ni ñu'u̱ ji'i̱ chalyuu, xqui'ya cha' suba' nu ndyu'ni ngu' lo'o tya'a ngu'; jua'a̱ nchcube' Ni ji'i̱ ngu' bi', xqui'ya cha' cua ndyujuii ngu' ji'i̱ ñati̱ nu ndyu'ni cña ji'i̱ ycui' Ni.
ကြော်ငြာတွေ