APOCALIPSIS 17:17 - Chatino Tataltepec

¹⁷ Cua ngua'ni ycui' Ndyosi cha' ca'ya cha' hique rey, bi' cha' cua'ni ngu' jua'a̱, cha' ta ngu' chacuayá' caca nu na'ni chiya'a̱ ña'a̱ loo, ña'a̱ cuayá' tyu'u scua lcaa cha' nu nacui̱ Ni cha' caca.

APOCALIPSIS 17:17 ပူးပေါင်းရင်းမြစ်များ

SAN LUCAS 22:22

Nga'a̱ cha' tsa'a na' nu cua lijya̱a̱ cha' caca na' ñati̱, tsa'a̱ tyucui̱i̱ su cua nscua cuayá' cha' tsa'a̱ cuentya ji'i̱ ycui' Ndyosi Sti na'. Pana tya'na tsa nu qui'yu nu cua cujui' ti cresiya 'na ji'i̱ ngu' cuxi bi'.

SAN LUCAS 22:3

Li' ndyatí̱ ycui' nu xña'a̱ nu naa Satanás ne' cresiya ji'i̱ Judas Iscariote, masi la cui' tya'a ngu' nu ndyaca tsa'a̱ ji'i̱ Jesús laca yu bi'.

SAN LUCAS 22:37

Jua'a̱ cha' nchcui' na' lo'o ma̱ cha' nga'a̱ cha' tyu'u tucua cha' cuxi nu nchcui' quityi cusu' cha' caca 'na. Ndi'ya̱ nscua cha': “Ñi'ya̱ nu ndu'ni ngu' lo'o ñati̱ cuxi, jua'a̱ cua'ni ngu' lo'o ycui' Cristo”. Lcaa cha' nu nscua cha' caca 'na, jua'a̱ caca 'na tu'ni ―nacui̱ Jesús ji'i̱ ngu'.

SAN JUAN 10:35

Jlo ti' na cha' ná caca ji'na tacu̱' na ni sca cha' nu nda ycui' Ndyosi lo'o na. Sca cha' nu nchcui' quityi bi' ni, nacui̱ cha' ñi'ya̱ laca ycui' Ndyosi, jua'a̱ laca ñati̱ nu ndaquiya' cha' nu nda Ni lo'o.

SAN JUAN 13:18

’Ná nchcui' na' ji'i̱ lcaa cu'ma̱. Jlo ti' na' ti ji'i̱ ngusubi na' cha' caca tsa'a̱ ngu' jna' ―nacui̱ Jesús―. Tya sa'ni nguscua ngu' sca cha' ji'i̱ ycui' Ndyosi lo quityi ndi'ya̱: “La cui' ñati̱ nu stu'ba ndyacu tyaja lo'o na', bi' laca nu xu̱u̱ tya'a lo'o na' juani”; jlo ti' na' cha' nga'a̱ cha' caca cha' bi' ―nacui̱ Jesús―.

SAN JUAN 13:2

Laja li' cua ngua'ni nu xña'a̱ cha' ngua'ya cha' hique Judas sñi' Simón Iscariote cha' cujui' cresiya ji'i̱ Jesús ji'i̱ ngu' cuxi.

SAN JUAN 19:24

Bi' cha' nacui̱ ngu' ji'i̱ tya'a ngu': ―Ná cusaa' na late' re. Quijya na lo'o tya'a na cha' quije cha' ji'na tilaca nu ca ji'i̱ late' re. Lo'o jua'a̱ ngua cuayá' ti' na cha' chañi cha' nu nscua lo quityi cusu cua' sa'ni, nu nchcui' ndi'ya̱: “Cua ngusa'be ngu' ste' na' lo'o tya'a ngu', cua ngüijya ngu' lo'o tya'a ngu' cha' quije cha' ji'i̱ ngu' tilaca nu ca ji'i̱ late' bi'”. Jua'a̱ nacui̱ lo quityi bi', lo'o la cui' jua'a̱ ngua'ni ngu' sendaru bi' li'.

SAN JUAN 19:28

Jua'a̱ ngua lo'o cua ngua tii Jesús cha' cua ngua lcaa cha' nu ntsu'u cha' caca ji'i̱ ycui' yu, li' nacui̱ yu ñi'ya̱ nu nacui̱ sca cha' nu nscua lo quityi cusu': ―Nguityi tsa na' hitya ―nacui̱ yu.

2 CORINTIOS 8:16

Tso'o tsa nti' ya lo'o nchcui' ya lo'o ycui' Ndyosi, cha' nu Tito, tya'a ndya'a̱ ya cña bi' ni, nti' tsa yu xtyucua yu ji'i̱ ma̱. Stu'ba ti nti' yu lo'o na' cha' xtyucua ya ji'i̱ cu'ma̱.

APOCALIPSIS 10:7

lo'o xana cula'á xca̱ nu nchca cati lo'o cui'chcua̱ ji'i̱, li' xana cua'ni Ni cña nu cua ndacha' Ni ji'i̱ jyo'o cusu' nu nda cha' ji'i̱ Ni lo'o ñati̱ tya sa'ni la. Ntsu'u yacu̱' ti cha' bi' cua sa'ni, pana juani cua ndañi liñi cha' bi'.

APOCALIPSIS 15:1

Ngutu'u tucua chaca cuayá' tlyu nde cua̱ li'. Ndube tsa ti' na' lo'o na'a̱ na' ji'i̱, cha' ndu̱ cati tya'a xca̱ ji'i̱ ycui' Ndyosi nu ndu̱ lo'o cati tya'a quicha nu caca su cua tye ti chalyuu. Lo'o cua ndye ngua quicha bi' chalyuu, li' cati̱ cha' ñasi̱' ycui' Ni.

APOCALIPSIS 17:13

Sca ti cha' nda'ya hique nu tii tya'a rey bi', cha' xtyucua ngu' ji'i̱ na'ni bi', cha' ta ngu' chacuayá' ji'i̱ ni'.

APOCALIPSIS 19:9

Nchcui' nu xca̱ ji'i̱ ycui' Ndyosi bi' lo'o na' li': ―Scua clya nu'u̱ cha' re lo quityi ―nacui̱―: “Tso'o ntsu'u tyiquee ñati̱ nu nguane na' ji'i̱ cha' tsaa su caja clyo'o lo'o yu nu ngujuii lo crusi cuentya ji'i̱ ngu'”, nacui̱ Ni. La cui' cha' liñi nu nda ycui' Ndyosi lo'o ñati̱ laca cha' bi' ―nacui̱ xca̱ bi' jna'.

APOCALIPSIS 6:11

Lo'o ti ngujui late' ngati̱ cacu' lcaa jyo'o bi', li' nchcui' ycui' Ndyosi lo'o ngu' bi': ―Xa' xtyii cña' ma̱ tya xi ca, ña'a̱ cuayá' tyalaa tyu̱u̱ tya'a jyo'o ngu' tya'a ma̱, tya'a ngusñi ma̱ cha' ji'i̱ Jesús, tya'a ndyu'ni ma̱ cña ji'i̱ Ni; tya cujuii ñati̱ chalyuu ji'i̱ ngu' bi' ñi'ya̱ lo'o cua ndyujuii ngu' ji'i̱ cu'ma̱ ―nacui̱ Ni.