APOCALIPSIS 16:17 - Chatino Tataltepec

¹⁷ Lo'o li' ndyaa xca̱ nu nchca cati, ndyaa ngusalú na nu ntsu'u ne' ca'ña ji'i̱ lo cui'i̱ ti. Li' cui̱i̱ nchcui' nu ntucua lo yaca xlya tlyu nde ne' laa tlyu ji'i̱ ycui' Ndyosi nde cua̱: ―Cua ngua bi' juani ―nacui̱ Ni.

APOCALIPSIS 16:17 ပူးပေါင်းရင်းမြစ်များ

SAN JUAN 19:30

Lo'o cua nguxcui Jesús vino bi', li' nacui̱ yu: ―Cua ngua lcaa cha'. Li' ngua'ya tacui hique yu, ngujuii yu li'.

EFESIOS 2:2

Nu ngua tyempo bi', ndya'a̱ tsa ma̱ ndu'ni ma̱ cua ña'a̱ ca cha' cuxi nu ndu'ni ñati̱ chalyuu; ndaquiya' tsa ma̱ ji'i̱ nu xña'a̱ nu laca loo ji'i̱ lcaa cui'i̱ cuxi nu ndya'a̱ nde chalyuu, la cui' nu cuxi bi' laca nu ndatsaa ji'i̱ ñati̱ chalyuu cha' ná taquiya' ngu' ji'i̱ ycui' Ndyosi.

EFESIOS 6:12

Si'i na nxu̱u̱ tya'a na lo'o ñati̱ chalyuu ti, siya' la juersa ntsu'u ji'i̱ ngu' bi'; tya'a cusu̱u̱ na laca lcaa cui'i̱ cuxi nu ntsu'u nde cua̱. Nguula tsa nu bi', hasta ngua ti' bi' tyiji̱loo ji'i̱ ycui' Ndyosi; pana ná ngua ji'i̱. La cui' laca nu ngua ti' caca xu'na chalyuu, lo'o jua'a̱ nclyo bi' cña ji'i̱ ñati̱ cha' cua'ni ngu' lcaa lo cha' cuxi nde chalyuu juani.

APOCALIPSIS 11:15

Li' cua ndya'a cati quiya' nguañi ngula'á xca̱ lo'o cui'chcua̱ ji'i̱. Nguañi nda xtyi'i tyu̱u̱ tya'a ñati̱ nde cua̱ li', nu ndi'ya̱ nchcui': Ca juani ndyanu tachaa cha' ji'i̱ ycui' nu Xu'na na, jua'a̱ ji'i̱ Cristo, cha' caca Ni loo ji'i̱ tyucui ña'a̱ chalyuu, nacui̱ ngu'. Lo'o juani ná nga'a̱ cha' tye cha' culo Ni cña chalyuu.

APOCALIPSIS 11:19

Li' na'a̱ na' su ntucua laa tlyu ji'i̱ ycui' Ndyosi nde cua̱, na'a̱ na' ca ne' laa su nscua cñá' tacati, su ngutucua ycui' Ndyosi laja ñati̱ ji'i̱ Ni nu ngua tya sa'ni la. Lo'o li' lye tsa nguañi nde chalyuu, lye tsa ndyubii, cuati lye tsa ndañi nchcui' tyi'yu; li' ngulacui̱ chalyuu, jua'a̱ clyaa tsa tyo quee ngua'ya.

APOCALIPSIS 14:15

Li' ngutu'u sca xca̱ ne' laa ji'i̱ ycui' Ndyosi nde cua̱, nu cui̱i̱ ngusi'ya ji'i̱ ñati̱ nu ntucua chu̱' coo bi': ―Xu'ba clya nu'u̱ maxtyi jinu'u̱, xuti'i̱ nu'u̱ ji'i̱ quixi̱' trigo, cha' bi' laca ñati̱ ji'i̱ ycui' Ni nu ndi'i̱ chalyuu. Cua ndyalaa la cui' hora cha' caca clacua chalyuu, cua laca nguscua se'i̱ cha' caca bi'.

APOCALIPSIS 14:17

Li' na'a̱ na' chaca xca̱ nu ngutu'u ne' laa ji'i̱ ycui' Ndyosi nde cua̱, nu ndacui maxtyi cha tu'ba ya' yu.

APOCALIPSIS 16:1

Lo'o li' ndyuna na' cha' nchcui' sca ñati̱ ne' laa tlyu bi', cui̱i̱ nchcui' lo'o nu cati tya'a xca̱ ji'i̱ ycui' Ndyosi bi': ―Yaa clya ma̱ salú ma̱ na nu ntsu'u ne' ca'ña bi' nde lo yuu chalyuu, nu cati tya'a ca'ña nu ntsu'u cha' ti'í ne', nu ta Ni ji'i̱ ñati̱.

APOCALIPSIS 21:6

Li' nchcui' Ni lo'o na' chaca quiya': ―Jua'a̱ caca lacua. Ñi'ya̱ nti' letra A ―nacui̱ Ni―, jua'a̱ nguxana lcaa cha' lo'o na'; ñi'ya̱ nti' letra Z, jua'a̱ tye lcaa cha' lo'o na' ―nacui̱ Ni―. Xlya'be ti ta na' na co'o ñati̱ nu jña tsa cha' bi' 'na; nu na co'o ngu' bi', tyu'u bi' ca su tyu'u lcaa cha' tso'o nu ta na' ji'i̱ ngu' cha' cua'ni cu'ú cresiya ji'i̱ ngu'.