APOCALIPSIS 16:16 - Chatino Tataltepec

¹⁶ Li' nxuti'i̱ cuiñaja bi' ji'i̱ ngu' laca loo, cha' tya̱a̱ ngu' nde sca nati̱', su naa Armagedón cha'cña ji'i̱ ngu' judío.

APOCALIPSIS 16:16 ပူးပေါင်းရင်းမြစ်များ

SAN JUAN 19:13

Lo'o ndyuna Pilato ñi'ya̱ nacui̱ ngu' judío bi', li' ndu'u yu ndyaa tucua yu ca su ndu'ni cuayá' yu ji'i̱ ngu'. Li' ngulo yu cña cha' ca̱a̱ lo'o ngu' ji'i̱ Jesús ca su ntucua yu, la cui' se'i̱ su ntsiya quee cuaja' nu ngua naa Gabata cha'cña ji'i̱ ngu' judío.

SAN JUAN 19:17

Li' ndaya' sendaru ji'i̱ Jesús, ndyaa lo'o ngu' ji'i̱ Jesús ca su cajaa yu. Ngüi'ya Jesús ji'i̱ crusi nu ji'i̱ ycui' ca yu, ndyaa yu li'. Ndyaa lo'o ngu' ji'i̱ yu nde su naa Gólgota cha'cña ji'i̱ ngu' judío, nu jua'a̱ nti' tyu'u cha'cña bi': Su nscua tyijya̱ hique jyo'o.

SAN JUAN 5:2

Nde Jerusalén bi' ntsu'u sca to' lo'o quichi̱ su naa to' lo'o ji'i̱ xlya'. Ca bi' nscua sca tayu' piti, Betesda naa tayu' bi' cha'cña ji'i̱ ngu' judío bi'.

LOS HECHOS 26:14

Lcaa ya nclyú ya tyucui̱i̱ bi', cha' ndyutsi̱i̱ tsa ya. Li' nchcui' Ni xi lo'o na'; cha'cña 'na, cha'cña ji'i̱ ngu' judío nchcui' Ni lo'o na': “Saulo, Saulo”, nacui̱ Ni jna', “¿ni cha' laca lye tsa nxu̱u̱ tya'a nu'u̱ lo'o na'?” nacui̱ Ni. “La cui' ca nu'u̱ ndu'ni cha' quicha ti' ycui' nu'u̱; ñi'ya̱ ndu'ni sca toro, jua'a̱ ndu'ni nu'u̱. Na ntyiji'i̱ quiya' toro la cui' se'i̱ su ndatu̱ ngu' yaca cha siyu' ni'; lo'o jua'a̱ nu'u̱, ndu'ni ñu'u̱ ji'i̱ ycui' ca ti nu'u̱.”

APOCALIPSIS 17:14

Xcui' xu̱u̱ tya'a ngu' lo'o ycui' Ni, nu ñi'ya̱ ña'a̱ xlya' bi'; pana tyiji̱loo nu ñi'ya̱ ña'a̱ xlya' bi' ji'i̱ na'ni bi', lo'o jua'a̱ tyiji̱loo ñati̱ nu ndya'a̱ lo'o Ni ji'i̱ ni', xqui'ya cha' laca ycui' Ni Xu'na lcaa ñati̱ chalyuu, laca ycui' Ni loo la ji'i̱ lcaa ngu' nu laca loo nde chalyuu. Lo'o jua'a̱ nu ñati̱ ji'i̱ ycui' Ni ni, cua ngusubi Ni ji'i̱ ngu' bi'; na cua nguane Ni ji'i̱ ngu' bi', lo'o jua'a̱ tso'o tsa ngusñi ngu' cha' ji'i̱ ycui' Ni ―nacui̱ xca̱ 'na.

APOCALIPSIS 9:11

Ntsu'u nu laca loo ji'i̱ ni', la cui' nu ntucua tlyu ca ne' tyuquee bi'; Abadón naa nu bi' cha'cña ji'i̱ ngu' judío, lo'o jua'a̱ Apolión naa nu bi' cha'cña ji'i̱ ngu' griego, nu nti' ñacui̱ cha'cña ji'na: ycui' nu ndu'ni ñu'u̱ ji'i̱ chalyuu.