APOCALIPSIS 14:9 - Chatino Tataltepec

⁹ Nchca sna quiya' juani ya̱a̱ chaca xca̱. Cui̱i̱ nchcui' lo'o ñati̱ li': ―Xcube' ycui' Ndyosi ji'i̱ cua ña'a̱ ca ñati̱ nu ndyu'ni tlyu ji'i̱ nu na'ni chiya'a̱ ña'a̱ bi', masi ji'i̱ ycui' ni', masi ji'i̱ lcui̱ ji'i̱ ni'. Lo'o jua'a̱ xcube' Ni ji'i̱ lcaa ñati̱ nu nga'a̱ cuayá' ji'i̱ ni' nde tyaca̱a̱ ngu', jua'a̱ si nga'a̱ cuayá' ji'i̱ ni' chu̱' ya' ngu';

APOCALIPSIS 14:9 ပူးပေါင်းရင်းမြစ်များ

APOCALIPSIS 14:11

Tyucui tyempo ná tye cha' tyatu̱ sñii quii' su nchcube' ñati̱ bi'; ná caja ñi'ya̱ clyaá ngu' bi' ji'i̱ ycui' Ndyosi, lcaa ñati̱ nu cua ngua'ni tlyu ji'i̱ na'ni bi', masi ji'i̱ lcui̱ ti ngua'ni tlyu ngu'; masi nga'a̱ cuayá' ti ji'i̱ ni' nde tyaca̱a̱ ngu' lo'o chu̱' ya' ngu', nga'aa clyaá ngu' bi'.

APOCALIPSIS 16:2

Li' ndyaa xca̱ nu nchca clyo, ndyaa ngusalú na nu ntsu'u ne' ca'ña ji'i̱ nde lo yuu chalyuu. Li' tonu tsa quichu' ntyucua tyucui ña'a̱ hichu̱' ñati̱; ti'í tsa nti' ngu' li', lcaa ñati̱ nu cua nga'a̱ cuayá' ji'i̱ na'ni nu chiya'a̱ ña'a̱ bi', lcaa ñati̱ nu cua ndyu'ni tlyu ji'i̱ ni'.

APOCALIPSIS 7:3

Ndi'ya̱ nchcui' yu lo'o ngu' xca̱ bi' li': ―Ná cala' ma̱ chalyuu, ná cala' ma̱ tyujo'o, ná cala' ma̱ yaca; tya lyiji cua'a̱ ycui' Ndyosi cuayá' nde tyaca̱a̱ ñati̱ nu ndyu'ni cña ji'i̱ ycui' Ni.