APOCALIPSIS 14:20 - Chatino Tataltepec

²⁰ To' quichi̱ nscua su ngusi̱ si'yu bi', la cui' su ngujuii ñati̱ cha' nchcube' Ni ji'i̱ ngu'. Clyaa tsa tañi ndyalú lijya̱ lo yuu li'; tsa ña'a̱ cuayá' nu ndyalaa tu'ba cuayu, tsa lo cua clyaa tañi ndyalú bi'. Sna siyento kilómetro cuayá' tyijyu' ngusna tañi bi' ndyaa.

APOCALIPSIS 14:20 ပူးပေါင်းရင်းမြစ်များ

APOCALIPSIS 11:8

Li' tyanu tyucuaa jyo'o bi' ca su ntsiya ngujuii to' calle quichi̱ tlyu bi', la cui' quichi̱ su ngujui'i̱ ca'a̱ ngu' ji'i̱ ycui' nu Xu'na na lo crusi. Xña'a̱ tsa ngu' quichi̱ bi', bi' cha' ntsu'u sca cha' nu nchcui' ñati̱ ji'i̱, cha' ñi'ya̱ ngua ngu' quichi̱ Sodoma cua sa'ni, la cui' ñi'ya̱ ngua ngu' quichi̱ Egipto cua sa'ni, jua'a̱ laca ngu' quichi̱ tlyu bi' juani.