APOCALIPSIS 14:17 - Chatino Tataltepec

¹⁷ Li' na'a̱ na' chaca xca̱ nu ngutu'u ne' laa ji'i̱ ycui' Ndyosi nde cua̱, nu ndacui maxtyi cha tu'ba ya' yu.

APOCALIPSIS 14:17 ပူးပေါင်းရင်းမြစ်များ

APOCALIPSIS 11:19

Li' na'a̱ na' su ntucua laa tlyu ji'i̱ ycui' Ndyosi nde cua̱, na'a̱ na' ca ne' laa su nscua cñá' tacati, su ngutucua ycui' Ndyosi laja ñati̱ ji'i̱ Ni nu ngua tya sa'ni la. Lo'o li' lye tsa nguañi nde chalyuu, lye tsa ndyubii, cuati lye tsa ndañi nchcui' tyi'yu; li' ngulacui̱ chalyuu, jua'a̱ clyaa tsa tyo quee ngua'ya.

APOCALIPSIS 14:16

Ngua'ya nu ntucua chu̱' coo bi' nde lo yuu li', nguscui̱ maxtyi ji'i̱ cha' si'yu quixi̱' li'; jua'a̱ ngua clacua nde chalyuu.

APOCALIPSIS 14:18

Jua'a̱ ngutu'u tya chaca xca̱ nu ndu̱ to' mesa su ndyaqui̱ msta̱, ya̱a̱ li'; bi' laca nu laca loo ji'i̱ quii' bi'. Li' cui̱i̱ ngusi'ya bi' lo'o xca̱ nu ndacui maxtyi cha tu'ba ya': ―Xu'ba clya nu'u̱ maxtyi jinu'u̱, xi'yu jyacua' si'yu losu' tyixi nu ntsu'u chalyuu, cha' ngumi̱ tsa ña'a̱ si'yu bi'.

APOCALIPSIS 16:1

Lo'o li' ndyuna na' cha' nchcui' sca ñati̱ ne' laa tlyu bi', cui̱i̱ nchcui' lo'o nu cati tya'a xca̱ ji'i̱ ycui' Ndyosi bi': ―Yaa clya ma̱ salú ma̱ na nu ntsu'u ne' ca'ña bi' nde lo yuu chalyuu, nu cati tya'a ca'ña nu ntsu'u cha' ti'í ne', nu ta Ni ji'i̱ ñati̱.

APOCALIPSIS 16:17

Lo'o li' ndyaa xca̱ nu nchca cati, ndyaa ngusalú na nu ntsu'u ne' ca'ña ji'i̱ lo cui'i̱ ti. Li' cui̱i̱ nchcui' nu ntucua lo yaca xlya tlyu nde ne' laa tlyu ji'i̱ ycui' Ndyosi nde cua̱: ―Cua ngua bi' juani ―nacui̱ Ni.