APOCALIPSIS 14:16 - Chatino Tataltepec

¹⁶ Ngua'ya nu ntucua chu̱' coo bi' nde lo yuu li', nguscui̱ maxtyi ji'i̱ cha' si'yu quixi̱' li'; jua'a̱ ngua clacua nde chalyuu.

APOCALIPSIS 14:16 ပူးပေါင်းရင်းမြစ်များ

SAN MATEO 16:27

Chañi cha' chaca quiya' ca̱a̱ na' nu cua nda Ni 'na lijya̱ na' cha' caca na' ñati̱, stu'ba ti ca̱a̱ na' lo'o lcaa xca̱ ji'i̱ ycui' Ndyosi; ndubi tsa ña'a̱ loo na' lo'o xee ji'i̱ ycui' Ndyosi Sti na' li'. Lo'o li' ta na' xcaya' ngu', ni cña nu cua ngua'ni scaa ngu' lo'o ya̱a̱ ngu' chalyuu.

APOCALIPSIS 14:14

Li' na'a̱ na' su ndacui sca coo ngati̱, chu̱' coo bi' ntucua sca nu ñi'ya̱ ña'a̱ ñati̱ ña'a̱; ntucua sca sne' oro hique Ni, lo'o ya' Ni ndacui sca maxtyi cha tu'ba.

APOCALIPSIS 14:15

Li' ngutu'u sca xca̱ ne' laa ji'i̱ ycui' Ndyosi nde cua̱, nu cui̱i̱ ngusi'ya ji'i̱ ñati̱ nu ntucua chu̱' coo bi': ―Xu'ba clya nu'u̱ maxtyi jinu'u̱, xuti'i̱ nu'u̱ ji'i̱ quixi̱' trigo, cha' bi' laca ñati̱ ji'i̱ ycui' Ni nu ndi'i̱ chalyuu. Cua ndyalaa la cui' hora cha' caca clacua chalyuu, cua laca nguscua se'i̱ cha' caca bi'.

APOCALIPSIS 14:17

Li' na'a̱ na' chaca xca̱ nu ngutu'u ne' laa ji'i̱ ycui' Ndyosi nde cua̱, nu ndacui maxtyi cha tu'ba ya' yu.

APOCALIPSIS 14:19

Ngua'ya xca̱ bi' li', nguscui̱ yu maxtyi ji'i̱ yu nde lo yuu chalyuu, ngusi'yu yu ji'i̱ jyacua' si'yu losu' bi', ngu̱ ji'i̱ ndyaa ne' sca pilya quee nu tlyu xi cha' satá ngu' ji'i̱; la cui' jua'a̱ xcube' tsa ycui' Ndyosi ji'i̱ ñati̱ chalyuu, xqui'ya cha' ñasi̱' tsa Ni ji'i̱ ngu'.