APOCALIPSIS 14:15 - Chatino Tataltepec

¹⁵ Li' ngutu'u sca xca̱ ne' laa ji'i̱ ycui' Ndyosi nde cua̱, nu cui̱i̱ ngusi'ya ji'i̱ ñati̱ nu ntucua chu̱' coo bi': ―Xu'ba clya nu'u̱ maxtyi jinu'u̱, xuti'i̱ nu'u̱ ji'i̱ quixi̱' trigo, cha' bi' laca ñati̱ ji'i̱ ycui' Ni nu ndi'i̱ chalyuu. Cua ndyalaa la cui' hora cha' caca clacua chalyuu, cua laca nguscua se'i̱ cha' caca bi'.

APOCALIPSIS 14:15 ပူးပေါင်းရင်းမြစ်များ

SAN MATEO 13:30

Tso'o la jatya na xi cha' caluu tyucuaa lo, ña'a̱ cuayá' nu cumi̱ trigo bi'. Li' clyo culo na' cña ji'i̱ ngu' cha' tsaa ngu' xi'yu ngu' quixi̱', cha' tyaaca̱' cuentya yane ti cha' tyaqui̱ lo quii'; li' caca clacua, nu lo'o si'yu ngu' lcaa trigo cha' tyu'u co'o ne' ja'ba.”

SAN MATEO 13:39

cha' tya'a cusu̱u̱ na' laca nu ngusañi si'yu quixi̱' bi' lo xtya̱ 'na; la cui' nu xña'a̱ laca bi'. Tsa̱ nu lo'o xana clyaja xtya̱ ni, bi' laca ñi'ya̱ laca tsa̱ tlyu lo'o tye chalyuu; lo'o ñati̱ nu si'yu quixi̱' lo xtya̱ bi' ni, bi' laca ñi'ya̱ laca xca̱ ji'i̱ ycui' Ndyosi.

SAN MATEO 23:32

Tso'o lacua. Tya cua'ni la ma̱ cha' cuxi nu ngua'ni jyo'o cusu' ji'i̱ ma̱ nu ngua sa'ni li'.

SAN MARCOS 4:29

Lo'o cua btyi ltya, li' caca clacua, cha' tyu'u ti'i̱ ltya.

1 TESALONICENSES 2:16

Ná nda ngu' judío cuxi bi' chacuayá' ji'i̱ ya cha' chcui' ya cha' ji'i̱ Jesucristo lo'o ngu' xa' tsu', cha' cua'ni lyaá Ni ji'i̱ ngu' xa' tsu' bi' li'; bi' cha' jua'a̱ nchca tlyu la qui'ya nu ntsu'u ji'i̱ ngu' judío cuxi bi', ña'a̱ cuayá' nchca ñasi̱' tsa ycui' Ndyosi ji'i̱ ngu' bi'. Ntsu'u cha' xcube' tsa Ni ji'i̱ ngu' bi' nde loo la.

APOCALIPSIS 11:19

Li' na'a̱ na' su ntucua laa tlyu ji'i̱ ycui' Ndyosi nde cua̱, na'a̱ na' ca ne' laa su nscua cñá' tacati, su ngutucua ycui' Ndyosi laja ñati̱ ji'i̱ Ni nu ngua tya sa'ni la. Lo'o li' lye tsa nguañi nde chalyuu, lye tsa ndyubii, cuati lye tsa ndañi nchcui' tyi'yu; li' ngulacui̱ chalyuu, jua'a̱ clyaa tsa tyo quee ngua'ya.

APOCALIPSIS 13:12

Ñi'ya̱ nchca ji'i̱ na'ni chiya'a̱ ña'a̱ nu ya̱a̱ tya clyo la nclyo ni' cña, la cui' jua'a̱ nchca ji'i̱ nu chaca na'ni bi' culo ni' cña ji'i̱ ñati̱; cha' juersa ndatsaa ni' ji'i̱ lcaa ñati̱ chalyuu cha' cua'ni tlyu ngu' ji'i̱ na'ni nu ya̱a̱ clyo, nu ngua tso'o su ti'í tsa ngula'a hique ni'.

APOCALIPSIS 14:14

Li' na'a̱ na' su ndacui sca coo ngati̱, chu̱' coo bi' ntucua sca nu ñi'ya̱ ña'a̱ ñati̱ ña'a̱; ntucua sca sne' oro hique Ni, lo'o ya' Ni ndacui sca maxtyi cha tu'ba.

APOCALIPSIS 14:16

Ngua'ya nu ntucua chu̱' coo bi' nde lo yuu li', nguscui̱ maxtyi ji'i̱ cha' si'yu quixi̱' li'; jua'a̱ ngua clacua nde chalyuu.

APOCALIPSIS 14:17

Li' na'a̱ na' chaca xca̱ nu ngutu'u ne' laa ji'i̱ ycui' Ndyosi nde cua̱, nu ndacui maxtyi cha tu'ba ya' yu.

APOCALIPSIS 14:18

Jua'a̱ ngutu'u tya chaca xca̱ nu ndu̱ to' mesa su ndyaqui̱ msta̱, ya̱a̱ li'; bi' laca nu laca loo ji'i̱ quii' bi'. Li' cui̱i̱ ngusi'ya bi' lo'o xca̱ nu ndacui maxtyi cha tu'ba ya': ―Xu'ba clya nu'u̱ maxtyi jinu'u̱, xi'yu jyacua' si'yu losu' tyixi nu ntsu'u chalyuu, cha' ngumi̱ tsa ña'a̱ si'yu bi'.

APOCALIPSIS 15:6

Li' ngutu'u nu cati tya'a xca̱ bi' ne' laa, ndyalo'o ngu' ji'i̱ ca ta'a cati quicha nu caca lo'o cua tye ti chalyuu. Xcui' late' ngati̱ lacu' xca̱ bi', late' nu lubii tsa ña'a̱; jua'a̱ cua ndyaaca̱' sintya oro tyiquee ngu'.

APOCALIPSIS 16:17

Lo'o li' ndyaa xca̱ nu nchca cati, ndyaa ngusalú na nu ntsu'u ne' ca'ña ji'i̱ lo cui'i̱ ti. Li' cui̱i̱ nchcui' nu ntucua lo yaca xlya tlyu nde ne' laa tlyu ji'i̱ ycui' Ndyosi nde cua̱: ―Cua ngua bi' juani ―nacui̱ Ni.

APOCALIPSIS 6:10

Cui̱i̱ ngusi'ya jyo'o bi': ―Ndyosi Xu'na ya ―nacui̱ ngu'―, xcui' lubii tsa cresiya jinu'u̱; xcui' cha' liñi ndu'ni nu'u̱ ―nacui̱ jyo'o bi'―. ¿Ha tya tiya' tsa cua'ni cuayá' nu'u̱ ji'i̱ ñati̱ chalyuu? ¿Ha tya tiya' tsa xcube' nu'u̱ ji'i̱ ngu' xqui'ya cha' cua ndyujuii ngu' ji'i̱ ya? ―nacui̱ jyo'o bi'.