APOCALIPSIS 14:14 - Chatino Tataltepec

¹⁴ Li' na'a̱ na' su ndacui sca coo ngati̱, chu̱' coo bi' ntucua sca nu ñi'ya̱ ña'a̱ ñati̱ ña'a̱; ntucua sca sne' oro hique Ni, lo'o ya' Ni ndacui sca maxtyi cha tu'ba.

APOCALIPSIS 14:14 ပူးပေါင်းရင်းမြစ်များ

SAN MATEO 13:30

Tso'o la jatya na xi cha' caluu tyucuaa lo, ña'a̱ cuayá' nu cumi̱ trigo bi'. Li' clyo culo na' cña ji'i̱ ngu' cha' tsaa ngu' xi'yu ngu' quixi̱', cha' tyaaca̱' cuentya yane ti cha' tyaqui̱ lo quii'; li' caca clacua, nu lo'o si'yu ngu' lcaa trigo cha' tyu'u co'o ne' ja'ba.”

SAN MATEO 17:5

Pana laja lo'o nchcui' Pedro, li' ndu'u tucua sca coo nu ngati̱ tsa ña'a̱, nu ndubi tsa ña'a̱, ngüixi̱i̱ chu̱' ngu', tyucui ña'a̱ su ndu̱ ngu'. Li' nguañi xtyi'i sca ñati̱. Hora ti ngua cuayá' ti' ngu' bi', cha' nchcui' ycui' Ndyosi lo'o ngu' laja coo bi': ―La cui' yu re laca Sñi' na', tyaca'a tsa yu 'na ―nacui̱ Ni―. Tso'o tsa ntsu'u tyiquee na' ña'a̱ na' ji'i̱ yu. Cua'a̱ tso'o jyaca̱ ma̱ ji'i̱ lcaa cha' nu chcui' Sñi' na' re lo'o ma̱.

SAN MARCOS 4:29

Lo'o cua btyi ltya, li' caca clacua, cha' tyu'u ti'i̱ ltya.

SAN LUCAS 21:27

Li' ña'a̱ ngu' ji'i̱ ycui' na' nu cua nda Ni 'na lijya̱a̱ cha' caca na' ñati̱, ña'a̱ ngu' lo'o tya̱a̱ na' laja coo nu ndubi tsa ña'a̱. Tlyu tsa chacuayá' ngujui jna' cha' tya̱a̱ na' li'; jua'a̱ lye tsa quiji'i̱ xee loo na' lo'o ca̱a̱ na' li', nu lo'o caca na' loo.

HEBREOS 2:9

Pana cua jlo ti' na ñi'ya̱ ngua ji'i̱ Jesús nu ngua li', cha' xti ti tyempo ngua lcaa xca̱ ji'i̱ ycui' Ndyosi loo la ji'i̱ ycui' Jesús. Ngujuii yu lo crusi cuentya ji'i̱ lcaa ñati̱ chalyuu, xqui'ya cha' xcui' tso'o tsa ndu'ni ycui' Ndyosi lo'o na. Lo'o jua'a̱ ndube tsa ti' na ñi'ya̱ ndyaca ji'i̱ yu juani, cha' tso'o tsa ndyu'ni chi̱ ngu' loo yu; ndyu'ni tlyu ngu' ji'i̱ yu xqui'ya cha' cua ngujuii yu, xqui'ya cha' ti'í tsa ngua ti' yu cuentya ji'na.

APOCALIPSIS 1:13

Laja candyeru bi' ndu̱ sca nu ñi'ya̱ ña'a̱ ñati̱ ña'a̱, jua'a̱ ña'a̱ nu cusu' bi' ngua ti' na'. Tyucui̱ tsa late' lacu' Ni, nu ndyalaa ca yane quiya' Ni tsiya' ti, lo'o jua'a̱ cua ndyaaca̱' tyiquee Ni lo'o sca sintya oro.

APOCALIPSIS 1:7

Cui'ya ma̱ cuentya, cha' tya tya̱a̱ Jesucristo nde chalyuu chaca quiya' laja coo. Ña'a̱ lcaa ñati̱ ji'i̱ yu li'; jua'a̱ nu ñati̱ nu liye' tsa ti' ña'a̱ ji'i̱ yu nu ngua tsubi', jua'a̱ nu ñati̱ nu cua ndyojo' chcua̱ ji'i̱ yu, lo'o ngu' bi' ña'a̱ ngu' ji'i̱ yu chaca quiya' li'. Xi'ya ñati̱ tyucui ña'a̱ chalyuu cha' xñi'i̱ ti' ngu' lo'o tya̱a̱ Jesús chaca quiya', cha' cua jlo ti' ngu' cha' ntsu'u qui'ya ji'i̱ ngu'. Jua'a̱ caca cha' bi' lacua.

APOCALIPSIS 10:1

Li' laja coo ti na'a̱ na' chaca xca̱ nu ngutu'u ca slo ycui' Ndyosi, nu ya̱a̱ nde cua̱ ngua'ya nde lo yuu li'; lcaa cña nchca ji'i̱ xca̱ bi'. Ndu̱ cuaña taa lo xlya hique xca̱ bi', jua'a̱ ndubi tsa ña'a̱ cloo xca̱ bi' ñi'ya̱ ndubi ña'a̱ loo cuichaa; lo'o jua'a̱ tyijya̱ quiya' yu, jua'a̱ tyijya̱ nda̱ yu, lye ndyu'u xee ñi'ya̱ laca lo'o ndyatu̱ quii'.

APOCALIPSIS 11:17

Ndi'ya̱ nchcui' ngu' li': Ndyosi Xu'na ya, nacui̱ ngu', cua nchca jinu'u̱ cua'ni lcaa cña. Na lu'ú nu'u̱ juani, lo'o la cui' ti lu'ú nu'u̱ nu ngua tya clyo la, jua'a̱ tya lu'ú nu'u̱ nde loo la. Tsa xlya'be jinu'u̱ cha' cua nguxana nu'u̱ ndyu'ni nu'u̱ quiña'a̱ tsa cña tlyu nde chalyuu. Ndube tsa ti' ya cha' cua nguxana nu'u̱ laca nu'u̱ loo,

APOCALIPSIS 19:12

Nu xee cloo Ni ni, tso'o tsa ngulane xee ñi'ya̱ laca lo'o cua̱ tsa ndyatu̱ quii'. Lo'o jua'a̱ tyu̱u̱ tya'a sne' oro ntucua lo xlya hique Ni. Cua nscua sca xtañi Ni hichu̱' Ni nu ndacha' ñi'ya̱ laca cña nu ndu'ni Ni. Ná taca ji'i̱ xa' ñati̱ ñacui̱ ngu' ñi'ya̱ ndyu'u cha' ji'i̱ xtañi bi', cha' sca ti ycui' Ni nslo Ni ñi'ya̱ ndyu'u xtañi bi'.

APOCALIPSIS 20:11

Lo'o li' na'a̱ na' cha' ntucua sca ñati̱ tlyu lo sca yaca xlya tlyu nu ndubi tsa ña'a̱. Li' nguti̱ lcaa chalyuu, jua'a̱ nguti̱ lcaa ca na nu ntsu'u nde cua̱, nu lo'o ndu'u tucua ycui' Ni; nga'aa tyaca̱' tsiya' ti ma nde su nguliji yu'u chalyuu bi'.

APOCALIPSIS 6:2

Li' nguxña'a̱ na' ji'i̱ nu ñati̱ nu nchcui' na'ni tacati bi' lo'o, na'a̱ na' ndu̱ sca cuayu ngati̱; yu nu ntucua hichu̱' cuayu bi' ni, na'a̱ na' ntucua sca cuatyi ya' yu, lo'o jua'a̱ cua nda ngu' sca sne' chcua̱ cha' tyucua hique yu. Li' ngutu'u yu ndyaa yu cusu̱u̱; ntiji̱loo yu li', lo'o ña'a̱ ti tya tyiji̱loo la yu xi ji'i̱ tya'a cusu̱u̱ yu.